Jeremi 50:1 - Maktub gə́ To gə Kəmee

¹ Ta gə́ Njesigənea̰ pa gə ndu Jeremi, njetegginta wɔji ne dɔ Babilɔn ləm, gə ɓee lə Kaldeje ləm tɔ.

Jeremi 50:1 Iomraidhean Croise

Gḭ-Néje 10:10

Yeḛ o̰ ɓee kédé dɔ ɓeeje gə́ Babel gə Erek gə Akad gə Kalne gə́ to dɔ naŋg gə́ Sineyar.

Gḭ-Néje 11:31

Tera ar ŋgonee gə́ Abram ləm, gə Lɔt gə́ to ŋgolə Haran, ŋgolə ŋgonee gə́ diŋgam ləma, gə məmeeje Sarai, dené lə ŋgonee Abram ləm tɔ d’aw səa. Deḛ d’ḭ Ur ɓeeko̰ gə́ Kalde na̰’d mba kaw mee ɓee gə́ Kana̰. Deḛ d’aw njal teḛ Haran ndá deḛ d’isi keneŋ.

Gḭ-Néje 11:9

Gelee gə́ nee ɓa deḛ ɓaree ne Babel mbata lé neelé ɓa Njesigənea̰ tel gwɔs dəwje lai gə́ dɔ naŋg nee lé ɓəd-ɓəd keneŋ ləm, lé neelé ɓa Njesigənea̰ sané dee ne dɔ naŋg nee gə looje lai ləm tɔ.

2 Samel 23:2

Ndil Njesigənea̰ unm pa ne ta, Ta ləa to ndo̰m’g ya.

2 Mbaije 17:24

Mbai gə́ Asiri ar dəwje gə́ Babilɔn, gə Kuta, gə Aba, gə Amat, gə Separbayim ree d’isi mee ɓee-booje gə́ Samari tor Israɛlje’g lé. Deḛ taa Samari gə́ ka̰ dee ndá dee d’isi mee ɓee-booje’g ləa.

Maktub gə́ wɔji dɔ Jɔb 1:17

Loo gə́ yeḛ aw pa təa’g bèe-bèe ya ɓəi ndá yeḛ gə́ raŋg teḛ təsərə ree ula Jɔb pana: Kaldeje d’ɔm na̰’d kudu munda d’ur dɔ jambalje’g twa dee ləm, deḛ tɔl kuraje ləi gə kiambas ləm tɔ, nɛ ma nja gə karm ba m’teḛ pe’d-pe’d ta yoo’g m’ree mba kulai taree.

Esai 14:4

ndá seḭ a kunje pa neelé kɔm ne ta dɔ mbai gə́ Babilɔn’g pana: Ɗi ɓa bèe wa! Njekunda rəa gə́ dəw gə́ boo lé godo! Gel kula kəm loo ndòo lé gaŋg ŋga!

Esai 23:13

Aaje loo ooje njéɓeeje gə́ Kalde, Deḛ gə́ to koso-dəwje kédé el lé Deḛ to dəwje gə́ d’isi dɔdilaloo’g Ɓa njé gə́ Asiri tum ne gin ɓee d’ar dee, Deḛ d’unda kəije gə́ duu dɔ loo keneŋ ləm, Deḛ təd kəi-mbaije gə́ Tir ləma, Deḛ tuji dee pugudu-pugudu ləm tɔ.

Jeremi 25:12

Nɛ loo gə́ rudu ləbje gə́ rɔ-siri lé a kun ɗiao mba̰ ndá n’a kar mbo̰ néra mbai gə́ Babilɔn gə ginkoji dəwje neelé ɔs ta dee’g gə mbata néra deeje gə́ yèr. Tɔɓəi n’a kar bo̰ néra Kaldeje ɔs ta dee’g ndá n’a kar ɓee lə dee tel to dɔ nduba saar gə no̰. Njesigənea̰ ɓa pa bèe.

Jeremi 27:7

Ginkoji dəwje gə raŋg lai d’a ra né karee-yeḛ ləm, gə ŋgonee ləma, gə ŋgokea ləm tɔ saar kar ndɔ gə́ wɔji dɔ ɓee ləa teḛ kar ginkoji dəwje gə raŋg gə́ to njésiŋgamoŋje, gə mbaije gə́ boo-boo dum ne dɔ ɓee ləa.

Loo gə́ killa rea kəm Daniel’g 1:1

Ləb ko̰ɓee lə Jojakim, mbai gə́ Juda gə́ njekɔm’g munda lé Nebukadnesar, mbai gə́ Babilɔn aḭ dɔ ɓee gə́ Jerusalem sub gə rɔ.

Néra Njékaḭkulaje 7:4

Yen ŋga yeḛ uba naŋg ḭ, ya̰ ɓee lə Kaldeje, aw ra ɓee Sara̰. Tɔɓəi loo gə́ bɔbeeje wəi mba̰ ndá Ala aree ḭ keneŋ aw teḛ ɓee gə́ seḭ sije keneŋ ɓasinè lé tɔ.

2 Piɛrə 1:21

mbata ta gə́ pa lé ḭ mee dəw’g tel el. Ndilmeenda ɓa uru meḛ dəwje’g ar dee pa ne tapa Ala lé ya.

Loo gə́ killa rea kəm Ja̰’g 14:8

Kura gə́ dara gə́ raŋg gə́ njekɔm dee’g joo lé teḛ goo yeḛ gə́ kédé’g lé pana: Babilɔn gə́ boo lé oso, yee oso ya! Yee gə́ mɔdkaiya ləa ula pər meḛ ginkoji dəwje gə raŋg’g lai asəna gə kido gə́ ra dəw bèe lé yee nja oso ya.