Jeremi 49:25 - Maktub gə́ To gə Kəmee

²⁵ See to gə́ ban ɓa Ɓee-boo gə́ to nérɔnduba Gə́ to ɓee-boo gə́ am rɔlel lé ya D’uba d’ya̰ wa.

Jeremi 49:25 Iomraidhean Croise

Esai 1:26

N’a tel kunda njégaŋ-rəwtaje lə sí to gə́ kédé ləm, Gə njékwɔjita-kəmkàrje lə sí to gə́ kédé gə́ dɔtar ya ləm tɔ. Gée gə́ gogo ndá d’a kunda ri sí Le ɓee-boo gə́ njéra né gə́ gə dɔ najee-je d’isi keneŋ ləm, Gə ɓee-boo gə́ njékilakojije d’isi keneŋ ləm tɔ.

Jeremi 33:9

Ɓee-boo neelé a to nérɔlel, gə népidi, gə nékula rɔnduba mbata ləm mbuna ginkoji dəwje gə raŋg lai dɔ naŋg nee gə́ d’a koo sor meemajije lai gə́ m’ra sə dee lé. Kaar dee a kwa dee paḭ kar dee d’unda bala mbata meemajije lai ləm, gə teḛ gə́ m’ar dee teḛkɔr ləm tɔ.

Jeremi 48:2

Rɔnduba lə Moab godo ŋga, Mee ɓee-boo gə́ Esbon lé D’wɔji-kwɔji tujee pana: Ar sí j’aw n’tujeeje pugudu Mbuna ginkoji dəwje gə raŋg’g! I ɓee-boo gə́ Madmḛ kara a kudu bo̰ tɔ. D’orè gooi gə kiambas ndəŋ.

Jeremi 48:39

See tuji gə́ ban ɓa bèe wa. Maji kar sí tuma̰je ŋgururu-ŋgururu! See tel gə́ Moabje tel gir dee d’ila gə rɔkul bèe lé gelee ban wa. Moab lé tel to nékula sul dɔ’g ləm, gə néɓəl ləm tɔ kəm deḛ lai gə́ gugu dəa sub lé.

Jeremi 51:41

Ɗi togə́bè wa! Sesak lé taa mba̰ ya. Yee gə́ rɔnduba ləa taa Dɔ naŋg nee lai pəl-pəl lé ya Dum dəa mba̰ ya. Ɗi togə́bè wa! Babilɔn lé ya Tuji pugudu mbuna ginkoji dəwje gə raŋg’g.

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Loo gə́ killa rea kəm Ja̰’g 18:10

D’a kunda rɔ dee ŋgərəŋ mbata d’a ɓəl néurti gə́ rəa lé ndá d’a pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Babilɔn, ɓee-boo gə́ njesiŋgamoŋ lé nja! Mee kàree gə́ kára ba ya nétuji gə́ wɔji dɔi teḛ dɔi’g ya.