Jeremi 5:23 - Maktub gə́ To gə Kəmee

²³ Dəwje neelé to gə́ mbim-oo-ta-elje ləm, Gə njékɔsta-rəwje ləm tɔ, Deḛ mbad koo ta ləm, D’ɔd par-par d’aw ləm tɔ.

Jeremi 5:23 Iomraidhean Croise

Pakɔsje 78:8

Ɓó gə mba kar dee ra ne né to gə́ bɔ deeje-je bèe el, Mbata deḛ lé to gə́ mbim-oo-ta-elje gə njékɔsta-rəwje ləm, D’wa meḛ dee kɔgərɔ el ləma, Deḛ to majikojije lə Ala el ləm tɔ.

Pakɔsje 95:10

Koso-dəwje neelé taa rɔm togə́bè as ləbm rɔ-sɔ Am m’ə̰ji dee bəḭ-bəḭ m’pana: To koso-dəwje gə́ meḛ dee ər dee Ar dee gər ne rəwje ləm el.

Esai 1:5

Loo gə́ kɔs ta rəw lə sí ḭ dɔ maree’d gə́ kédé-kédé lé See bo̰ néra sí gə́ sigi Gə́ ra ɓa kəm karee ɔs ta sí’g wa. Rɔko̰ ta dɔ sí bura pəl-pəl ləm, Meḛ sí bura kara tila ŋgaḭla-ŋgaḭla ləm tɔ.

Esai 31:6

Seḭ Israɛlje lé maji kar sí telje gə́ rɔ yeḛ gə́ seḭ ubáje yag yá̰je lé!

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Jeremi 4:17

Deḛ d’aḭ dɔ Jerusalem sub To gə́ deḛ gə́ njéŋgəmndɔje D’aḭ ne dɔ ndɔ sub bèe, Mbata to ma ɓa d’ḭ d’ɔsm rəw, Njesigənea̰ ɓa pa bèe.

Jeremi 5:5

M’a kaw rɔ dəwje gə́ boo-boo’g Ndá m’a kula dee ta, Mbata deḛ lé gər rəw lə Njesigənea̰ ləm, Gə torndu Ala lə dee ləm tɔ. Nɛ deḛ lai kara təd néməməna̰ gwɔs dee’g ləm, Deḛ gaŋg kúla rɔ dee’g ləm tɔ.

Jeremi 6:28

Deḛ lai to gə́ njékɔsta-rəwje Gə njétədta kunda ta mar deeje’gje Gə́ kədərə asəna gə larkas gə larndul bèe, Deḛ lai tel to né gə́ ndum.

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Ojee 4:8

Kaiya ra koso-dəwje ləm lé Deḛ telee gə́ nésɔ lə dee ləm, Deḛ d’ar mal néra gə́ kori-korije lə koso-dəwje ləm lé Ra dee-deḛ ya ləm tɔ.

Soponi 3:1

Meeko̰ a koso dɔ Jerusalem’g, Ɓee-boo gə́ to njékalta gə njera né gə́ mina̰ ləm, Ɓee-boo gə́ njekula kəm dəwje ndòo ləm tɔ!

Tel tura Godndu 21:18

Ɓó lé dəw kára ŋgonee gə́ diŋgam to gə́ mbim-oo-ta-el gə njekalta, ar loo gə́ bɔbeeje əsé kea̰je d’wɔjee kəmkàr, nɛ yeḛ oo ta lə dee el ndá,

Tel tura Godndu 31:27

Mbata ma m’gər sí gə́ njékaltaje gə njégwɔbkelkwɔije gao ya. Ɓó lé seḭ alje ta ɔsje ne Njesigənea̰ rəw loo gə́ m’isi ne kəmba mbuna sí’g ya ɓəi, ŋga ɓəd ɓa loo gə́ m’wəi mba̰ ndá seḭ a raje kaareeje ur dɔ yee gə́ nee el ɓəi wa.

Ǝbrəje 3:12

Yen, ŋgakɔmje, maji kar dəw kára kara si mbuna sí’g gə meeyèr əsé gə meetɔg mba kar mée tel ne gir gə Ala gə́ njesikəmba lé el.