Jeremi 5:3 - Maktub gə́ To gə Kəmee

³ Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 5:3 Iomraidhean Croise

Gḭ-Néje 19:34

Bèlè lookàree, ŋgondər lé ula yeḛ gə́ ndɔḭ pana: Aa oo, tagə́nè loondul’g lé ma m’to gə bɔm ya. Maji kar sí j’aree mán-nduú gə́ mḭ lé ai loondul’g nee ya tɔɓəi ndá i lé aw to səa to ɓó gə mba kar sí yel ne kó ka bɔ síje lé.

1 Mbaije 13:33

Goo néje’g neelé Jeroboam ya̰ goo rəw ra néje gə́ majel ləa el. Yeḛ unda njékinjanéməsje gə́ wɔji dɔ looje gə́ ndəw ya tɔɓəi, to deḛ gə́ yeḛ mbər dee mbuna koso-dəwje’g, dəw gə́ rara ɓa gə́ mée wɔji ndá yeḛ undá gə́ njekinjanéməs gə́ wɔji dɔ looje gə́ ndəw lé.

2 Mbaije 1:13

Ahajia ula kula ar ɓé-njérɔje ləa gə́ rɔ-mi gə́ njekɔm’g munda, aree ree rɔ Eli’g ya tɔɓəi. Ɓé-njérɔje gə́ njekɔm’g munda neelé ree ɔs kəjee naŋg no̰ Eli’g ra ndòo rəa’g pana: I dəw lə Ala, m’ra ndòo rɔi’g mba kar si kəmba ləm-ma gə ka̰ njérɔje ləm gə́ rɔ-mi nee gə́ to kuraje ləi lé to né gə́ əḭ kəmi’g ya kari.

2 Sôrta Gḭka Israɛlje 16:9

Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.

2 Sôrta Gḭka Israɛlje 28:22

Loo gə́ mbai Ahas lé si dan nékəmndoo’g bèe kara yeḛ ra kaiya kəmee gə́ kédé-kédé ɔs ne ta lə Njesigənea̰ rəw ya ɓəi.

Pakɔsje 51:6

M’ra kaiya m’ɔs ne ta ləi-i nja rəw ləm, M’ra ne né gə́ to kḛji kəmi’g, Bèe ɓa ta gə́ i a gaŋg lé A to gə dɔ najee ləm, Rəwta-gaŋg ləi kara Dəw a kimi dɔ’g el ləm tɔ.

Pakɔsje 51:8

Nɛ i lé ndigi kar kankəmta ur kəi mee dəw’g njɔd, Bèe ndá maji kari ar kəmkàr to məəm’g!

Pakɔsje 55:20

Ala a koo ndá a rəm sə dee kar dee d’oso kul ya, Mbata yeḛ lé si dɔ kalimbai’g ləa ləw ba saar-saar gə no̰. Deḛ lé d’ya̰ goo néra dee el ləm, Ala kara deḛ ɓəlee el ləm tɔ.

Gosota-Kəmkàrje 21:29

Njemeeyèr lé to njekula kəmee na̰’d sir-sir, Nɛ dəw gə́ njera nédana lé aar njaŋg dɔ rəw-kabee’g.

Gosota-Kəmkàrje 22:12

Njesigənea̰ tɔs kəmee bao-bao dɔ négər’g, Nɛ yeḛ tuji taje lə njendɔji pɔdɔdɔ.

Gosota-Kəmkàrje 23:35

D’undam nɛ tom el! Deḛ mbɔiyim naŋg ndá m’oo gə́ né el tɔ. See kàr gə́ ra ɓa m’a ndel dɔ ɓi’g wa. M’ndigi kai ya ɓəi!

Gosota-Kəmkàrje 27:22

Lée i ila mbə-dəw mee biri’g dan kandə né’g uree gə gwɔi kara Némbə ləa a kɔr rəa’g el.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 42:25

Gelee gə́ nee ɓa yeḛ ɓugu ne boo-oŋg ləa dɔ Israɛlje’g ləm, Ar rɔ gə́ to ɓəl kədəm-kədəm lé Ɔm ne dɔ dee’g ləm tɔ. Rɔ neelé aḭ dɔ dee sub-sub gə looje lai Nɛ dee d’oo ginee el ləm, Yee roo dee dula-dula Nɛ d’oo gə́ né el tɔ.

