Jeremi 49:8 - Maktub gə́ To gə Kəmee

⁸ Seḭ gə́ síje Dedan, Maji kar sí telje gir sí aḭje saaje rɔ sí Awje mee bolè mbalje’g! Mbata m’ar némeeko̰ Ree gə́ dɔ ŋgaka Esawu’g, To kàr kar bo̰ néra dee ɔs ta dee’g ŋga.

Jeremi 49:8 Iomraidhean Croise

Esai 2:21

Ndá d’a kandə kəmbolè mbalje’g Gə kəm kɔr mbalje gə́ ta̰’g Gə mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl-boo dɔ njé gə́ naŋg nee’g.

Esai 21:13

Ndərta gə́ wɔji dɔ Arabi. Mee kag-kɔr gə́ Arabi ɓa Seḭ a toje keneŋ til’g nee Seḭ gə́ toje njékaw gə loo rab néndogoje gə́ ḭje Dedan lé.

Esai 34:5

Kiambas ləm teḛ mee dara’g, Aa ooje, yee a kḭ kur dɔ Edɔmje’g Dɔ koso-dəwje gə́ m’wɔji njaŋg Mba gaŋg rəwta dɔ dee’g tuji dee ne pugudu-pugudu.

Jeremi 25:23

M’ar Dedanje ləm, gə Temaje ləm, gə Busje ləma, gə deḛ lai gə́ to njéndisa kil mbaita deeje ləm tɔ lé d’ai.

Jeremi 46:21

Njérɔje taa ne larje ləa D’isi ne mbuna dee’g Asəna gə ŋgan maŋgje Gə́ d’ər ndɔl-ndɔl, Deḛ nja kara tel gir dee D’ila d’aḭ ɓó d’ar kɔgərɔ el, Mbata ndɔ némeeko̰ lə dee Teḛ dɔ dee’g, To kàr kar bo̰ néra dee ɔs ta dee’g.

Jeremi 48:28

Ubaje ɓee-booje ya̰je Aw síje mbuna mbalje’g, Seḭ gə́ síje Moab lé! Maji kar sí toje asəna gə dərje Gə́ d’ula kəi lə dee kaar bolè mbalje’g.

Jeremi 48:44

Yeḛ gə́ a kaḭ no̰ ɓəl-boo’g lé A koso mee bwa-da’g ləm, Yeḛ gə́ ḭ mee bwa’g teḛ lé A koso wul ba̰də’g ləm tɔ, Mbata m’a gə kar ləb bo̰ néra Moabje teḛ ɔs ta dee’g. Njesigənea̰ ɓa pa bèe.

Jeremi 48:6

Aḭje gə́ nu taaje ne rɔ sí, Sije dɔdilaloo’g asəna gə kag-maaji bèe.

Jeremi 49:30

Seḭ gə́ síje Asɔr lé Maji kar sí aḭje Waje rɔ sí kɔgərɔ aḭje ne, Aw saŋgje njo̰loo ulaje rɔ sí keneŋ! Njesigənea̰ ɓa pa bèe, Mbata Nebukadnesar, mbai gə́ Babilɔn O̰ njuma̰ sí. Yeḛ wɔji mée’g mba ra sə sí né.

Jeremi 49:32

Jamalje lə dee d’a to nékwa ləm, Koso-nékulje lə dee gə́ bula digi-digi lé D’a to gə́ né banrɔ ləm tɔ, Njḛ́disa kil mbaita deeje lé M’a sané dee gə looje lai Ndá m’a kar tuji ḭ gə looje lai Ree dɔ dee’g. Njesigənea̰ ɓa pa bèe.

Jeremi 50:27

Maji kar sí tɔlje bɔ maŋgje lə deḛ lai, Awje sə dee loo-tḭja-gwɔs dee’g. Meeko̰ oso dɔ dee’g Mbata ndɔ lə dee teḛ mba̰, To kàr kar bo̰ néra dee ɔs ta dee’g.

Jeremi 6:1

Seḭ Bḛjamije, undaje loo teḛje Mee ɓee gə́ Jerusalem. Imje to̰to̰ mee ɓee gə́ Tekoa ləm, Waje nékwɔji loo-rɔ tar mee ɓee Gə́ Bet-Hakerem ləm tɔ, Mbata némeeko̰ ḭ dɔgel si ree To nétuji gə́ boo.

Ejekel 25:13

gelee gə́ nee ɓa Mbaidɔmbaije gə́ Njesigənea̰ pa togə́bè pana: N’a kula ji neḛ ndiŋ dɔ ɓee gə́ Edɔm’g ndá n’a tuji ne dəwje gə daje pugudu-pugudu keneŋ ləm, n’a karee to dɔdilaloo un kudee Teman saar teḛ Dedan ləm tɔ, ndá d’a kwəi yoo-kiambas ya.

Malasi 1:3

Ma m’ar dɔ mbalje ləa to dɔnduba piu-piu ləm, m’ya̰ nénduba ləa m’ar tàlje gə́ wala ləm tɔ.

Malasi 1:4

Ɓó lé Edɔmje pana: Jeḛ lé ɓeeje lə sí tuji mba̰ nɛ j’a tel gɔl dee gogo ɓəi. Ndá Njesigənea̰ gə́ njeboo-néje lé pa togə́bè pana: Ɓó lé deḛ tel gɔl kara m’a kunda naŋg rab-rab ya. Ndá d’a ɓar dee dɔ naŋg gə́ némeeyèrje taa loo keneŋ pəl-pəl ləm, gə koso-dəwje gə́ mee Njesigənea̰ ḭ səa pu dɔ dee’g gə no̰ ləm tɔ.

Loo gə́ killa rea kəm Ja̰’g 6:15

Mbaije gə́ dɔ naŋg nee ləm, gə dəwje gə́ boo ləm, gə ɓé-njérɔje ləm, gə baoje ləm, gə njésiŋgamoŋje ləm, gə ɓərje lai ləma, gə ŋgankojije bura ləm tɔ lé deḛ dəb rɔ dee bolè mbalje’g gə mbuna mbalje’g.

Njéga̰g-Rəwtaje 6:2

Ji Madianje wɔi dɔ Israɛlje’g ndiŋ-ndiŋ. Gə mba kunda rɔ dee ji Madianje’g gaŋg ndá Israɛlje d’aḭ d’aw d’iya rɔ dee loo gə́ mbalje ta̰ keneŋ ləm, mee bolè mbalje’g ləma, gə mbuna kɔr mbalje gə́ ka̰ ŋgəm loo ləm tɔ.

1 Samel 13:6

Njérɔje gə́ Israɛl d’oo to gə́ d’un kəi dee lad mbata ɓeb dee ɓeb ndá deḛ d’aw d’iya rɔ dee mee bolè mbalje’g ləm, gə mee bèmèje’g ləm, gə mbuna mbalje’g ləm, gə mee kəi-gadje’g ləma, gə mee godə-bwa-manje’g ləm tɔ.