Jeremi 49:3 - Maktub gə́ To gə Kəmee

³ Seḭ njéɓeeje gə́ Esbon, Maji kar sí tuma̰je ŋgururu-ŋgururu, Mbata Ai tuji pugudu! Ŋganje gə́ dené gə́ Raba, Maji kar sí raje né wəl-wəl ləm, Tɔje kubu-kwa-ndòo ɓər sí’g ləma, No̰je gə mán-no̰ kəm sí’g Ilaje ne rima-rima kaar ndògo-bɔrɔje’g ləm tɔ Mbata d’aw gə magə-Malkɔm gə́ ɓee-ɓər’g Gə njékinjanéməsje ləa gə mbaije ləa na̰’d.

Jeremi 49:3 Iomraidhean Croise

2 Samel 11:1

Goo ləb gə́ sigi’g lé to mee ndəaje gə́ mbaije d’aw mba rɔ ne gə na̰ na̰ lé ndá Dabid ula Joab gə kuraje ləa gə njérɔje gə́ Israɛl lai mba kar dee d’aw tuji Amo̰je ləm, gə mba kaḭ dɔ Raba sub gə rɔ ləm tɔ. Nɛ Dabid nai Jerusalem ya.

1 Mbaije 11:33

A to togə́bè mbata deḛ d’ubam d’ya̰m d’aw d’unda barmba no̰ Astarte gə́ to magə lə Sido̰je ləm, gə no̰ Kemos gə́ to magə lə Moabje ləm, gə no̰ Milkɔm gə́ to magə lə Amo̰je ləm tɔ mbata deḛ njaa gə goo torndumje el ləm, deḛ ra néje gə́ gə dɔ najee kəm’g gə mba kaa ne dɔ godnduje gə ndukunje ləm tɔ gə́ Dabid bɔ Salomo̰je bèe lé el ləm tɔ.

1 Mbaije 11:5

Salomo̰ ndolè goo magə-Astarté gə́ to magə lə Sido̰je ləm, gə goo magə-Milkɔm, gə́ ar Amo̰je mina̰ lé ləm tɔ.

2 Mbaije 23:13

Looje gə́ ndəw gə́ wɔji dɔ Jerusalem njoroŋ par gə́ dɔkɔl lə mbal gə́ ria lə Loo-tuji gə́ Salomo̰, mbai ra ar magə-Astarté lé mbai ra né keneŋ ar dee tel to looje gə́ mina̰ ləm, yeḛ tuji né gə́ mina̰ gə́ njé gə́ Sido̰ ra d’ar Kemos ləm, gə né gə́ mina̰ gə́ njé gə́ Moab ra d’ar Milkɔm ləma, gə né gə́ mina̰ gə́ Amo̰je ra ləm tɔ.

Esdras 2:28

diŋgamje gə́ ɓeeje gə́ Betel gə Ai d’as tɔl-joo gə dɔ dee rɔ-joo-giree-munda (223),

Esai 13:6

Maji kar sí no̰je, siije mbigi-mbigi Mbata ndɔ lə Njesigənea̰ si aw gə́ nee dəb, Yeḛ ree asəna gə nétuji Gə́ ḭ rɔ Bao-siŋgamoŋ’d bèe.

Esai 14:31

Seḭ gə́ síje tarəwkəi’g lé Gə́ tuma̰je ŋgururu-ŋgururu! Seḭ gə́ síje ɓee-boo’g lé Gə́ no̰je rɔ sí! Seḭ njéɓeeje gə́ Pilisti lai lé Undaje bala! Mbata sa pər ḭ gə́ dɔgel si ree ləm, Mbuna loo-kaar njéba̰je lé udu jigi-jigi ləm tɔ.

Esai 15:2

D’aw mee kəi-pole-magə gə́ to Dibo̰ Dɔ looje gə́ ndəw’g gə mba no̰ keneŋ, Moabje no̰ tuma̰ ŋgururu-ŋgururu Mbata lə ɓee gə́ Nebo ləm, Gə mbata lə ɓee gə́ Médeba ləm tɔ, Deḛ ndisa dɔ deḛ lai ŋgori-ŋgori ləm, Deḛ tḭja mbaita dee bur-bur ləm tɔ.

Esai 16:7

Gelee gə́ nee ɓa Moabje tuma̰ ne ŋgururu-ŋgururu dɔ rɔ dee’g, Ar dee-deḛ lai ya no̰ ne togə́bè tɔ. Seḭ imje rɔ sí dɔ tuji gə́ oso dɔ Kir-Hareset’g Areeje al dɔ sí sula.

Esai 23:1

Ndərta gə́ pa wɔji dɔ ɓee gə́ Tir. Seḭ batoje gə́ Tarsis, no̰je siije mbigi-mbigi Mbata ɓee gə́ Tir lé tuji: Kəije godo ləm, Loo-Kandə keneŋ godo ləm tɔ! Sorta neelé d’ḭ ne ɓee gə́ Kitim Ɓa ree d’ula dee.

Esai 23:6

Awje par gə́ Tarsis, No̰je siije mbigi-mbigi, Seḭ dəwje gə́ síje ta baa’g lé!

