Jeremi 50:16 - Maktub gə́ To gə Kəmee

¹⁶ Maji kar sí tujije yeḛ gə́ njedubu né pugudu Mee ɓee gə́ Babilɔn ləm, Gə yeḛ gə́ njera gama kinja kó Gə marm naḭ kinja kó’g ləm tɔ! Maji kar nana kara Tel gə́ rɔ koso-dəwje’g ləa ləm, Maji kar nana kara Aḭ gə́ mee ɓee’g ləa ləm tɔ No̰ kiambas’g lə njetujiloo lé.

Jeremi 50:16 Iomraidhean Croise

Esai 13:14

Bèe ɓa asəna gə ndooi gə́ tubá ləm, Gə badə-kosoje gə́ njekul dee godo ləm tɔ lé Nana kara a tel gə́ rɔ dəwje’g ləa ləm, Nana kara a kaḭ gə́ ɓee ləa ləm tɔ.

Jeremi 25:38

Yeḛ uba loo-siée ya̰ To gə́ ŋgon toboḭ gə́ uba loo-tée ya̰ bèe. Mbata ɓee lə dee tel dɔ dɔdilaloo Gə goo meekḭ jugugu Gə oŋg-boo lə njetujiloo lé.

Jeremi 46:16

Deḛ gə́ yeḛ ar dee d’unda ndolè lé Bula yaa̰, Deḛ tɔr toso dɔ na̰’d gə́ yo gə́ nee Ndá deḛ pana: Ar sí n’telje gə́ rɔ koso-dəwje’g lə sí Gə́ mee ɓee-koji sí’g Gə́ to əw gə kiambas gə́ njetujiloo lé.

Jeremi 51:23

I ɓa m’uni m’tuji ne njekulbadje gə koso-nékulje ləa ləm, I ɓa m’uni m’tuji ne njendɔ gə bɔ maŋgje ləa ləma, I ɓa m’uni m’tuji ne njéguburuɓeeje gə mbaije ləm tɔ.

Jeremi 51:9

Jeḛ ndigi kar Babilɔn aji nɛ yeḛ aji el. Ar sí j’ubáje j’yá̰je ndá j’awje J’ar nana kara aw mee ɓee’g ləa-ləa, Mbata ta gə́ gaŋg dəa’g lé Aw njal teḛ mee dara’g ləm, Aw njal teḛ loo-pelé’g-lə-ndi ləm tɔ.

Joɛl 1:11

Njḛ́dɔje lé ta igi dee sel ləm, Deḛ gə́ ndɔ nduú kara Tuma̰ ŋgururu-ŋgururu ləm tɔ Mbata kó-blé gə kó-ɔrj tuji ləm, Mbata koje lə dee gə́ kəm kinja kara tuji ləm tɔ.

Amɔs 5:16

Gelee gə́ nee ɓa, Njesigənea̰ Ala gə́ njeboo-néje, Mbaidɔmbaije ɓa pa togə́bè pana: D’a no̰ yoo gə mee looje lai gèr-gèr Sii ne mbigi-mbigi ya, Gə kila-rəwje lai lé kara d’a pa pana: Kwii-kwii, ɗi ɓa to togə́bè wa. D’a ɓar njendɔ gə mba karee ree loo-yoo’g ləm, D’a ɓar deḛ gə́ gər pa no̰ yoo Kar dee ree no̰ ne yoo ləm tɔ.