Jeremi 49:16 - Maktub gə́ To gə Kəmee

¹⁶ Tɔji rɔ lə sí gə ti-rɔ lə sí To dɔɓəŋgərə sí’g ar sí ndəmje ne, Seḭ gə́ síje mbuna mbalje’g ləm, Gə́ síje sém dɔdərlooje’g lé ləm tɔ. Lée seḭ ulaje kəije lə sí tar To gə́ ka̰ niŋgatə̰də bèe kara M’a kɔs sí keneŋ piriŋ kila sí naŋg, Njesigənea̰ ɓa pa bèe.

Jeremi 49:16 Iomraidhean Croise

2 Mbaije 14:7

Yeḛ tɔl dəwje gə́ Edɔm as tɔl-dɔg-loo-dɔg (10.000) kəm wəl-loo gə́ ria lə Kad, loo gə́ rɔ ndá yeḛ taa ɓee gə́ Sela tel unda ria lə Jokteel, to ri gə́ ɓaree ne saar teḛ mee ndəa gən tɔ.

Maktub gə́ wɔji dɔ Jɔb 39:27

See gə goo torndui ɓa mal ḭ ne ləm, Ra ne kəi ləa dɔ looje gə́ ndəw’g lé ləm tɔ wa.

Gosota-Kəmkàrje 16:18

Kesta ɓa ɔr no̰ tuji ləm, Beelé ɓa ar dəw oso ləm tɔ.

Gosota-Kəmkàrje 18:21

Kandə ta gə́ teḛ ta dəw’g lé Askəm tel to nésikəmba ləa ləm gə gel yée ləm tɔ, Yeḛ gə́ ndigi ta yaa̰ lé a koo keán tɔ.

Gosota-Kəmkàrje 29:23

Beelé lə dəw lé aree oso kul, Nɛ yeḛ gə́ ula dəa aw yururu ndá iŋga rɔnduba.

Pa gə́ ur dɔ paje 2:14

Dərnda ləm gə́ si mbuna mbalje’g ləm, Gə́ iya rəa mba̰-ərje’g ləm tɔ lé Am m’oo kəmi ləm, Am m’oo ndui ləm tɔ Mbata ndui kul yururu ləm, Kəmi ma̰də yaa̰ kəm’g ləm tɔ.

Esai 10:14

Neḛ n’taa nébaoje lə koso-dəwje To gə́ dəw wa ne kəi-yel ɔr bèe ləm, To gə́ d’odo ne kaw gə́ yel uba ya̰ bèe ləm tɔ. Yee ɓa neḛ mbo̰ njé gə́ naŋg nee lai dɔ na̰’d, Ndá yel kára kara unda bagee el ləm, Teḛ təa el ləma, no̰ el ləm tɔ.

Esai 2:21

Ndá d’a kandə kəmbolè mbalje’g Gə kəm kɔr mbalje gə́ ta̰’g Gə mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl-boo dɔ njé gə́ naŋg nee’g.

Esai 49:25

Njesigənea̰ pana: Tɔgərɔ ya, ɓər gə́ bao-rɔ wá lé Dəw a naree jia’g taa ləm, Néba̰rɔ lə njekorè dɔ dəwje naŋg lé A teḛ jia’g ləm tɔ, Ma nja m’a rɔ gə njéba̰je lə sí Ndá m’a kaji ne ŋgan síje kar sí.

Jeremi 48:14

See to gə́ ban ɓa seḭ asjekəm pajena: Jeḛ n’toje njésiŋgamoŋje ləm, Gə njérɔje gə́ d’isi pèrèrè Gə mba rɔ ləm tɔ lé wa.

Jeremi 49:15

Mbata aa ooje, m’a gə kar sí tel toje né gə́ əḭ el mbuna ginkoji dəwje gə raŋg’g ləm, M’a kar koso-dəwje d’ə̰ji sí bəḭ-bəḭ ləm tɔ.

Jeremi 50:29

Ɓarje njérɔ ɓandaŋgje Ar deeje d’aw rɔ gə Babilɔn, Seḭ lai gə́ toje njéra gama rɔ ɓandaŋgje lé. Aḭje dəa sub arje dəw kára kara Teḛ aḭ el ləm, Raje səa gə goo kula reaje ləma, Raje səa areeje aw na̰’d béréré Gə kea̰ gə́ yeḛ ra lé ləm tɔ. Mbata beelé ḭ səa dɔ Njesigənea̰’d Gə́ to Njerɔkunda lə Israɛlje lé.

Jeremi 51:53

Lée Babilɔn aw saar teḛ dará ləm, Lée kəi-kaar-kɔgərɔje ləa to tar sab ləm tɔ kara M’a kar njétujilooje ree rɔ səa. Njesigənea̰ ɓa pa bèe.

Amɔs 9:2

Ɓó lé d’aw njal teḛ ne loo gə́ lə njé gə́ d’wəi’g ndá Ji neḛ a kwa dee wɔgədɔ kɔr dee ya ləm, Ɓó lé d’ḭ d’aw mee dara’g kara N’a kar dee rəm d’uru naŋg ya ləm tɔ.

Habakuk 2:9

Meeko̰ a koso dɔ sí-seḭ’d Gə́ mbo̰je nékiŋgaje gə́ gə goo rəbee el Oreeje mee kəije’g lə sí Gə mba kar kəi-si sí to ne tar sab ləm, Gə mba kɔg ne némeeko̰ loo teḛ dɔ sí’g ləm tɔ!

Malasi 1:3

Ma m’ar dɔ mbalje ləa to dɔnduba piu-piu ləm, m’ya̰ nénduba ləa m’ar tàlje gə́ wala ləm tɔ.