Jeremi 50:21 - Maktub gə́ To gə Kəmee

²¹ Awje aw rɔje Gə ɓee gə́ Meratayiyim ləm, Gə deḛ gə́ d’isi Pekod ləm tɔ. Maji kar sí korə deeje tɔl deeje, Tuji deeje pugudu-pugudu. Njesigənea̰ ɓa pa bèe. Arje ndukunje ləm aw lée’g béréré ya!

Jeremi 50:21 Iomraidhean Croise

2 Samel 16:11

Dabid ula Abisai gə kuraje ləa lai pana: Aa ooje, ŋgon məəm ya ndigi tɔlm, nɛ ɓəd ɓa dəw gə́ Bḛjami nee ɓəi wa! Yá̰je areeje ila ndɔl dɔm’g mbata Njesigənea̰ ɓa ulá gə mba karee ra bèe ya.

2 Mbaije 18:25

Nɛ ma lé see m’ree loo gə́ nee’g gə mba rɔ səa tujee lal torndu Njesigənea̰ lé wa. Njesigənea̰ lé ɓa ulam pana: Maji kam m’aw m’rɔ gə ɓee neelé m’tujee.

2 Sôrta Gḭka Israɛlje 36:23

Sirus, mbai gə́ Persə pa togə́bè pana: Njesigənea̰, Ala gə́ si dara lé am ɓeeko̰je lai gə́ dɔ naŋg nee ləm, yeḛ un ndia mba kam m’unda kəi-mbai Jerusalem dɔ naŋg gə́ Juda m’aree ləm tɔ. See na̰ ɓa mbuna sí’g ɓa to gə́ dəw ləa wa. Maji kar Njesigənea̰, Ala ləa nai səa aree aw ya.

Esai 10:6

M’ula dee mba kar dee rɔ Gə ginkoji dəwje gə́ njéra né kori-korije ləm, Ma m’ar dee d’aw gə mba rɔ Gə koso-dəwje gə́ d’ar oŋg ḭ səm dɔ dee’g ləm tɔ, Gə mba kar dee d’unda dee banrɔ Taa ne nékiŋgaje lə dee ləm, Gə mba kar dee mbɔḭ dee naŋg to gə́ bɔrɔ Gə́ to kila-rəwje’g bèe ləm tɔ.

Esai 44:28

Ma m’pata wɔji dɔ Sirus m’pana: Yeḛ to gə́ njekulbadje ləm, Yeḛ a ra torndum karee aw lée’g béréré, Yeḛ a pata kwɔji dɔ Jerusalem pana: Maji kar dee tel gɔlee gogo! Tɔɓəi yeḛ a pata kwɔji ne dɔ kəi gə́ to gə kəmee pana: Maji kar dee tel tum gelee gogo!

Esai 48:14

Seḭ lai lé mbo̰je dɔ na̰ ooje ta! See na̰ ɓa mbuna dee’g ɓa To gə́ njepa ta néje neelé wa. Yeḛ gə́ Njesigənea̰ undá dan kəmee’g ɓa A ra né gə́ yeḛ wɔji mée’g Mba ra gə Babilɔnje ləm, Jia a kwɔi ndiŋ-ndiŋ dɔ Kaldeje’g ləm tɔ.

Esai 48:15

To ma ɓa m’pata ndá M’ɓaree ne m’aree ree ləm, M’ar kula ləa teḛkɔr ya ləm tɔ.

Jeremi 34:22

Aa ooje, m’a kun ndum kar dee tel ree mee ɓee-boo’g neelé, deḛ d’a rɔ gə ɓee-booje neelé ləm, d’a taa ləma, d’a roo pər ləm tɔ. Tɔɓəi m’a kar ɓee-booje gə́ Juda tel to gə́ dɔdilaloo gə́ dəw godo keneŋ ya.

Jeremi 48:10

Ndɔl wa dɔ yeḛ gə́ ra kula Le Njesigənea̰ orè gə ndam ləm, Ndɔl wa dɔ yeḛ gə́ ɔg kiambas ləa Ndum dəwje mburug-mburug ləm tɔ.

Jeremi 50:15

Ɔmje lul rɔ u-u-u gə looje ɓəd-ɓəd dəa’g! Yeḛ ula jia ndiŋ, Gin ɓee gə́ tum lé Gaḭ wəgələ-wəgələ ləm, Ndògo-bɔrɔje ləa təd kərm-kərm ləm tɔ, Mbata to dalba̰ lə Njesigənea̰. Maji kar sí dalje ba̰ lə sí dəa’g. Raje səa to gə́ yeḛ ra to!

Jeremi 50:3

Mbata ginkoji dəwje d’ḭ dɔgel D’aw gə mba rɔ səa, D’a kar ɓee ləa tel to dɔdilaloo ləm, Dəwje d’a si keneŋ el ŋga ləm tɔ. Dəwje gə daje d’aḭ d’aw.

Jeremi 50:9

Mbata aa ooje, m’a kar ginkoji dəwje gə raŋg gə́ boo-boo ləm, Gə́ bula digi-digi ləm tɔ lé D’a kḭ ɓee gə́ dɔgel mba rɔ gə Babilɔnje. D’a tɔs rɔ dee gə mba kaw rɔ sə dee Ndá d’a dum dɔ dee, Kag ɓandaŋgje lə dee to asəna gə ka̰ njegər goso rɔ Gə́ ḭ loo-rɔ’g tel gə jia kari el.

Ejekel 23:23

Babilɔnje gə Kaldeje lai, gə Pekod, gə Soa, gə Kowa ləm, gə Asirije lai sə dee na̰’d ləm tɔ, deḛ gə́ to basaje gə́ kura yaa̰ ləm, to njéguburuɓeeje gə mbaije ləm, to mbaije gə́ njériɓarje ləma, gə njégər goso kal kundaje ləm tɔ.

Tel tura Godndu 33:27

Ala gə́ njesi gə ləbee-ləbee gə nea̰ lé To gə́ njo̰loo-kula-dɔ lə sí, Gel kag jia gə́ to gə no̰ lé To njo̰loo lə sí tɔ. Yeḛ tuba njéba̰je lé no̰ sí’g Pa ne pana: Maji kar dee tuji pugudu ya.

1 Samel 15:3

Ɓasinè, ɔd aw tɔl Amalekje tɔɓəi tuji néje lai gə́ to ka̰ dee lé pugudu-pugudu. I a kya̰ dee kəmba el nɛ i a tɔl diŋgamje gə denéje ləm, gə ŋganje gə́ tɔg gə deḛ gə́ ta mbà’g ləma, gə maŋgje, gə badje, gə jambalje, gə mulayḛ̀je-je ləm tɔ.