Jeremi 49:20 - Maktub gə́ To gə Kəmee

²⁰ Gelee gə́ nee ɓa maji kar sí ooje Né gə́ Njesigənea̰ wɔji Mba ra gə Edɔm ləm, Gə néje gə́ yeḛ wɔji gə mba ra Gə njéɓeeje gə́ Teman ləm tɔ! Tɔgərɔ, d’a ndɔr dee to gə́ ŋgan badje Gə́ siŋga dee godo bèe ləm, Tɔgərɔ, d’a tuji loo-si dee Pugudu-pugudu ləm tɔ.

Jeremi 49:20 Iomraidhean Croise

Pakɔsje 33:11

Néje gə́ Njesigənea̰ wɔji mée’g gə mba ra lé To saar gə no̰ ləm, Néje gə́ yeḛ wɔji-kwɔji ra lé Yeḛ ra mbata lə njéboakojije lə na̰ gə goo na̰ goo na̰ ya ləm tɔ.

Gosota-Kəmkàrje 19:21

Mee dəw lé wɔji-kwɔji ra néje bula, Nɛ né gə́ Njesigənea̰ wɔji ɓa aw lée’g béréré.

Jeremi 37:10

Lée seḭ dumje dɔ njérɔje gə́ Kalde gə́ d’aw rɔ sə sí lé lai arje dəwje gə́ d’iŋga doo ya ɓa nai kara deḛ lai lé nana kara a kunda loo mee kəi-surum’g ləa teḛ roo ɓee-boo neelé dula-dula ya.

Jeremi 49:13

Mbata ma man rɔm gə rim. Njesigənea̰ ɓa pa bèe. Bosra a to nékwa dɔ jiim ləm, gə nékila rɔkul-boo dɔ’g ləm, gə né gə́ tuji pugudu ləma, gə nékila ndɔl dɔ’g ləm tɔ, ndá ɓee-booje ləa lai d’a to dɔ nduba ya saar gə no̰.

Jeremi 49:7

Ta gə́ wɔji dɔ Edɔmje. Njesigənea̰ gə́ njeboo-néje ɓa pa togə́bè pana: See kəmkàr godo Teman’g wa. See kunda kəmkàr dɔ rɔ’g Godo rɔ njégosonégərje’g ŋga wa. See kəmkàr lə dee sané pá ŋga wa.

Jeremi 50:45

Gelee gə́ nee ɓa maji kar sí ooje Né gə́ Njesigənea̰ wɔji mba ra Gə ɓee gə́ Babilɔn ləm, Gə néje gə́ yeḛ wɔji mée’g Gə mba ra gə ɓee lə Kaldeje ləm tɔ. Tɔgərɔ d’a ndɔr dee to gə́ ŋgan badje Gə́ siŋga dee godo bèe ləm, Tɔgərɔ d’a tuji loo-si dee Pugudu-pugudu ləm tɔ.

Amɔs 1:12

N’a kula gə pər dɔ Temanje’g Karee roo kəi-mbaije gə́ Bosra dula-dula ya.

Jakari 4:6

Tɔɓəi yeḛ tel ilam’g pana: Yee neelé to ta gə́ Njesigənea̰ ula Jorobabel pana: To gə goo né gə́ wɔji dɔ siŋgamoŋ lə njérɔje gə́ d’aw rɔ ne el ləm, Esé gə goo siŋgamoŋ lə dəw el ləm tɔ, Nɛ gə goo Ndil neḛ-neḛ nja kára ba, Njesigənea̰ gə́ njeboo-néje lé ɓa pa bèe.

Néra Njékaḭkulaje 4:28

mba kar néje lai gə́ i wɔji gə jii gə tai kédé par-par lé deḛ ra nja.

Njé gə́ Epesə 1:11

Mbɔl dɔ Kristi lé ɓa jeḛ n’tel n’to ne nédɔji ləa gə goo kuma̰ gə́ yeḛ nja kuma̰ sí mée’g kédé gə́ dɔtar, yeḛ nja ɓa unda ne néje lai gə goo nduree-nduree to gə́ mée wɔji