Jeremi 50:32 - Maktub gə́ To gə Kəmee

³² Njebeelé a kunda ndolé Ndá a kɔr koso, Dəw gə́ njekwá kundá tar a godo. M’a tula pər dɔ ɓee-booje’g ləa Ndá a roo looje lai gə́ gugu dɔ dee sub lé dula-dula.

Jeremi 50:32 Iomraidhean Croise

Pakɔsje 119:78

Njébeeleje gə́ d’orè dɔm naŋg lal né gə́ bèe lé Maji kar kəm sɔḭ wa kəm dee, Ma lé godnduije lé ma m’la̰ji tor dee məəm’g ya.

Gosota-Kəmkàrje 16:18

Kesta ɓa ɔr no̰ tuji ləm, Beelé ɓa ar dəw oso ləm tɔ.

Gosota-Kəmkàrje 18:12

Kédé ɓa kar tuji gə́ boo teḛ ɓəi lé Dəw ti rəa mée’g, Nɛ kula dɔ kédé ɓa rɔnduba orè gée ɓəi.

Jeremi 21:14

Njesigənea̰ pana: N’a kwɔji sí kəmkàr Gə goo kandə néra síje, N’a kila pər mee kag-kɔr’g lə sí Ndá yee a roo looje lai gə́ gugu dəa.

Jeremi 49:27

M’a kila pər mee ɓee-boo gə́ Damas karee roo kəi-mbaije lə Ben-Adad dula-dula.

Jeremi 51:26

Dəw a kiŋga mbalje gə́ ka̰ dɔkum kəi Esé mbalje gə́ ka̰ tum gin kəi rɔi’g el, Mbata i a tuji pugudu saar gə no̰. Njesigənea̰ ɓa pa bèe.

Jeremi 51:64

ndá i a pa ne togə́bè pana: Babilɔn a ndii mán togə́bè ləm, némeekonje gə́ Njesigənea̰ a kar dee ree dəa’g lé d’a kɔr dəa’g el ləm tɔ, deḛ d’a koso naŋg kunda ndolé. Yee nee ɓa to rudu taje lə Jeremi.

Loo gə́ killa rea kəm Daniel’g 5:20

Nɛ loo gə́ yeḛ unda dəa tar ra ne dɔkədərə beelé ne dɔ néreaje’g ndá d’unee dɔ kalimbai’g ləa d’undá naŋg ləm, d’ɔr rɔnduba dəa’g ləm tɔ.

Amɔs 1:10

N’a kula gə pər dɔ ndògo-bɔrɔ gə́ Tir Karee roo kəi-mbaije dula-dula ya.

Amɔs 1:12

N’a kula gə pər dɔ Temanje’g Karee roo kəi-mbaije gə́ Bosra dula-dula ya.

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Amɔs 1:4

N’a kula gə pər karee oso dɔ kəi’g lə Ajael Karee roo kəi-mbaije lə Ben-Adad dula-dula ya tɔ.

Amɔs 1:7

N’a kula gə pər dɔ ndògo-bɔrɔ gə́ Gaja Karee roo kəi-mbaije lé dula-dula.

Amɔs 2:2

N’a kula gə pər mee ɓee gə́ Moab Karee roo kəi-mbaije gə́ to Kerijot, Moabje lé d’a kwəi loo gə́ d’a kaw dɔ na̰’d pum-pum ləm, Gə dan lul’g lə njérɔje ləma, Gə dan ndu to̰to̰je gə́ ɓar lé ləm tɔ.

Amɔs 2:5

N’a kula gə pər mee ɓee gə́ Juda’g Karee roo kəi-mbaije gə́ Jerusalem dula-dula ya.

Amɔs 5:2

Israɛl gə́ to asəna gə ŋgoma̰də lé wəi mba̰ Ndá yeḛ a tel kḭta gogo el. Yeḛ to naŋg Ndá dəw kára kara gə́ njekunee kuree tar godo.

Tel tura Godndu 32:22

Mbata pər oŋg ləm mbudu o̰ ndá A ko̰ saar teḛ rudu loo-si njé gə́ d’wəi’g A roo naŋg nee gə kandə néje gə́ d’uba keneŋ ləm, A kaw saar teḛ gel mbalje’g naŋg ləm tɔ.

Loo gə́ killa rea kəm Ja̰’g 18:8

Gelee gə́ nee ɓa tuji-booje d’a koso ne dəa’g mee ndɔ gə́ kára ba’g ya as bèe: yoo ləm, gə kəmndooyoo ləma, gə yoo-ɓoo ləm tɔ ndá pər ɓa d’a rée ne. Mbata Mbaidɔmbaije Ala gə́ njesiŋgamoŋ lé gaŋg rəwta dəa’g ya.