Jeremi 5:1 - Maktub gə́ To gə Kəmee

¹ Awje gə́ mba̰-rəwje ɓəd-ɓəd Mee ɓee gə́ Jerusalem, Aaje loo ooje ləm, dəjije na̰ ləma, Saŋje ndaa-looje ləa ləm tɔ, Ɓó lé seḭ iŋgaje dəw kára keneŋ Gə́ to njera nédana Gə́ ɔm na̰’d gə kankəmta, Ɓó lé dəw gə́ bèe si keneŋ ndá M’a kar məəm oso lemsé dɔ njé gə́ Jerusalem’g ya.

Jeremi 5:1 Iomraidhean Croise

1 Mbaije 19:10

Yeḛ tel ilá keneŋ pana: Ma m’riba dɔ ri Njesigənea̰, Ala gə́ njeboo-néje lé gə goo malee gə́ ram ŋgwɔd-ŋgwɔd ya, mbata Israɛlje d’uba goo manrɔ ləi d’ya̰ ləm, deḛ tɔs loo-nékinjanéməsje ləi tila ləma, deḛ tɔl njéteggintaje ləi gə kiambas ləm tɔ, ma nja m’nai gə karm ba ndá deḛ saŋg loo mba tɔlm tɔ.

2 Sôrta Gḭka Israɛlje 16:9

Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.

Pakɔsje 12:1

Pa lə Dabid gə́ ar bao-pa mba karee ɔs sə dee lé. D’ɔs gə kṵdu-kag gə́ kulaje jinaijoo.

Pakɔsje 14:2

Njesigənea̰ gə́ si dɔ dara gə́ tar lé Aa loo oo dəwje Mba koo see dəw kára gə́ to gə́ njekəmkàr Gə́ saŋg Ala si gən wa.

Pakɔsje 14:3

Deḛ lai ndəm d’ila rima-rima, Dəw kára gə́ njera maji gə́ kára bèe kara godo, Kára bèe ya kara godo.

Pakɔsje 94:16

See na̰ ɓa a kuba naŋg kḭ mbata ləm Mba koma̰ gə njémeeyèrje lé wa, Esé see na̰ ɓa a korè dɔm Koma̰ ne gə njéra némajelje lé ɓəi wa.

Gosota-Kəmkàrje 20:6

Dəwje bula d’ila mber néra maji lə dee-deḛ ya, Nɛ dəw gə́ to gə́ ŋgonkoji lé see na̰ ɓa askəm kiŋgá wa.

Gosota-Kəmkàrje 23:23

Iŋga kankəmta ndá rabee ndogee el, Kəmkàr gə tandoo gə gosonégər kara ra sə dee bèe ya tɔ.

Gosota-Kəmkàrje 8:3

Mbɔr tarəwkɔg’d ləm, Gə loo kandə mee ɓee-boo’g ləma, Gə tarəw kandə mee ɓee’g ləm tɔ lé Yeḛ ar dee d’oo ndia gə́ ɓar wəl keneŋ pana:

Pa gə́ ur dɔ paje 3:2

M’a kuba naŋg kḭ tar Kaw gugu dɔ ɓee-boo, M’a kaw gə mba̰-rəwje ləm, Gə ndaa-looje ləm tɔ. M’a saŋg yeḛ gə́ m’ndigee Gə ŋgaw məəm bura lé. Ma m’saŋgee nɛ m’iŋgá el.

Esai 59:4

Dəw kára kara səg maree Gə goo rəbee bèe el ləm, Dəw kára kara ɔr kəm ta Gə goo néra gə́ danasur el ləm tɔ. Deḛ d’ɔm meḛ dee dɔ né gə́ gə mḭdé ba’g Pa ne taŋgɔmje ləm, Deḛ d’əskèm né gə́ majel ləm Néra gə́ majel ɓa d’ojee ləm tɔ.

Jeremi 2:29

See ban ɓa seḭ a kɔrje kəmta lə sí Maḭje ne səm bèe wa. Seḭ lai toje majikojije el, Njesigənea̰ ɓa pa bèe.

Jeremi 44:15

Diŋgamje lai gə́ d’oo to gə́ denéje lə dee d’aw roo né gə́ ə̰də sululu d’ar magəje ləm, gə denéje lai gə́ d’aar lée’g nee gə bula dee lé ləma, gə koso-dəwje lai gə́ d’isi mee ɓee gə́ Ejiptə mee ɓee-boo gə́ Patros ləm tɔ lé d’ila Jeremi keneŋ pana:

Jeremi 8:6

Neḛ n’isi gèŋ N’ur mbi neḛ gə mba koo ndu dee, Deḛ pata gə́ kəm kar dee pa lé el, Nɛ dəw kára kara wa ndòo rəa Dɔ meeyèr’g ləa el ləm, Dəji pana: See ɗi ɓa m’a ra wa kara bèe el ləm tɔ. Deḛ lai tel d’un rəw néra dee gogo To gə́ kunda gə́ aiŋgwɔd gə́ loo-rɔ’g bèe.