Jeremi 4:8

Gelee gə́ nee ɓa maji kar sí ulaje kubu-kwa-ndòo rɔ sí’g No̰je ne ləm, gə tuma̰je ne ŋgururu-ŋgururu ləm tɔ, Mbata oŋg lə Njesigənea̰ gə́ to asəna gə pər bèe lé a lal sí el.

Jeremi 46:25

Njesigənea̰ gə́ njeboo-néje gə́ to Ala lə Israɛlje lé pana: Aa ooje, m’a ra né gə́ kədərə gə Amo̰, magə gə́ No ləm, gə Parao̰, gə Ejiptə, gə magəje ləa, gə mbaije ləa ləma, gə Parao̰ gə deḛ lai gə́ d’ɔm meḛ dee dəa’g lé ləm tɔ.

Jeremi 48:2

Rɔnduba lə Moab godo ŋga, Mee ɓee-boo gə́ Esbon lé D’wɔji-kwɔji tujee pana: Ar sí j’aw n’tujeeje pugudu Mbuna ginkoji dəwje gə raŋg’g! I ɓee-boo gə́ Madmḛ kara a kudu bo̰ tɔ. D’orè gooi gə kiambas ndəŋ.

Jeremi 48:20

Moabje d’isi gə rɔkul, Mbata deḛ tuji ɓee lə dee pugudu-pugudu. Maji kar sí tuma̰je ŋgururu-ŋgururu ləm, Raje né wəl-wəl ləm tɔ. Maji kar sí ilaje mberee Arje deḛ gə́ d’isi ta baa gə́ Arno̰ To gə́ Moab lé tuji pugudu mba̰.

Jeremi 48:37

Mbata deḛ lai ndisa dɔ dee ŋgori-ŋgori ləm, d’inja mbaita deeje bur-bur ləm tɔ, deḛ lai tḭja ji dee pədərə-pədərə ləm, d’ula kubu-kwa-ndòo rɔ dee’g ləm tɔ.

Jeremi 48:7

Mbata i ɔm məəi dɔ kula raije’g ləm, Gə dɔ nébaoje’g ləi ləm tɔ lé Ndá i kara d’a dum dɔi tɔ. Ala ləi gə́ ria lə Kemos lé A kaw ɓee-ɓər’g Gə njékinjanéməsje gə mbaije ləa na̰’d.

Jeremi 49:1

Ta gə́ wɔji dɔ Amo̰je. Njesigənea̰ pa togə́bè pana: See Israɛl lé see ŋgonee gə́ diŋgam godo wa. See njekwa nénduba ləa godo wa. See gelee ban ɓa magə-Malkɔm Taa ɓee gə́ Gad gə́ kea̰ ləm, Ar koso-dəwje ləa d’isi Mee ɓee-booje gə́ keneŋ ləm tɔ wa.

Jeremi 51:8

Kalaŋ bèe ya ndá Babilɔn oso guru rug-rug! Tuma̰je ŋgururu-ŋgururu gə mbəa, Ɔmje no̰-kag gə́ ra gə kuma̰ ta doo’g ləa, Banelə yee a kər kəmsə.

Jeremi 6:26

Seḭ koso-dəwje ləm, Ulaje kubu-kwa-ndòo rɔ sí’g Rogoje ne babur’g, Waje ne ndòo to gə́ dəw Gə́ wa ne ndòo ŋgon kára bèe ləm, No̰je gə mán kəm sí’g Siije ne mbigi-mbigi ləm tɔ, Mbata njetujiloo a gə kuba sí naŋg bus.

Amɔs 1:15

Ndá d’a kwa mbai lə dee gə́ ɓər Yeḛ gə ŋgan-mbaije ləa na̰’d tɔ, Njesigənea̰ ɓa pa bèe.

Soponi 1:5

N’a tuji deḛ gə́ d’unda barmba dɔ kəije’d gə́ tar no̰ boo-néje gə́ dara’g ləm, Gə deḛ gə́ d’unda barmba d’ubu ne rɔ dee gə ri Njesigənea̰ Esé gə ri mbai lə dee ləm tɔ lé

Maktub gə́ Jak ula ne ar ngan-Allaje 5:1

Ɓasinè ooje ta nee seḭ bao-nékiŋgaje: No̰je gə mán-no̰ kəm sí’g ləm, tuma̰je ŋgururu-ŋgururu ləm tɔ mbata némeekonje gə́ d’a gə teḛ dɔ sí’g lé.

Jujé 7:2

Juje ula diŋgamje ar dee d’ḭ Jeriko d’aw par gə́ Ai gə́ to mbɔr Bet-Aben gə́ to par gə́ loo gə́ bər lə Betel. Yeḛ ula dee pana: Aw tənje loo mee ɓee’g neelé ooje. Ndá diŋgamje neelé d’aw tən loo mee ɓee gə́ Ai lé ya tɔ.

Jujé 8:1

Njesigənea̰ ula Juje pana: Ɓəl el ləm, unda bala el ləm tɔ. Uba naŋg ḭta, ɔm njérɔje lai dɔi’g aw rɔ ne gə njé gə́ Ai. Oo, mbai gə́ Ai, gə dəwje ləa ləm, gə ɓee-boo ləa gə ɓeeko̰ ləa ləm tɔ lé m’ya̰ dee jii’g ya.

Jujé 8:28

Juje roo ɓee-boo gə́ Ai dula-dula aree tel to dɔ nduba saar teḛ mee ndəa gən.