Jeremi 5:6 - Maktub gə́ To gə Kəmee

⁶ Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Jeremi 5:6 Iomraidhean Croise

2 Sôrta Gḭka Israɛlje 36:14

Mbai dɔ njékinjanéməsje-je lai gə koso-dəwje lai d’ar kaltaje lə dee ḭ dɔ maree’d gə́ kédé-kédé tɔ, gə goo néje gə́ mina̰ lai gə́ ginkoji dəwje gə raŋg ra lé. Deḛ d’ar kəi lə Njesigənea̰ gə́ yeḛ unda gə kəmee Jerusalem lé tel to né gə́ mina̰ tɔ.

Esdras 10:10

Esdras, njekinjanéməs lé ḭta ula dee pana: Seḭ raje kaiya loo gə́ seḭ taaje denéje gə́ ginkoji dee raŋg arje ta wa ne dɔ Israɛlje unda nje gə́ kédé.

Esdras 9:6

ndá ma m’pana: Ala ləm, rɔm kul, əi Ala ləm, m’ra kəmkul ɓó m’askəm kun kəm gə́ tar par gə́ rɔi’g el mbata kaiyaje lə sí orè goo na̰ goo na̰ saar tur dɔ sí ləm, néra kori-korije lə sí aw saar teḛ mee dara’g ləm tɔ.

Maktub gə́ wɔji dɔ Jɔb 10:16

Ɓó lé m’ndigi kɔr dɔm tar ndá i kɔrm to gə́ toboḭ bèe ləm, I tel kundam gə nédumkooje ləm,

Pakɔsje 104:20

I ar loo dəb rigim tel loondul Ndá daje lai gə́ mee wala’d lé d’aw ne dɔ na̰’d wur-wur tɔ.

Pakɔsje 80:13

See gelee ban ɓa i unda ndògoje ləa naŋg rə̰dəŋ-rə̰dəŋ Gə mba kar deḛ lai gə́ dəs lé ndá Tḭja ne ka̰dee mbad-mbad wa.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 59:12

Mbata nékaltaje lə sí bula yaa̰ nɔḭ’g ləm, Kaiyaje lə sí d’ila ta dɔ sí’g ləm tɔ. Nékaltaje lə sí to rɔ sí’g ləm, Jeḛ n’gərje néra majelje lə sí gao ya ləm tɔ.

Jeremi 14:7

Ɓó lé néraje gə́ kori-kori lə koso-dəwje lə sí D’ɔr ta d’ɔm dɔ sí’g kara Ǝi Njesigənea̰, maji kari ra né Mbata lə sí gə mbata lə rii. Mbata kaltaje lə sí bula yaa̰ ləm, Jeḛ n’raje kaiya j’ɔs ne ta ləi rəw ləm tɔ.

Jeremi 2:15

Ŋgan toboḭje d’inja miḭ Ra ne hər-hər dɔ dee’g, Deḛ d’ar ɓee lə dee to dɔ nduba, Ɓee-booje lə dee roo dula-dula Ar dəw kára kara ra ɓee keneŋ el.

Jeremi 2:17

Néje neelé see teḛ dɔ sí’g Mbata seḭ ubaje Njesigənea̰, Ala lə sí yá̰je Loo gə́ yeḛ ɔr no̰ sí rəw gə́ maji’g lé el wa.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Jeremi 2:31

Seḭ ginkoji dəwje, Maji kar sí ooje ta lə Njesigənea̰ gə́ né ya! See ma m’to asəna gə dɔdilaloo mbata lə Israɛlje Esé ma m’to ɓee gə́ loo ndul keneŋ njudu-njudu wa. See gelee ban ɓa dəwje ləm pana: Loo gə́ meḛ sí ndigi ya j’a kaw’g Jeḛ ndigi kaw rɔi’g el lé wa.

Jeremi 25:38

Yeḛ uba loo-siée ya̰ To gə́ ŋgon toboḭ gə́ uba loo-tée ya̰ bèe. Mbata ɓee lə dee tel dɔ dɔdilaloo Gə goo meekḭ jugugu Gə oŋg-boo lə njetujiloo lé.

Jeremi 30:14

Deḛ lai gə́ d’undai dan kəm dee’g lé Meḛ dee wəi sel dɔi’g. Dəw kára kara ə̰ji dɔi’g el, Mbata m’a kundai to gə́ njeba̰ bèe ləm, Kəmkàr gə́ m’wɔjii lé kədərə ləm tɔ, Gə mbata néra kori-korije ləi Gə́ ɔs dɔ na̰-na̰ ləm, Mbata kaiya raije gə́ bula dum tura ləm tɔ.

Jeremi 30:15

See ban ɓa i no̰ njim-njim Mbata doo gə́ i iŋga ləm, Gə to gə́ tooi əw el ləm tɔ lé wa. To mbata néra kori-kori ləi Gə́ ɔs dɔ na̰-na̰ lé ləm, Mbata kaiya raije gə́ bula Dum tura lé ləm tɔ, Ɓa ma m’ra ne səi néje neelé gə mbəa.

Jeremi 30:24

Oŋg lə Njesigənea̰ Gə́ o̰ to gə́ pər bèe lé a kwəi bèm el Saar karee tɔl ne ta néje Gə́ yeḛ wɔji mée’g mba ra lé bém, Ndɔje gə́ gogo ɓa seḭ a gərje njai ɓəi.

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 49:19

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ to gə́ toboḭ bèe, Léegəneeya m’a kɔs Edɔm rad Tubá karee aḭ Ndá m’a kunda yeḛ gə́ ma m’ɔree lé toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa Askəm kɔsm ŋgərəŋ wa.