Esai 48:4

Mbata ma m’gər gao, Seḭ toje njédɔkədərəje ləm, Gwɔb sí to gə́ kag-lar ləma, Ŋgono̰ sí to gə́ larkas ləm tɔ.

Esai 9:13

Bèe ɓa, mee ndɔ gə́ kára ba ya Njesigənea̰ a gaŋg dɔ Israɛlje gə ɓoŋ dee ləm, A gaŋg barkəm kag-tumbur gə twatɔg ləm tɔ.

Jeremi 15:7

Neḛ tó dee gə lel tarəwkɔgje’g lə ɓee ləm, Neḛ n’ɔg dee ŋganje ləma, N’tuji koso-dəwje Gə́ d’uba rəw-kaw deeje d’ya̰ el lé ləm tɔ.

Jeremi 17:23

Deḛ lé d’un mbi dee rəw dɔ’g ləm, deḛ tuga mbi dee d’oo ne ta lé el ləm tɔ. Deḛ to njégwɔbkelkwɔije ɓó d’oo ta el ləm, deḛ taa tandoo el ləm tɔ.

Jeremi 19:15

Njesigənea̰ gə́ njeboo-néje, Ala lə Israɛlje pa togə́bè pana: Aa ooje, némeekonje lai gə́ m’pa taree kédé m’wɔji ne dɔ ɓee-boo neelé m’a gə karee teḛ dəa’g gə dɔ ɓee-booje lai gə́ nduna rɔ dee rəa’g lé mbata deḛ to njégwɔbkelkwɔije ɓó d’ur mbi d’oo ne taje ləm el.

Jeremi 2:30

Ma m’kunda ŋgan síje kara M’kunda dee pi, Deḛ d’oo ta gɔl ləm gə́ m’gɔl dee lé gə́ né el, Seḭ gaŋgje njéteggintaje lə sí gə kiambas Asəna gə toboḭ gə́ njetuji né bèe.

Jeremi 3:3

Togə́bè ɓa ma m’ɔg ndi kər ləm, Ndi dɔ naḭ lal kər ləm tɔ, Nɛ seḭ ndoḭje kəm sí nda̰-nda̰ To gə́ ka̰ kaiya-dené bèe Ɓó seḭ ndigije kar rɔkul wa kəm sí el.

Jeremi 32:19

I to njemajidum dɔ rəw kwɔji nékəmra’g ləm, i to njesiŋgamoŋ dɔ kula rai’g ləm tɔ. Kəmi oo panjaa dəwje lai gə mba kar nana kara iŋga né gə́ wɔji gə goo panjaa ləa-ləa ləm, gə goo kula rəa-rəa ləm tɔ.

Jeremi 35:13

Njesigənea̰, Ala lə Israɛlje pa togə́bè pana: Aw dəji dəwje gə́ Juda gə njé gə́ Jerusalem pana: See seḭ a taaje tandoo gə mba kila ne ŋgonkoji dɔ ta’g ləm wa. Njesigənea̰ ɓa dəji sí ta bèe.

Jeremi 44:10

Saar ɓogənè lé deḛ d’ula dɔ dee el ləm, deḛ ɓəl el ləma, deḛ ra godndum gə torndum gə́ m’unda no̰ sí’g gə no̰ bɔ síje-je’g lé el ləm tɔ.

Jeremi 7:26

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el. Deḛ to njékuba gwɔbkelkwɔije ləm, deḛ ra néje gə́ majel d’aree al dɔ ka̰ bɔ deeje-je ləm tɔ.

Jeremi 7:28

Bèe ɓa maji kari ula dee togə́bè pana: Seḭ toje ginkoji dəwje gə́ d’un mbi dee rəw dɔ ta’g lə Njesigənea̰, Ala lə dee ləm, deḛ ndigi taa tandooje ləa el ləm tɔ, kankəmta sané rɔ dee’g pa ɓó to ta dee’g el.

Jeremi 8:5

Ŋga see gelee ban ɓa Koso-dəwje gə́ Jerusalem nee D’ya̰ ne rɔ dee yag loo-ndəm’g lə dee ta-ta wa. Deḛ d’aar njaŋg dɔ sukəmloo’g ləm, Deḛ mbad kɔs badm tel ləm tɔ.

