Jeremi 50:14 - Maktub gə́ To gə Kəmee

¹⁴ Tɔsje rɔ sí guguje dɔ Babilɔn sub rɔje səa, Seḭ lai gə́ toje njérɔ ɓandaŋgje lé! Maji kar sí rɔje ɓandaŋgje lə sí gə́ keneŋ, Ya̰je kag ɓandaŋgje ji sí’g el! Mbata yeḛ ra kaiya ɔs ne ta lə Njesigənea̰ rəw.

Jeremi 50:14 Iomraidhean Croise

2 Samel 10:9

Joab oo to gə́ rɔ a gə to nea̰’g ləm, gə giree’g ləm tɔ. Togə́bè ɓa yeḛ mbər kudu bao-rɔje mbuna njésiŋgamoŋje’d gə́ Israɛl lai unda dee kudu kára mba kar dee rɔ gə Aramje.

Pakɔsje 51:4

Néra kori-korije ləm lé Maji kari togo ɔr ndɔs-ndɔs ləm, Maji kari ɔr kaiya ram ndɔs-ndɔs ləm tɔ.

Esai 13:4

Ooje kaa né gə́ ɓar dɔ mbalje’g Asəna gə koso-dəwje gə́ bula digi-digi bèe, Ooje ndu koso-dəwje mee ɓeeko̰je Gə́ d’aw dɔ na̰’d pum-pum To gə́ ginkoji dəwje gə́ mbo̰ dɔ na̰, Njesigənea̰ gə́ njeboo-néje tən njérɔje ləa Gə́ d’a gə kaw loo-rɔ’g lé.

Esai 5:28

Ndo̰ kandə ɓandaŋgje lə dee d’adə njal-njal ləm, D’wa kag ɓandaŋgje lə deḛ lai pèrèrè ləm tɔ. Ŋgo gɔl kundaje lə dee to asəna gə kɔri-ərje ləm, Gɔl pusu-rɔje lə dee to d’asəna gə lel-mal bèe ləm tɔ.

Jeremi 46:9

Seḭ kundaje, ar sí j’awje! Seḭ pusu-rɔje, ar sí j’ɔsje rɔ sí ɓad! Seḭ njésiŋgamoŋje, Maji kar sí teḛje gə́ raga Deḛ gə́ Etiopi gə Put Gə́ gər loo kwa dər maji lé ləm, Gə deḛ gə́ Lud Gə́ gər goso rɔ gə ɓandaŋg maji ləm tɔ!

Jeremi 49:14

Ma m’oo sorta gə́ ḭ rɔ Njesigənea̰’g, D’ula njekaḭkula kára Mbuna ginkoji dəwje gə raŋg’g pana: Maji kar sí mbo̰je dɔ na̰ aw iŋga deeje Ḭje tar awje aw rɔje sə dee.

Jeremi 49:35

Njesigənea̰ gə́ njeboo-néje lé pa togə́bè pana: Aa ooje, m’a təd ɓandaŋg lə njé gə́ Elam Gə́ to gin siŋgamoŋ lə dee lé,

Jeremi 50:11

Oiyo, maji kar sí síje Dan rɔlel’g gə dan kalrɔ’g Seḭ gə́ undaje nédɔji ləm banrɔ. Oiyo, maji kar sí tilaje riŋga To gə́ ma̰də maŋgje Gə́ d’aar loo-ko̰-mu’g ləm, Maji kar sí no̰je to gə́ kundaje Gə́ gə siŋga dee bèe ləm tɔ.

Jeremi 50:29

Ɓarje njérɔ ɓandaŋgje Ar deeje d’aw rɔ gə Babilɔn, Seḭ lai gə́ toje njéra gama rɔ ɓandaŋgje lé. Aḭje dəa sub arje dəw kára kara Teḛ aḭ el ləm, Raje səa gə goo kula reaje ləma, Raje səa areeje aw na̰’d béréré Gə kea̰ gə́ yeḛ ra lé ləm tɔ. Mbata beelé ḭ səa dɔ Njesigənea̰’d Gə́ to Njerɔkunda lə Israɛlje lé.

Jeremi 50:42

Deḛ d’odo ɓandaŋgje Gə ŋgan niŋgaje, Deḛ to njémeemajelje ləm, D’oo kəmtondoo el ləm tɔ. Deḛ tuba kundaje, Deḛ d’isi pèrèrè gə mba rɔ To gə́ dəw gə́ kára ba bèe, D’a gə rɔ sə sí-seḭ gə́ Babilɔn Gə́ toje asəna gə ŋgoma̰də!

