Jeremi 49:23 - Maktub gə́ To gə Kəmee

²³ Ta gə́ wɔji dɔ njé gə́ Damas. Deḛ gə́ d’isi ɓee-booje Gə́ Amat gə Arpad lé D’isi gə rɔkul, Mbata deḛ d’oo sorta gə́ majel ndá Deḛ d’unda bala, To asəna gə baa-boo-kad Gə́ turu tuma̰-tuma̰ Gə́ askəm tel to ndiŋ el bèe.

Jeremi 49:23 Iomraidhean Croise

Gḭ-Néje 14:15

Yeḛ gə njérɔje ləa lé deḛ kai na̰ gə kudu dee kudu dee gə mba rɔ gə njéba̰je lə dee lé loondul’g. Ndá yeḛ dum dee ləm, yeḛ kor dee saar teḛ Soba gə́ to par gə́ dɔgel lə ɓee gə́ Damas ləm tɔ.

Gḭ-Néje 15:2

Abram tel ilá keneŋ pana: Mbaidɔmbaije gə́ Njesigənea̰, see ɗi ɓa i a kam wa. Ma lé m’aw kari ba lal koji ŋgon. Njekwa-nénduba mee kəi’g ləm lé yeḛ ɓa to Eliéjer gə́ Damas.

2 Samel 17:10

Bèe ɓa bao-rɔje gə́ to njésiŋgamoŋje lé lé meḛ dee to asəna gə mee toboḭ ya kara meḛ dee a gaŋg mán. Mbata Israɛlje lai gər to gə́ bɔbije to bao-rɔ ləm, deḛ gə́ d’aw səa kara to bao-rɔje ya ləm tɔ.

2 Samel 8:9

Tɔi, mbai gə́ Amat oo to gə́ Dabid dum dɔ njérɔje lə Adadéjer ndá

1 Mbaije 11:24

Yeḛ mbo̰ dəwje rəa’g tel to ne mbai dɔ njékaw waije loo gə́ Dabid tɔl ne kudu-njérɔje lə ɓéeje lé. Deḛ d’ḭ Damas d’aw d’isi keneŋ ndá d’o̰ ɓee keneŋ.

2 Mbaije 17:24

Mbai gə́ Asiri ar dəwje gə́ Babilɔn, gə Kuta, gə Aba, gə Amat, gə Separbayim ree d’isi mee ɓee-booje gə́ Samari tor Israɛlje’g lé. Deḛ taa Samari gə́ ka̰ dee ndá dee d’isi mee ɓee-booje’g ləa.

2 Mbaije 18:34

See magəje lə Amat gə Arpad d’əd ra wa. See magəje lə Separbayim gə Hena gə Iba d’əd ra wa. See deḛ lé taa Samari ji neḛ’g wa.

2 Mbaije 19:13

Mbai gə́ Amat, gə mbai gə́ Arpad, gə mbai lə ɓee-boo gə́ Separbayim, gə mbai gə́ Hena, gə Iba lé see d’əd ra wa.

2 Mbaije 5:12

Man baaje gə́ Damas gə́ ri dee lə Abana gə Parpar lé see maji d’unda manje lai gə́ Israɛl el wa. See m’askəm kula rɔm keneŋ kar rɔm àr ŋgad-ŋgad el wa. Bèe ɓa yeḛ tel giree ɔd par-par gə oŋg aw.

2 Sôrta Gḭka Israɛlje 16:2

Asa teḛ gə larnda gə larlɔr gə́ to mbuna nébaoje’g mee kəi’g lə Njesigənea̰ ləm, gə mee kəi’g lə mbai ləm tɔ ndá yeḛ ar kuraje ləa d’aw ne rɔ Ben-Adad, mbai gə́ Siri’d gə́ si Damas gə mba kulá pana:

Teḛ-Raga 15:15

Mbaije gə́ Edɔm ndəb pəd-pəd, Bao-rɔje gə́ Moab d’unda bala tigi-tigi, Njé gə́ Kana̰ lai lé rɔ dee wəi sululu.

Esai 10:9

See né gə́ teḛ dɔ ɓee-boo gə́ Kalno lé Aw na̰’d kára ba gə né gə́ teḛ dɔ ɓee-boo Gə́ Karkəmis bèe el wa. See né gə́ teḛ dɔ ɓee-boo gə́ Amat lé Aw na̰’d kára ba gə né gə́ teḛ dɔ ɓee-boo Gə́ Arpad bèe el wa. See né gə́ teḛ dɔ ɓee-boo gə́ Damas lé Aw na̰’d kára ba gə né gə́ teḛ dɔ ɓee-boo Gə́ Samari el wa.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 13:7

Gelee gə́ nee ɓa ji dəwje lai unda ne ndolè ləm, Meḛ dəwje lai ila ne kas bilim ləm tɔ.