Jeremi 9:2

D’ɔr ndo̰ dee to gə́ kandə ɓandaŋg Gə́ d’ɔr léréré mba pa ne taŋgɔm, Kankəmta ɓa ar dee to ne gə́ njésiŋgamoŋje mee ɓee’g el, Mbata deḛ njaa dan meeyèr’g lə dee Gə́ kédé-kédé ləm, Deḛ gərm el ləm tɔ, Njesigənea̰ ɓa pa bèe.

Jeremi 9:7

Ndo̰ dee to gə́ kandə ɓandaŋg Gə́ ka̰ tɔl dəw ləm, Taŋgɔm ɓa gə́ tapa dee goo kára ba ləm tɔ. Ndo̰ dee pata meekulɔm ar mar deeje, Nɛ meḛ dee gə́ kəi ndá To gum ɓa d’iya no̰ dee’g.

Ejekel 22:30

Neḛ n’saŋg dəw kára mbuna dee’g gə́ gɔl ndògo-bɔrɔ ləm, gə aar loo-ta̰’g no̰ neḛ’g mbata maji lə ɓee ləm tɔ gə mba kar neḛ n’tujee el, nɛ n’iŋga dəw kára kara el.

Ejekel 9:9

Yeḛ tel ilam keneŋ pana: Néra kori-kori lə gel-bɔje lə Israɛl gə Juda al dɔ loo sula. Kila məs taa mee ɓee pəl-pəl ləm, néra gə́ lal najee rusu ɓee-boo tub-tub ləm tɔ. Mbata deḛ pana: Njesigənea̰ uba ɓee ya̰ ləm, Njesigənea̰ oo né kára kara keneŋ el ləm tɔ.

Loo gə́ killa rea kəm Daniel’g 12:4

Nɛ i Daniel lé, taje neelé maji kari ŋgəm taree məəi’g ləm, rḛdə ta maktubee mbiao̰ saar teḛ ne ndəa gə́ rudee a gə kun lé ləm tɔ. Bèe ɓa dəwje bula d’a tura taree ləm, négər lə dee a kḭ ne dɔ maree’d gə́ kédé-kédé ləm tɔ.

Joɛl 2:9

Deḛ yal na̰ pə mee ɓee-boo’g ləm, D’aiŋgwɔd dɔ ndògo-bɔrɔje’g ləm, Tuba dɔ kəije ləma, Ta̰d kəmbolèje’g to gə́ njéɓogoje bèe ləm tɔ.

Amɔs 8:12

D’a kila tar mbir-mbir Kḭ ta baa-boo gə́ kára aw saar teḛ yee gə́ raŋg’d ləm, D’a kḭ par gə́ dɔgel kaw saar bər ləma, D’a kaw yo gə́ nee mba saŋg ta lə Njesigənea̰ ləm tɔ, Nɛ d’a kiŋga el.

Jakari 2:4

M’dəjee m’pana: See dee ree gə mba ra ɗi wa. Ndá yeḛ ilam keneŋ pana: Dee to gaji daje gə́ sané ne Judaje saar d’ar dəw kára kara ɔr dəa tar el lé. Njékɔrje neelé ree mba kɔm ɓəl dɔ dee’g ləm, gə mba təd gaji ginkoji dəwje gə raŋg gə́ rɔ ne gə Judaje gə gaji dee ləm, gə mba sané ne dəwje gə́ mee ɓee’g lé kad-kad ləm tɔ.

Lugu 14:21

Kura lé tel ndaji taree lai ar ɓéeje. Yen ŋga mee njekəi lé ḭ səa pu aree ula kura ləa lé pana: Ɔd rad gə tɔgi aw ndaa-looje’g gə mba̰-rəwje gə́ mee ɓee’g, ɓar njéndooje ləm, gə njé gə́ dəb rɔ dee wəi wɔ-wɔ lé ləm, gə njékəmtɔje ləma, gə njémədje ləm tɔ, ree sə dee rɔm’g nee.

2 Njé gə́ Tesalonikə 2:10

gə nésukəmlooje gə́ yèr ləm tɔ mbata lə deḛ gə́ njétujije lé mbata kankəmta gə́ d’a gə kaji ne lé deḛ mbad ɓó deḛ taa gə meḛ dee d’unda dan kəm dee’g el.