Jeremi 49:39 - Maktub gə́ To gə Kəmee

³⁹ Nɛ ndɔ gə́ gogo ndá M’a tel gə́ njé gə́ Elam Gə́ d’aw ɓee-ɓər’g lé ree sə dee, Njesigənea̰ ɓa pa bèe.

Jeremi 49:39 Iomraidhean Croise

Maktub gə́ wɔji dɔ Jɔb 42:10

Njesigənea̰ tel gə Jɔb loo-siée gə́ yeḛ si ne dan maji’g kédé lé loo gə́ Jɔb ra tamaji ta Njesigənea̰’g mbata lə baokuraje ləa. Tɔɓəi Njesigənea̰ ar Jɔb néje dɔ maree’d gə́ yeḛ iŋga kédé lé as gɔl joo.

Esai 2:2

Ndɔ gə́ rudu ndəaje a gə kun ɗiao ndá Dɔ mbal gə́ wɔji dɔ kəi lə Njesigənea̰ lé D’a tel tum ginee dɔ mbalje gə́ tar. Yeḛ a to tar dɔ dɔdərloo’g Ndá ginkoji dəwje gə raŋg lai d’a kaḭ kaw keneŋ.

Jeremi 12:15

Nɛ gée’g gogo loo gə́ n’ɔr dee mba̰ ndá n’a tel koo kəmtondoo lə dee gogo ləm, n’a tel gə nana kara gə́ dɔ nédɔji’g ləa-ləa, kar nana kara aw mee ɓee’g ləa-ləa ləm tɔ.

Jeremi 48:47

Nɛ mee ndəa gə́ gogo ndá M’a tel gə Moabje Gə́ d’aw sə dee ɓee-ɓər’g lé Ree sə dee. Njesigənea̰ ɓa pa bèe. Yee nee ɓa gə́ ta gə́ gaŋg dɔ Moab’g ya.

Jeremi 49:38

M’a kunda kalimbai ləm mee ɓee gə́ Elam Ndá m’a tuji mbai Gə ŋgan-mbaije ləa pugudu-pugudu. Njesigənea̰ ɓa pa bèe.

Jeremi 49:6

Nɛ gée gə́ gogo ndá m’a tel Gə Amo̰je gə́ d’wa dee ɓər lé ree sə dee. Njesigənea̰ ɓa pa bèe.

Ejekel 29:14

N’a tel gə Ejiptəje gə́ d’aw sə dee ɓee-ɓər’g lé ree sə dee ndá n’a ree sə dee mee ɓee gə́ Patros gə́ to ɓee gə́ gin dee ḭ keneŋ tɔɓəi lé neelé ɓa d’a tum gin ɓeeko̰ gə́ kul kwɔji-kwɔji keneŋ tɔ.

Ejekel 38:16

I a kɔr rɔ kaw rɔ gə koso-dəwje lə neḛ gə́ Israɛl asəna gə mum gə́ a gə dəb dɔ ɓee’g bèe. Ǝi Gɔg, mee ndəaje gə́ gogo lé n’a kari aw rɔ gə ɓee lə neḛ gə mba kar ginkoji dəwje gə raŋg gər ne neḛ loo gə́ i a kar neḛ n’to gə kəmee kəm dee’g raga lé!

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Loo gə́ killa rea kəm Daniel’g 10:14

Ma m’ree ɓasinè mba kari gər néje gə́ d’a gə́ teḛ dɔ dəwje’g ləi mee ndəaje gə́ d’a gə ree ɓəi. Mbata némḭdi neelé wɔji dɔ ndəaje neelé ya.

Loo gə́ killa rea kəm Daniel’g 2:28

Nɛ Ala gə́ si dan dara’g lé ɓa riba dɔ néje gə́ to loo-kiya’g ndá yeḛ nja ɓa ari-i Nebukadnesar, mbai lé oo né gə́ a gə teḛ meḛ ndɔje gə́ d’a gə ree ɓəi. Aa oo, ni ləi gə némḭdije gə́ i oo dee dɔ tira-toi’g lé ɓa nee:

Ojee 3:5

Gée gə́ gogo ndá Israɛlje d’a tel ree rɔ Njesigənea̰’g tɔɓəi d’a ndolè goo Ala lə dee ləm, gə Dabid gə́ to mbai lə dee ləm tɔ. Mee ndɔje gə́ aw ree’g lé, deḛ d’a rəm pər gə́ rɔ Njesigənea̰’g ləm gə rɔ némeemajije’g ləa ləm tɔ gə kàr gəd ya.

Amɔs 9:14

N’a tel gə koso-dəwje lə neḛ gə́ Israɛl Gə́ d’wa dee gə́ ɓərje lé ree sə dee ɓée ləm, Ɓeeje lə dee gə́ tuji ləw lé D’a tel ra gogo mba kisi keneŋ ləm, D’a ma̰a nduúje ndá d’a kai mán dee ləma, D’a ra loo-kamnaḭje ndá d’a sɔ kandə dee ləm tɔ.

Misee 4:1

Mee ndɔje gə́ aw ree’g lé. Ndá dɔ mbal gə́ wɔji dɔ kəi lə Njesigənea̰ lé D’a tum ginee dɔ sém mbalje’g, Yee a kḭ dəs dɔdərloo gə́ tar Ndá koso-dəwje d’a kaḭ kaw keneŋ.