Jeremi 5:24 - Maktub gə́ To gə Kəmee

²⁴ Deḛ d’ə̰ji ta meḛ dee’g pana: Ar sí m’ɓəlje Ala lə sí Yeḛ gə́ ar mán ndi gə naḭyee-naḭyee lé ləm, Gə́ ar ndi gə́ doŋgɔr gə rudu ər ləma, Yeḛ gə́ njekwɔji naḭ kinja dɔ kó ləm tɔ lé Deḛ d’ə̰ji bèe el.

Jeremi 5:24 Iomraidhean Croise

Gḭ-Néje 8:22

A k’un kudee nee saar gə́ rudu ndɔ’g lé Naḭ dubu né gə yee gə́ ka̰ kinja né ləm, Kul gə loo nuŋga ləm, Ɓàr gə naḭ-kàr ləma, Dan-kàr gə loondul ləm tɔ lé D’a godo nda̰ bèe el.

1 Mbaije 17:1

Eli, dəw gə́ Tisbe gə́ dɔ naŋg gə́ Galaad lé ula Akab pana: Njesigənea̰ Ala lə Israɛlje gə́ m’to kura ləa lé to Njesikəmba! Mee ləbje’g neelé tàl a kwa el ləm, ndi kara a kər el ləm tɔ nɛ gə goo ta gə́ ma nja m’a pa ɓa.

Maktub gə́ wɔji dɔ Jɔb 29:23

Deḛ ŋginam to gə́ deḛ ŋgina ne ndi bèe ləm, Deḛ teḛ ta dee to gə́ dəw teḛ təa ai ne mán ndi dɔ naḭ bèe ləm tɔ.

Maktub gə́ wɔji dɔ Jɔb 38:37

See na̰ ɓa gə goo kəmkàr ləa askəm tura kilje-lə-ndi Gə mba mbél mán dɔ naŋg nee ləm,

Maktub gə́ wɔji dɔ Jɔb 5:10

Yeḛ ar ndi ər dɔ naŋg nee ləm, Yeḛ ar manee taa mee ndɔje ləm tɔ.

Pakɔsje 147:8

Yeḛ ar ndiil taa mee dara pəl-pəl ləm, Yeḛ wa dɔ gɔl ma̰-ndi Mbata lə naŋg nee ləma, Yeḛ ar muje kara d’ḭ ma̰də dɔ mbalje’g ləm tɔ.

Pakɔsje 65:9

Deḛ gə́ d’isi gwɔi naŋg’d lé néraije gə́ dumkoo Ar ɓəl unda dee ne badə gaŋg dee, Boo-rɔkal ləi lé taa loo pəl-pəl par gə́ bər ləm, gə dɔ-gó ləm tɔ.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Jeremi 10:13

Loo gə́ ndia ɓar ndá Manje mbo̰ na̰ mee dara’g ləm, Yeḛ ar kil-lə-ndi ḭ rudu naŋg’d ləm, Yeḛ ar ndi tel ləm, gə ər ləma, Yeḛ ar lel ḭ loo-ŋgəm’g ula ləm tɔ.

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Jeremi 3:3

Togə́bè ɓa ma m’ɔg ndi kər ləm, Ndi dɔ naḭ lal kər ləm tɔ, Nɛ seḭ ndoḭje kəm sí nda̰-nda̰ To gə́ ka̰ kaiya-dené bèe Ɓó seḭ ndigije kar rɔkul wa kəm sí el.

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Jeremi 50:5

D’a dəji rəw gə́ aw gə́ Sio̰ ləm, D’a tel kəm dee gə́ keneŋ ləm tɔ. Gə́ reeje ɔmje na̰’d gə Njesigənea̰ Gə manrɔ gə́ to gə no̰ Gə́ mee dəw a kwəi dɔ’g nda̰ el.

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Joɛl 2:23

Seḭ dəwje gə́ Sio̰ lé Maji kar sí alje rɔ sí ləm, raje rɔlel Gin Njesigənea̰, Ala’g lə sí ləm tɔ. Mbata yeḛ a gə kar sí mán ndi Gə naḭyee-naḭyee ləm, Yeḛ a kar sí ndi gə́ doŋgɔr Gə yee gə́ gogo ləm tɔ To gə́ yeḛ ra kédé gə́ ləw lé tɔ.

Amɔs 4:7

Neḛ lé n’ɔg sí mán ndi Loo gə́ nai naḭ munda ɓa mba teḛ naḭ kinja kó’g ɓəi, Neḛ n’ar ndi ər dɔ ɓee-boo gə́ kára Ndá yee gə́ raŋg lé n’ar ndi ər keneŋ el, Loo-ndɔ gə́ kára iŋga ma̰-ndi, Nɛ yee gə́ raŋg lé ndi oso keneŋ teŋ el Aree tudu kurum-kurum tɔ.

Jakari 10:1

Maji kar sí dəjije Njesigənea̰ ma̰-ndi Gə́ to ma̰-ndi dɔ-nai! Njesigənea̰ a karee tel ləm, Yeḛ a kar sí ma̰-ndi Gə́ ər ɓai-ɓai ləma, Yeḛ a kar koje uba lub-lub mee ndɔ’g lə nana kara ləm tɔ.

Matiyo 5:45

Yen ɓa seḭ a toje ne ŋgan Bɔ síje gə́ si dara lé, mbata yeḛ ar kàr ləa uba dɔ njémeeyèrje’g gə dɔ njémeemajije’g ləm, yeḛ ar ndi ər dɔ njéra né gə́ gə dɔ najee-je gə dɔ njéra né gə́ gə dɔ najee-elje ləm tɔ.

Néra Njékaḭkulaje 14:17

Nɛ yeḛ ɔr gin rəa gə́ kédé-kédé gə némeemajije ləa ɓó yeḛ əw el. Yeḛ ar sí mán ndi gə́ dara ləm, yeḛ ar naḭ kàr gə ɓar taa tor na̰ ləma, yeḛ ar kó lə sí unda gə mba kar sí síje ne dan nésɔ’g bèdèg kar meḛ sí ndá ne kaḭ ləm tɔ.

Tel tura Godndu 28:12

Njesigənea̰ a kɔr kəm dara gə́ to loo gə́ nébaoje ləa gə́ maji dum to keneŋ kar sí gə mba kula ne gə mán ndi dɔ ɓee’g lə sí gə naḭyee-naḭyee ləm, gə mba tɔr ndia dɔ kulaje lai gə́ seḭ a raje ləm tɔ, ginkoji dəwje gə raŋg bula d’a tona sí né, nɛ seḭ a tona deeje né el.

Maktub gə́ Jak ula ne ar ngan-Allaje 5:7

Ŋgakɔmje, ilaje meḛ sí dɔ maree’g saar ndɔ ree lə Mbaidɔmbaije. Aa ooje, njendɔ ndɔ lé ila mée po̰ ŋgina ne ndi gə́ doŋgɔr ləm, gə ŋgaŋ ndi gə́ gogo ləm tɔ ɓa mba kiŋga ne dɔ kó gə́ maji gə́ a teḛ mbi ɓəi.

Loo gə́ killa rea kəm Ja̰’g 11:6

Siŋga dee as kudu loo-kil-lə-ndi kar ndi ər el ndəa gə́ d’ɔr ne goo ta lé saar ləm, mba kar manje tel məs ləma, gə kunda naŋg nee kar rɔko̰je gə́ gə ria-ria oso dɔ dəwje’g to gə́ meḛ dee wɔji lé ləm tɔ.