Jeremi 8:5

Ŋga see gelee ban ɓa Koso-dəwje gə́ Jerusalem nee D’ya̰ ne rɔ dee yag loo-ndəm’g lə dee ta-ta wa. Deḛ d’aar njaŋg dɔ sukəmloo’g ləm, Deḛ mbad kɔs badm tel ləm tɔ.

Jeremi 8:7

Yel tira̰-ŋgo̰ gə́ aw tar lé Gər naḭ ləa ləm, Dərnda, gə ləbm-siri, gə dao̰ kara Deḛ tɔs kəm dee bao-bao Dɔ ndɔje’g lə dee gə́ kəm tel ree ne ləm tɔ. Nɛ dəwje lə neḛ Gər godndu Njesigənea̰ el.

Nɔ̰-ndôo gə́ wɔji dɔ Jerusalem 1:5

Njékula kəmee ndooje dum dəa ləm, Njéba̰je ləa d’isi gə meelɔm ləm tɔ. Mbata Njesigənea̰ ula kəmndoo dəa’g Mbata kaiyaje ləa gə́ bula yaa̰ lé, Ŋganeeje lai lé njaa no̰ njekula kəm loo ndòo’g to gə́ ɓərje bèe ya.

Ejekel 16:25

dɔ kila-rəwje kára-kára lai lé i ra looje gə́ ndəw keneŋ ləm, i ula sul dɔ ma̰də’g ləi ləm, i ya̰ ne rɔi ar deḛ lai gə́ to njédəstarje ləma, i ar kaiya raije ḭ ne dɔ maree’d gə́ kédé-kédé ləm tɔ.

Ejekel 22:27

Ŋgan-mbaije lə dee gə́ mee ɓee-boo’g lé to d’asəna gə jagmjərje gə́ njétɔr-kwɔi-nékwaje lə dee, deḛ d’ɔm məs naŋg ləm, deḛ tɔl dəwje ləm tɔ gə mba tɔl ne mal kiŋga né gə goo rəbee el gə́ ra dee ŋgwɔd-ŋgwɔd lé.

Ejekel 23:19

Yeḛ ar néra kaiya-dené ləa ḭ dɔ maree’d gə́ kédé-kédé, yeḛ ə̰ji ne dɔ ndɔje gə́ yeḛ nai ne gə ma̰dee ɓəi loo gə́ yeḛ ra ne kaiya mee ɓee gə́ Ejiptə lé tɔ.

Loo gə́ killa rea kəm Daniel’g 7:4

Yeḛ gə́ dɔtar lé to tana gə toboḭ nɛ bagee to keneŋ asəna gə ka̰ niŋgatə̰də bèe. Ma m’eaa gərərə saar loo gə́ deḛ tɔr bageeje ndá, d’unee naŋg d’uree tar gə gɔlee asəna gə dəw bèe ndá d’ar mée tel to asəna gə mee dəw bèe tɔ.

Loo gə́ killa rea kəm Daniel’g 7:6

Gée gə́ gogo, m’aa loo ndá aa oo, yeḛ gə́ raŋg gə́ to tana gə kàg nɛ né asəna gə bag yel sɔ to bargiree’g. Da neelé dəa sɔ ləm, d’aree dum dɔ loo ləm tɔ.

Ojee 5:14

Eprayimje lé m’a ra sə dee né Asəna gə toboḭ bèe ləm, Judaje kara m’a ra sə dee né Asəna gə kura toboḭ ləm tɔ. M’a ti dee mbidi-mbidi ɓa m’a kɔd kaw ɓəi. M’a kodo dee kaw ne Ndá dəw kára kara a taa dee jim’g el.

Habakuk 1:8

Kundaje lə dee d’aiŋgwɔd kalaŋ d’unda daje gə́ tana gə da-kàgje bèe ləm, Deḛ d’ila riŋga d’unda jagmjərje gə́ kàrkemetag bèe ləma, Njérɔ gə kundaje lə dee ti rɔ dee D’aw ne kəm dee gə́ kédé-kédé ləm tɔ. Njérɔ gə kundaje lə dee lé d’ḭ əw ɓa ree ləm, Deḛ d’aw gə tɔg dee to gə́ niŋgatə̰də Gə́ nar gə bagee dəb dɔ nékwa’g ləa bèe ləm tɔ.

Soponi 3:3

Mbaije gə́ d’isi keneŋ lé To d’asəna gə toboḭje gə́ d’inja miḭ hər-hər bèe, Njégaŋ-rəwtaje ləa to d’asəna gə jagmjərje gə́ kàrkemetag Gə́ d’ya̰ né d’ar loo àr dɔ’g el bèe ləm tɔ.

Bula lə Israɛlje 32:14

Aa ooje, seḭ taaje tor bɔ síje asəna gə kó dəwje gə́ njékaiyaje gə mba kar oŋg lə Njesigənea̰ ḭ ne dɔ maree’d gə́ kédé-kédé dɔ Israɛlje’g ya tɔɓəi.

Loo gə́ killa rea kəm Ja̰’g 13:2

Da gə́ ma m’ée lé to tana gə kàg. Gɔlee to tana gə gɔl da-urs nɛ təa to asəna gə ta toboḭ. Dakɔb lé ar kàg siŋgamoŋ ləa-yeḛ ləm, aree kalimbai ləa-yeḛ ləma, aree si gə́ dəw dɔ dee ləm tɔ.