Jeremi 49:12 - Maktub gə́ To gə Kəmee

¹² Mbata Njesigənea̰ pa togə́bè pana: Aa ooje, deḛ gə́ kəm kar dee d’ai né mee bai-oŋg’d nee el lé d’a kai ya. Ŋga seḭ lé see bo̰ néra sí a lal kɔs ta sí’g wa! Seḭ a naije lal kar bo̰ néra sí ɔs ta sí’g el, né gə́ mee bai-oŋg’d neelé seḭ a kaije ya.

Jeremi 49:12 Iomraidhean Croise

Gosota-Kəmkàrje 17:5

Yeḛ gə́ ula sul dɔ njendoo’g lé Ila rɔkul gə́ boo dɔ njekṵdá’g, Yeḛ gə́ al rəa dɔ njenékəmndoo’g lé Bo̰ nérea a lal kɔs təa’g pai godo.

Jeremi 25:15

Mbata Njesigənea̰ Ala lə Israɛlje ulam ta togə́bè pana: Maji kam m’taa bai mán-nduú oŋg lə neḛ gə́ rusu lé ji neḛ’g ndá m’ar ginkoji dəwje gə raŋg lai gə́ n’a gə kulam rɔ dee’g lé d’ai.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 46:27

Nɛ i kura ləm Jakob, maji kari ɓəl el, I Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’g ləm tɔ, Jakob a tel ree, yeḛ a kal rəa dan kwa rɔ’g ləm, Gə dan sí lɔm’g ləm tɔ, Dəw kára kara gə́ njejɔgee a godo.

Abdias 1:16

Mbata kai gə́ seḭ aije né dɔ mbal’g ləm Gə́ to gə kəmee lé Ginkoji dəwje lai kara d’a kai né togə́bè saar-saar ya tɔ, D’a kai ləm, d’a turu meḛ dee’g ləm tɔ ndá D’a godo asəna gə deḛ gə́ d’isi kəmba kédé el,

Matiyo 20:22

Jeju tel ila dee keneŋ pana: Né gə́ seḭ dəjimje lé seḭ gərje kilá el nja ɓəi. See seḭ asje kəm kaije né gə́ mee ŋgo-kai-mán gə́ m’a gə kai lé wa. Deḛ ndigi ta Jeju’g pana: Jeḛ j’askəm kai ya.