Jeremi 49:32 - Maktub gə́ To gə Kəmee

³² Jamalje lə dee d’a to nékwa ləm, Koso-nékulje lə dee gə́ bula digi-digi lé D’a to gə́ né banrɔ ləm tɔ, Njḛ́disa kil mbaita deeje lé M’a sané dee gə looje lai Ndá m’a kar tuji ḭ gə looje lai Ree dɔ dee’g. Njesigənea̰ ɓa pa bèe.

Jeremi 49:32 Iomraidhean Croise

Jeremi 25:23

M’ar Dedanje ləm, gə Temaje ləm, gə Busje ləma, gə deḛ lai gə́ to njéndisa kil mbaita deeje ləm tɔ lé d’ai.

Jeremi 49:36

M’a kar lelje sɔ d’ḭ kəm daraje gə́ sɔ’g Ree gigigi gə́ dɔ njé gə́ Elam’g. Lelje lai neelé ɓa m’a sané dee ne ndá ginkoji dəwje gə́ njé gə́ Elam d’a lal kaḭ kaw keneŋ lé a godo.

Jeremi 9:25

Deḛ gə́ to Ejiptəje, gə Judaje, gə Edɔmje, gə ŋgaka Amo̰, gə Moabje, deḛ lai gə́ ndisa kil mbaita dee ləm, deḛ lai gə́ d’isi dɔdilaloo’g ləm tɔ. Mbata ginkoji dəwje gə raŋg lai lal kinja tamɔd dee ləm, gel-bɔje lə Israɛl lai d’inja tamɔd dee nɛ d’ya̰ meḛ dee gə́ kəi ləm tɔ.

Ejekel 5:10

Gelee gə́ nee ɓa bɔ ŋganje d’a sɔ ŋgan deeje mbuna sí’g ləm, ŋganje d’a sɔ bɔ deeje ləm tɔ, n’a gaŋgta dɔ sí’g tɔɓəi n’a sané ne ges sí lai gə́ nai lé kad-kad dan lel’g.

Ejekel 5:12

Dəwje lai gə́ kudu munda lé kudu deḛ gə́ kára d’a kwəi yoo-koso ləm, ɓoo-boo a kula kəm dee ndòo mbuna sí’g ləm tɔ, deḛ gə́ kudu kára d’a kwəi yoo-kiambas gugu gir sí sub, tɔɓəi deḛ gə́ kudu kára lé n’a sané dee dan lel’g ndá n’a kɔr kiambas kore ne goo dee tɔ.

Tel tura Godndu 28:64

Njesigənea̰ a sané sí mbuna ginkoji dəwje gə raŋg’g, un kudee gwɔi naŋg’d bər njal teḛ ne rudee gə́ dɔ-gó, lé gə́ neelé ɓa seḭ a poleje magəje gə́ to kag əsé mbal gə́ seḭ əsé bɔ síje-je gər dee kédé el lé keneŋ.