Jeremi 49:13 - Maktub gə́ To gə Kəmee

¹³ Mbata ma man rɔm gə rim. Njesigənea̰ ɓa pa bèe. Bosra a to nékwa dɔ jiim ləm, gə nékila rɔkul-boo dɔ’g ləm, gə né gə́ tuji pugudu ləma, gə nékila ndɔl dɔ’g ləm tɔ, ndá ɓee-booje ləa lai d’a to dɔ nduba ya saar gə no̰.

Jeremi 49:13 Iomraidhean Croise

Gḭ-Néje 22:16

Njesigənea̰ pa togə́bè pana: Ma man rɔm gə rim-ma ya, gə mbata ra gə́ i ra né gə́ neelé ləm, gə ŋgoni gə́ to ŋgon gə́ kára ba kiao gə́ i ɔgm el lé ləm tɔ lé

Gḭ-Néje 36:33

Bela wəi ndá Jobab, ŋgolə Jera gə́ ḭ Bosra lé o̰ ɓee toree’g.

1 Sôrta Gḭka-Israɛlje 1:44

Bela wəi ndá Jobab, ŋgolə Jera dəw gə́ Bosra ɓa o̰ ɓee toree’g.

Esai 34:6

Kiambas lə Njesigənea̰ lé məs gə ubu wa keneŋ mbəgə-mbəgə, To məs ŋgan badje gə bàl bya̰je ləm, To ubu gə́ wa reŋ bàl badje ləm tɔ, Mbata nékinjaməs lə Njesigənea̰ To mee ɓee-boo gə́ Bosra ləm, Yoo-dəwje to naŋg rib-rib mee ɓee gə́ Edɔm ləm tɔ.

Esai 45:23

Ma nja ma man rɔm gə rim ləm, Kankəmta ɓa teḛ tam’g Ɓó m’a telee ɓəd el ŋga ləm tɔ, Nana kara a rəm gə no̰ kəjee naŋg nɔm’g ləm, Dəw gə́ rara kara a kubu rəa gə rim-ma ya ləm tɔ.

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Jeremi 18:16

Deḛ d’ar ɓee lə dee tel dɔ nduba, Ar dəwje d’ula sul dɔ’d gə́ kédé-kédé, Deḛ lai gə́ dəs lée’g neelé D’wa ta dee sud ləm, Biri dɔ dee widi-widi ləm tɔ.

Jeremi 19:8

M’a kar ɓee-boo neelé tel to dɔ nduba ləm, gə nékula sul dɔ’g ləm tɔ. Deḛ lai gə́ d’a dəs mbɔree’g lé kaar dee a kwa dee paḭ kar dee d’ur kól mbata boo-nétujije gə́ teḛ dəa’g lé.

Jeremi 44:26

ndá maji kar sí ooje ta lə Njesigənea̰, seḭ dəwje lai gə́ Juda gə́ síje mee ɓee gə́ Ejiptə lé. Aa ooje, Njesigənea̰ pana: Ma man rɔm gə rim gə́ ur dɔ loo lé, ta dəw gə́ Juda kára kara a teḛ ɓar rim el ŋga ləm, mee ɓee gə́ Ejiptə lai lé dəw kára kara a pa keneŋ pana: Mbai gə́ Njesigənea̰ to njesikəmba lé a pa bèe el ŋga ləm tɔ.

Jeremi 48:24

Gə dɔ Kerijot ləm, gə dɔ Bosra ləma, gə dɔ ɓee-booje lai gə́ mee ɓee gə́ Moab gə́ to əw əsé gə́ to dəb ləm tɔ.

Jeremi 49:22

Aa ooje, yeḛ ḭ nar bag to gə́ niŋgatə̰də bèe aw gə́ nee, yeḛ naji bagee dɔ Bosra’g ndá mee ndəa’g neelé meḛ bao-rɔje gə́ Edɔm gaŋg mán asəna gə dené gə́ si gə ndóo bèe.

Jeremi 51:14

Njesigənea̰ gə́ njeboo-néje Maa̰ rəa gə rəa-yeḛ nja pana: Tɔgərɔ, m’a kar dəwje Taa rɔ sí pəl-pəl to gə́ beedéje bèe Ndá deḛ d’a kur kó-rɔ wəl-wəl dɔ sí’g.

Amɔs 1:12

N’a kula gə pər dɔ Temanje’g Karee roo kəi-mbaije gə́ Bosra dula-dula ya.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Abdias 1:18

Ginkoji Jakobje d’a to asəna gə pər bèe ləm, Gel-bɔje lə Jisəb d’a to asəna gə ndo̰ pər bèe ləm tɔ, Nɛ ginkoji Esawuje d’a to asəna gə ləm-mu Gə́ d’a kila pər keneŋ karee o̰ hao̰ bèe, Ndá ginkoji Esawuje d’a nai kára kara el Mbata Njesigənea̰ ɓa pa bèe.