Esai 36:19

See magəje lə njé gə́ Amat gə Arpad d’əd ra wa. See magəje lə njé gə́ Separbayim d’əd ra wa. See deḛ lé d’ɔg neḛ loo taa Samari wa.

Esai 37:13

Mbai gə́ Amat, gə mbai gə́ Arpad, gə mbai lə ɓee-boo gə́ Separbayim gə Hena gə Iba lé see d’əd ra wa.

Esai 57:20

Nɛ njémeeyèrje lé To to gə́ mán baa-boo-kad gə́ ula Gə́ askəm tel to lɔm el Ar bɔrɔ mán gə njawalaje d’ḭ keneŋ njem-njem.

Esai 7:8

Mbata ko̰ɓee gə́ Aram ɓa to Damas Ar Resin ɓa to mbai dɔ Damas tɔ. Nai as ləb rɔ-misa̰-giree-mi Ndá Eprayimje d’a tel to gə́ koso-dəwje el ŋga.

Jeremi 39:5

Nɛ njérɔje lə Kaldeje korə dee d’aw d’wa Sedesias ndag-loo gə́ Jeriko. Deḛ d’wá d’aw səa rɔ Nebukadnesar, mbai gə́ Babilɔn’g mee ɓee gə́ Ribla dɔ naŋg ɓee gə́ Amat. Lée neelé deḛ gaŋgta dəa’g keneŋ.

Ejekel 27:18

Njé gə́ Damas lé seḭ sə deeje toje njéndogo gə na̰ néje gə mbata boo-néje ləi gə́ bula ləm, gə mbata némajije lai gə́ i si danee’g bèdèg lé ləm tɔ. Deḛ to njé ree gə mán-nduú gə́ Helbo̰ ləm, gə bḭ badje gə́ ndá ləm tɔ.

Amɔs 6:2

Dəsje awje ɓee gə́ Kalne ooje ləm, Ḭje keneŋ awje saar teḛje Amat Gə́ to ɓee-boo lə Pilistije ləma, Awje Gat, ɓee lə Pilistije ləm tɔ. See ɓee-booje gə́ neelé To maji d’ur dɔ ɓeeko̰je’g lə sí gə́ joo nee wa. Esé see dɔ naŋg lə dee tad yaa̰ unda ka̰ sí-seḭ wa.

Nahum 2:10

Maji kar sí undaje larnda gə larlɔr gə́ nébanrɔ! Mbata nébaoje gə́ ɔs dɔ maree-maree to keneŋ ləm, Nébaoje gə́ ra gə néje gə́ gad dee to yaa̰ Gə gel dee gel dee lé to keneŋ ləm tɔ.

Bula lə Israɛlje 13:21

Togə́bè ɓa deḛ d’ḭ d’aw ndá deḛ tən loo mee ɓee’g lé un kudee dɔdilaloo gə́ Sin saar teḛ ne ɓee gə́ Reob gə́ to rəw gə́ aw gə́ Amat lé tɔ.

Néra Njékaḭkulaje 27:20

Ndɔ aḭ bula lé j’oo kəm kàr əsé gə kéréméje el tɔɓəi lel-boo ula kəmee gə́ kédé-kédé, ar meḛ sí pélé dɔ rɔ sí’g wəs-wəs m’pana: J’a kudu ɓó j’a kaji el.

Néra Njékaḭkulaje 9:2

Yeḛ aḭ haar aw rɔ ŋgɔ-njekinjanéməs’g dəjee maktub gə mba kaw ne kəi-kiŋga-na̰je’g gə́ to Damas, bèe ɓa ɓó lé yeḛ a kiŋga diŋgamje əsé denéje gə́ d’un rəw goo Mbaidɔmbaije’g ndá yeḛ a twa dee tɔ dee gə kúla kaw sə dee Jerusalem.

2 Njé gə́ Kɔrḭtə 11:32

Mee ɓee gə́ Damas lé njeguburuɓee gə́ ta tor mbai Aretas lé ar dee ŋgəm tarəw ɓee-boo gə́ Damas mba kwam.

Tel tura Godndu 20:8

Ɓé-njérɔje lé d’a dəji boo-njérɔje ta gə́ kédé ɓəi pana: See na̰ ɓa to njeɓel lal kwa rəa kɔgərɔ wa. Maji karee tel aw mee kəi’g ləa nà ŋgakea̰je d’a ndaji kəmee tɔ.

Jujé 14:8

Ŋgakɔmje gə́ d’aw səm lé d’ar meḛ dəwje ila kas nɛ ma lé m’ndolè goo Njesigənea̰, Ala ləm gə məəm gə́ kára ba sur.

Jujé 2:11

Jeḛ j’ooje taree ndá meḛ sí ila kas ləm, ndil síjeḛ lai ya teḛ kág igi mbata lə sí ləm tɔ, mbata Njesigənea̰, Ala lə sí lé to Ala gə́ njesi sém dara gə́ tar ləm, gə dɔ naŋg nee ləm tɔ.