Jeremi 50:3 - Maktub gə́ To gə Kəmee

³ Mbata ginkoji dəwje d’ḭ dɔgel D’aw gə mba rɔ səa, D’a kar ɓee ləa tel to dɔdilaloo ləm, Dəwje d’a si keneŋ el ŋga ləm tɔ. Dəwje gə daje d’aḭ d’aw.

Jeremi 50:3 Iomraidhean Croise

Gḭ-Néje 6:7

Njesigənea̰ pa pana: M’a tuji dəw gə́ m’undá dɔ naŋg neelé karee udu, un kudee dɔ dəw’g saar teḛ ne dɔ nékulje’g ləm, gə daje gə́ d’ag naŋg gə ta mee dee ləma, gə yelje gə́ d’aw pə̰ dara’d gə́ tar ləm tɔ mbata ma m’ndiŋga rɔm dɔ kunda gə́ ma m’unda dee lé.

Teḛ-Raga 12:12

Mee til’g neelé n’a njaa mee ɓee gə́ Ejiptə ndá n’a kila tuji dɔ ŋgandərje lai gə́ mee ɓee gə́ Ejiptə’g, un kudee dɔ ŋgandər dəwje’g saar teḛ ne dɔ ŋgandər daje’g ləm, n’a gaŋgta dɔ magəje’g lai gə́ to Ejiptə lé ləm tɔ. Neḛ n’to Njesigənea̰.

Esai 41:25

Ma m’ɓar dəw kára par gə́ dɔgel Ndá yeḛ si ree ya, Loo-kuba’g lə kàr lé deḛ ɓar ria keneŋ, Yeḛ mbula njésiŋgamoŋje naŋg To gə́ mbula ne bɔrɔ bèe ləm, To gə́ njekubajo mbɔḭ ne a̰ji bèe ləm tɔ.

Esai 45:1

Njesigənea̰ pata togə́bè ar Sirus gə́ yeḛ wa dəa gə ubu lé Yeḛ gə́ yeḛ wá jikɔlee’g Gə mba kunda ne ginkoji dəwje gə raŋg naŋg nea̰’g ləm, Gə mba tudu ne mina-mbai reŋ mbaije’g ləma, Gə mba kɔr tarəwkɔgje karee Kar dəw kára kara a kudu tarəwje lé el ləm tɔ pana:

Jeremi 21:6

N’a kunda njé gə́ mee ɓee-boo’g neelé, dəwje ləm, gə daje ləm tɔ, d’a kwəi yoo-koso gə́ to ɓəl kədm-kədm.

Jeremi 50:9

Mbata aa ooje, m’a kar ginkoji dəwje gə raŋg gə́ boo-boo ləm, Gə́ bula digi-digi ləm tɔ lé D’a kḭ ɓee gə́ dɔgel mba rɔ gə Babilɔnje. D’a tɔs rɔ dee gə mba kaw rɔ sə dee Ndá d’a dum dɔ dee, Kag ɓandaŋgje lə dee to asəna gə ka̰ njegər goso rɔ Gə́ ḭ loo-rɔ’g tel gə jia kari el.

Jeremi 51:11

Olje ndo̰ kag ɓandaŋgje lə sí ləm, Waje dərje lə sí kègègè ləm tɔ! Njesigənea̰ ɔs kudu mbaije gə́ Médi ɓɔḭ-ɓɔḭ, Mbata yeḛ wɔji mée’g Gə mba tuji Babilɔn, Mbata to dalba̰ lə Njesigənea̰, To dalba̰ gə́ wɔji dɔ kəi ləa Gə́ to gə kəmee.

Jeremi 51:48

Baŋga rɔlel a kḭ mee dara’g Gə dɔ naŋg nee ɓar kiu-kiu dɔ Babilɔn’g Gə dɔ néje lai gə́ to keneŋ. Mbata njétujilooje d’a kḭ dɔgel Ree ɓugu na̰ dəa’g. Njesigənea̰ ɓa pa bèe.

Jeremi 51:62

i a pana: I Njesigənea̰ nja ɓa pa njaŋg pana: Lée neelé a tuji pugudu ləm, dəwje əsé daje d’a si keneŋ gogo el ŋga ləma, nɛ yee a tel to dɔdilaloo saar gə no̰ ləm tɔ.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Jeremi 9:10

Njesigənea̰ pana: M’a kwa Jerusalem kugu ɓiri-ɓisi Karee to gə́ loo-to lə tàlje ləm, M’a kar ɓee-booje gə́ Juda Tel to dɔnduba kar dəw kára kara Si keneŋ el ləm tɔ.

Jeremi 9:11

See dəw gə́ ra ɓa gə́ njekəmkàr Gə́ gər gin néje neelé wa. Yeḛ gə́ Njesigənea̰ ulá ta lé maji karee pa! See gelee ban ɓa ɓee tuji ləm, Pər roo to gə́ dɔdilaloo gə́ dəw kára kara Dəs keneŋ el ləm tɔ wa.

Soponi 1:3

N’a tuji dəwje gə daje ləm, Gə yelje gə ka̰jije gə́ dan baa-boo-kad’g ləma, Gə nérɔkulje gə njémeeyèrje sə dee na̰’d ləm tɔ. N’a kar dəwje gə́ d’isi dɔ naŋg nee d’udu guduru ya, Njesigənea̰ ɓa pa bèe.