Ejekel 2:4

Deḛ to ŋganje gə́ kəm dee to gəsəsə ləm, meḛ dee ndər ləm tɔ, neḛ n’ulam gə́ rɔ dee’g mba kam m’ula dee m’pana: Mbaidɔmbaije gə́ Njesigənea̰ ɓa pa bèe.

Ejekel 24:13

Kaiya ɓa to dan né gə́ mina̰ jɔmri-jɔmri’g ləi mbata neḛ ndiŋga rɔ neḛ mba kɔr né gə́ mina̰ jɔmri-jɔmri lé rɔi’g nɛ i tel àr ne el, i a kàr el ŋga saar n’a kar boo-oŋg lə neḛ aw ne lée’g béréré dɔi’g.

Loo gə́ killa rea kəm Daniel’g 9:13

Tuji-boo neelé teḛ dɔ sí’g gə goo taree gə́ ndaŋg mee maktub godndu Moyis’g ya. Nɛ jeḛ n’toje ta Njesigənea̰, Ala’g lə sí pəgə-pəgə el ləm, j’ubaje goo néra kori-korije lə sí j’ya̰ el ləma, jeḛ n’tugaje mbi sí mba koo ne kankəmta ləi el ləm tɔ.

Ləbije 26:23

Ɓó lé bo̰ néra sí gə́ ɔs ta sí’g togə́bè lé gɔl sí ne el ləm, seḭ ɔsmje ne rəw ɓəi ləm tɔ ndá ma kara m’a kɔs sí rəw ləm,

Amɔs 4:10

Neḛ n’ula gə yoo-ndag, Karee yee gə́ tuji ɓee gə́ Ejiptə kédé dɔ ɓee’g lə sí, Neḛ n’tɔl ŋgan síje gə́ basa gə kiambas ləm N’ar dee t’wa kundaje lə sí ləm tɔ. Neḛ n’ar baḭ néje gə́ ndum loo-si sí’g lé Uru rəw əm sí’g ya. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Amɔs 4:11

Neḛ m’ɓugu sí naŋg To gə́ neḛ tuji ne Sɔdɔm gə Gɔmɔr kédé bèe tɔ, Seḭ toje asjena gə dɔdum kag gə́ d’ɔree ta pər’d bèe. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Amɔs 4:6

Neḛ lé n’ar ɓoo-boo oso dɔ ɓee-booje’g lə sí lai ləm, N’ar nésɔ lal sí loo-si síje’g lai ləm tɔ. Nɛ lé to togə́bè kara Seḭ tel reeje rɔ neḛ’g el. Njesigənea̰ ɓa pa bèe.

Amɔs 4:8

Dəwje gə́ mee ɓeeje’g joo əsé munda lé D’aw dɔ ɓee gə́ raŋg’d Gə mba kiŋga mán keneŋ kai, D’ai ya nɛ d’ai d’aree oso loo kunda’g lə dee el. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Amɔs 4:9

Neḛ n’ar néje lə sí wɔməs Gə wa moro ɗugugu-ɗugugu ləm, N’kunda sí gə yoo-koso gə́ nuŋga kəd-kəd ləm tɔ. Boo loo-kamnaḭje lə sí, gə nduúje lə sí, Gə kodéje lə sí, gə koiyoje lə sí lé Beedéje d’o̰ mbad-mbad. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Soponi 3:7

Ma m’pana: Ɓó lé seḭ ndigije ndá a ɓəlmje ɓa A taaje takwɔji-kəmkàr Ndá loo-si sí a tuji el ləm, Némajelje lai gə́ m’wɔji mba ra sə sí lé D’a teḛ dɔ sí’g el ləm tɔ. Nɛ dee d’ɔs rɔ dee ɓad Mba kar néra dee majel gə́ kédé-kédé.

Njé gə́ Rɔmə 2:2

Tɔgərɔ ya jeḛ n’gər gao ta gə́ Ala a gaŋg dɔ deḛ gə́ njéra néje gə́ togə́bè lé a to gə goo kankəmta ya.

Ǝbrəje 12:9

Tɔɓəi, to gə́ bɔ síje gə́ d’oji darɔ sí lé d’wɔji sí kəmkàr ɓa j’ila ne ŋgonkoji dɔ dee’g, nɛ ɓəd ɓa see j’a koso kul no̰ Bɔ ndil sí’g mba si ne kəmba el wa.