Jeremi 49:5 - Maktub gə́ To gə Kəmee

⁵ Aa ooje, m’ar ɓəl-boo aw gə́ dɔ sí’g, Mbaidɔmbaije gə́ Njesigənea̰ gə́ njeboo-néje ɓa pa bèe. Ɓəl-boo lé a kḭ gə looje lai Gə́ gugu dɔ sí sub ləm, D’a tuba sí kára-kára lai kar nana kara A kaḭ kəmee gə́ kédé-kédé ləma, Dəw kára kara gə́ njekwa njékaḭje Dɔ na̰’d a godo ləm tɔ.

Jeremi 49:5 Iomraidhean Croise

2 Mbaije 19:7

M’a gə kula ndil kára mée’g mba karee oo sorta kára ɓa yeḛ a tel kaw mee ɓee’g ləa ɓəi, tɔɓəi m’a kar dee tɔlee gə kiambas dan mee ɓee’g ləa ya tɔ.

Maktub gə́ wɔji dɔ Jɔb 15:21

Kaa néɓəl ɓar oso mbia’g ləm, Loo gə́ yeḛ si dan meelɔm’g kara njetujiloo ree ur dəa’g ya ləm tɔ.

Gosota-Kəmkàrje 28:1

Njemeeyèr mbudu ŋgwɔd aḭ al kar dəw kore gée ləm, Njemeekarabasur ndá mée kaḭ to gə́ kura toboḭ bèe ləm tɔ.

Esai 16:3

Maji kar sí wɔji síje ta kəmkàr ləm, Raje sə sí né gə́ to gə dɔ najee ləm, Loo gə́ kàr aar daŋdɔ lé Ɔmje ndil sí dɔ sí’g areeje to asəna gə loondul bèe ləm, Iyaje dɔ deḛ gə́ jeḛ n’korə deeje ləma, Maji kar sí unje dɔ njeteḛ ta-rɔ’g el ləm tɔ

Jeremi 15:8

Njékəisiŋgaje lə dee Bula d’unda nagəra gə́ ta baa’g, N’ar njetuji oso dɔ dee’g gə dɔ ko̰ basa’g Loo gə́ kàr aar daŋdɔ. Neḛ n’ar néɓəŋgərəti Gə néɓəl-boo teḛ dɔ dee’g wai.

Jeremi 16:16

Njesigənea̰ pana: Aa ooje, m’ula gə njḛ́do̰-ka̰jije bula ndá d’a kwa dee. Gée’g gogo m’a kula gə njḛ́do̰-daje bula ndá d’a korə dee dɔ mbalje’g lai ləm, gə dɔdərlooje’g lai ləma, gə mbuna mbalje gə́ ta̰ ləm tɔ.

Jeremi 20:4

Mbata Njesigənea̰ pa togə́bè pana: Aa oo, i seḭ gə baokuraje ləi lai n’a gə kɔm sí dan boo-néɓel’g. Deḛ d’a kwəi yoo-kiambas lə njéba̰je lə dee ndá i a koo gə kəmi. Judaje lai kara n’a kuba dee kya̰ dee meḛ ji mbai gə́ Babilɔn’g karee wa dee ɓər aw sə dee Babilɔn ləm, karee tɔl dee gə kiambas ləm tɔ.

Jeremi 46:5

See ɗi ɓa m’oo nee wa! Deḛ ɓəl, deḛ rəm gogo, Njéba̰je lə dee dum dɔ dəwje lə dee Gə́ njésiŋgamoŋje lé, Deḛ d’aḭ lal kɔm rəd ... Ɓəl-boo taa looje pəl-pəl. Njesigənea̰ ɓa pa bèe.

Jeremi 49:29

D’a taa kəi-kubuje lə dee Gə koso-nékulje lə dee ləm, D’a tɔr pal-kubuje lə dee ləm, Gə néje lə deḛ lai ləma, Gə jambalje lə deḛ lai ləm tɔ, D’a lul dee gə loo lai pana: Ɓəl-boo un dee lad-lad.

Jeremi 6:25

Awje mee ndɔje’g el ləm, Awje rəwje’g el ləm tɔ Mbata lé neelé kiambas lə njeba̰ lə sí To keneŋ ləm, Ɓəl-boo aḭ dɔ sí sub ləm tɔ.

Nɔ̰-ndôo gə́ wɔji dɔ Jerusalem 4:15

Dəwje lai ya d’ula dee pana: Ɔdje gə́ raŋg, Seḭ gə́ toje dəwje gə́ mina̰ lé Ɔdje gə́ raŋg ɓó ɔrɔje rɔ dee el. Deḛ d’aḭ d’aw gə́ yo gə́ nee. Ar dee pata mbuna ginkoji dəwje gə́ raŋg’g pana: D’a kiŋga loo-si dee mbuna neḛje’g el ŋga.

Amɔs 4:3

Nana kara a teḛ gə́ kəm ndògo-bɔrɔ gə́ ta̰ lé kəmee gə́ kédé ya, Ndá d’a kɔm sí mee kəi-kaar-kɔgərɔje’g. Njesigənea̰ ɓa pa bèe.

Jujé 2:9

tɔɓəi yeḛ ula dee pana: Ma m’gər gao, Njesigənea̰ ar sí ɓee neelé ləm, no̰ néra sí ɔm ɓəl dɔ sí’g ləma, dəwje lai gə́ mee ɓee’g neelé d’unda bala tigi-tigi no̰ sí’g ləm tɔ.