Jeremi 50:7

Deḛ lai gə́ d’iŋga dee Ndá d’usɔ dee rɔg-rɔg Ndá njéba̰je lə dee pana: Taree wa dɔ neḛje el. Mbata deḛ ya ra kaiya D’ɔs ne ta lə Njesigənea̰ Gə́ to loo-gaŋg-rəwta Gə́ gə dɔ najee lé rəw ləm, D’ɔs Njesigənea̰ gə́ to nékunda-mee-yel lə bɔ deeje-je lé rəw ləm tɔ.

Jeremi 50:9

Mbata aa ooje, m’a kar ginkoji dəwje gə raŋg gə́ boo-boo ləm, Gə́ bula digi-digi ləm tɔ lé D’a kḭ ɓee gə́ dɔgel mba rɔ gə Babilɔnje. D’a tɔs rɔ dee gə mba kaw rɔ sə dee Ndá d’a dum dɔ dee, Kag ɓandaŋgje lə dee to asəna gə ka̰ njegər goso rɔ Gə́ ḭ loo-rɔ’g tel gə jia kari el.

Jeremi 51:2

Ma m’ula njétoh koje gə́ dɔ Babilɔn’g Kar dee tée séréré ləm, Kar dee d’ar mee ɓee To kari péd-péd ləm tɔ, Mbata d’a kḭ gə looje ɓəd-ɓəd Ɓugu na̰ dəa’g ndɔ nékəmndoo’g.

Jeremi 51:27

Undaje nétɔji tar mee ɓee’g! Imje to̰to̰ mbuna ginkoji dəwje gə raŋg’g! Gɔlje ginkoji dəwje gə raŋg Gə mba rɔ ne səa ləm, Ɓarje ɓeeko̰je gə́ Ararat, Gə Mini, gə Askenaj dəa’g ləm tɔ! Ɓarje mbaije gə́ dəa’g mba rɔ ne səa! Arje kundaje d’aw gə́ rəa’g Dèm-dèm to gə́ beedéje bèe.

Jeremi 51:3

Maji kar dee d’ɔr ɓandaŋg léréré Wɔji ne dɔ njekɔr ɓandaŋg lé ləm. Gə yeḛ gə́ ti rəa dɔ kubu-rɔ’g ləa Gə́ ŋgira kiŋ-kiŋ lé ləm tɔ! Ya̰je basaje lə dee el ləm, Tujije njérɔje lə deḛ lai Pugudu-pugudu ya ləm tɔ.

Habakuk 2:17

Mbata néraje gə́ kərm-kərm gə́ seḭ raje mee ɓee gə́ Liba̰ lé D’a tel koso dɔ sí’g ləm, Tuji gə́ seḭ tujije dakulje lé Dakulje kara d’a kɔm ɓəl dɔ sí’g ləm tɔ. Mbata seḭ ɔmje məs dəwje naŋg ləm, Seḭ raje né gə́ kərm-kərm mee ɓee’g Oma̰je ne gə ɓee-boo gə dəwje lai gə́ d’isi keneŋ ləm tɔ.

Habakuk 2:8

To gə́ seḭ taaje néje lə ginkoji dəwje gə raŋg bula lé Ndá koso-dəwje gə́ nai lé d’a taa néje lə sí-seḭ tɔ, Mbata seḭ ɔmje məs dəwje naŋg ləm, Seḭ raje néje gə́ kərm-kərm mee ɓee’g ləma, Seḭ ɔsje ɓee-boo gə dəwje lai gə́ d’isi keneŋ rəw ləm tɔ.

Loo gə́ killa rea kəm Ja̰’g 17:5

Ria gə́ to gə ndəree lé deḛ ndaŋg ŋgo nea̰’g pana: Babilɔn, ɓee-boo, ko̰ njémɔdkaiyaje gə néndɔlje gə́ dɔ naŋg nee.

1 Samel 17:20

Dabid ḭta gə ndɔ rad. Yeḛ ya̰ badje ar njeŋgəm dee ɓa odo nékodo ləa ɔd aw to gə́ Isai ulá ne lé. Loo gə́ yeḛ teḛ kəi-si dee’g ndá njérɔje d’isi tɔs rɔ dee gə goo na̰ goo na̰ mba kaw rɔ tɔɓəi kò-rɔ ɓar ta dee’g wəl-wəl tɔ.