Jeremi 5:10 - Maktub gə́ To gə Kəmee

¹⁰ Ubaje dɔ ndògo-bɔrɔje ləa gə́ tar Ndá tujije loo, Nɛ tuji deeje lai el! Tɔrje barkəm nduúje ləa Gə́ to ka̰ Njesigənea̰ el lé!

Jeremi 5:10 Iomraidhean Croise

2 Sôrta Gḭka Israɛlje 12:4

Yeḛ taa ɓee-booje lə Judaje gə́ d’ila ndògo-bɔrɔ gugu ne dɔ dee ɓa aw kəmee gə́ kédé saar teḛ ne Jerusalem ɓəi.

2 Sôrta Gḭka Israɛlje 36:17

Togə́bè ɓa Njesigənea̰ ar mbaije lə Kaldeje d’ḭ rɔ sə dee ndá yeḛ tɔl basaje gə kiambas mee loo’g lə deḛ gə́ to gə kəmee’g. Yeḛ ya̰ basa əsé ŋgoma̰də əsé ɓuga əsé dəw gə́ dəa pudu lé kəmba el nɛ yeḛ ya̰ deḛ lai jia’g ya.

Jeremi 2:21

Ma ma̰a sí gə́ kag-nduú gə́ maji dum Gə́ ka̰dee maji, Ŋga see ban ɓa seḭ telje rɔ sí raŋg Ar sí tel toje nduú gə́ mee kɔr’g ɓəi wa.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 39:8

Kaldeje roo kəi lə mbai gə kəije lə koso-dəwje ləm, deḛ təd ndògo-bɔrɔ gə́ Jerusalem kərm-kərm ləm tɔ.

Jeremi 4:27

Njesigənea̰ pa togə́bè pana: Ɓee bura a tel to dɔ nduba, Nɛ m’a tujee gə gelee bura el.

Jeremi 46:28

I kura ləm Jakob, maji kari ɓəl el. Njesigənea̰ ɓa pa bèe, Mbata m’a nai səi. M’a tuji ginkoji dəwje gə raŋg lai Gə́ m’sani mbuna dee’g lé pugudu, Nɛ i ndá m’a tujii pugudu el, M’a kar bo̰ nérai ɔs tai’g Nɛ gə goo rəbee ya Ɓó m’as kya̰’i lal kwɔjii kəmkàr el.

Jeremi 5:11

Njesigənea̰ pana: Mbata gel-bɔje lə Israɛl Gə gel-bɔje lə Juda to majikojije el ya.

Jeremi 5:18

Nɛ mee ndəaje’g neelé Njesigənea̰ pana: M’a tuji sí gə gel sí lai el.

Jeremi 5:9

Njesigənea̰ pana: Néraje gə́ togə́bè lé See m’a kar bo̰ néra dee Ɔs ne ta dee’g gə mbəa el wa. See ginkoji dəwje gə́ togə́bè lé M’a dal sə dee ba̰ el wa.

Ejekel 12:16

Nɛ n’a kya̰ dəwje gə́ na̰je mbuna dee’g kar dee taa rɔ dee ta kiambas’g ləm, gə ta ɓoo-boo’g ləma, gə ta yoo-koso’g ləm tɔ mba kar dee d’ɔr sor néra deeje lai gə́ mina̰ lé mbuna ginkoji dəwje gə raŋg gə́ d’a gə kaw keneŋ lé. Yee ɓa d’a gər ne to gə́ neḛ n’to Njesigənea̰ ya.

Ejekel 14:17

Esé ɓó lé neḛ n’ree gə kiambas n’wɔji ne dɔ ɓee neelé ləm, lé m’pana: Maji kar kiambas ta̰ mbuna ɓee neelé ləma, ɓó lé neḛ n’tuji dəwje gə daje mee ɓee’g neelé pugudu-pugudu ləm tɔ

Ojee 1:9

Njesigənea̰ ula Ojee pana: Maji kari unda ria lə Lo-Ami (kɔr gelee pana: To koso-dəwje ləm el) Mbata seḭ toje koso-dəwje ləm-ma el ləm, Ma kara m’to Ala lə sí el ləm tɔ.

Amɔs 9:8

Aa ooje, Mbaidɔmbaije gə́ Njesigənea̰ lé Kəmee to dɔ ɓeeko̰ gə́ ta wa dəa’g. N’a gə tujee pugudu Karee godo dɔ naŋg nee péd-péd ya, Nɛ lé bèe kara n’a tuji gel-bɔje lə Jakob bura el, Njesigənea̰ ɓa pa bèe.

Matiyo 22:7

Mbai lé oo ndá mée ḭ səa pu aree ɔr njérɔje ləa ar dee d’aw mba kar njétɔl dəwje neelé d’udu ləm, gə roo ɓee lə dee dula-dula ləm tɔ.