Jeremi 49:10 - Maktub gə́ To gə Kəmee

¹⁰ Mbata m’a kɔr néje lai rɔ ŋgaka Esawu’g, M’a kar loo-kiya-rɔje lə dee to raga ndəgəsə, Ndá d’a kaskəm kiya rɔ dee el, Ŋgan deeje gə ŋgaka deeje Gə njéboataɓeeje lə dee d’a tuji Ndá deḛ kara d’a godo tɔ.

Jeremi 49:10 Iomraidhean Croise

Pakɔsje 37:28

Mbata Njesigənea̰ ndigi néra gə́ gə meekarabasur ləm, Yeḛ uba majikojije ləa ya̰ dee el ləm tɔ, Yeḛ tɔs kəmee bao-bao dɔ dee’g. Nɛ ŋgaka njémeeyèrje lé D’a kudu bo̰ dɔ naŋg nee.

Esai 17:14

Loo gə́ kàrkemetag ndá aa ooje, ɓəl-boo wa dee, Kédé ɓa gə mba kar loo àr ɓəi lé Deḛ godo ŋga! Yee ɓa to gə́ nékoga-dɔ-ji dee-deḛ Gə́ to njétuji néje lə sí ləm, Gə né ka̰ dee-deḛ Gə́ to njéɓogo síje lé ləm tɔ.

Esai 45:3

M’a kari nébaoje gə́ to loo-kiya’g ləm, Gə némajije gə́ d’iya dee loo-ŋgəḭ’g ləm tɔ Gə mba kari gər gao to gə́ ma Njesigənea̰ Gə́ m’ɓari gə rii lé Ma m’to Ala lə Israɛlje.

Jeremi 13:26

N’a kun gel kubu ləi gə́ tar Saar teḛ ne kəmi’g Mba kar dee d’oo ne loo-rɔkul ləi.

Jeremi 23:24

Njesigənea̰ pana: See dəw a kiya rəa njo̰loo’g Lal kar neḛ n’ée wa. See neḛ ya ɓa n’un loo mee dara’g Gə dɔ naŋg nee lad el wa. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 4:22

Néra kori-kori ləi lé d’ɔr dɔi’g mba̰, I ɓee gə́ Sio̰ lé, Dəw a kwai ɓər el ŋga, Nɛ i ɓee gə́ Edɔm lé Yeḛ a kar bo̰ néra kori-kori ləi ɔs tai’g ləm, Yeḛ a kila kaiyaje ləi gə́ raga ləm tɔ.

Amɔs 9:3

Ɓó lé d’iya rɔ dee dɔ sém mbal gə́ Karmel ndá N’a saŋg dee keneŋ kwa dee ya ləm, Lé d’aḭ d’iya rɔ dee kəm neḛ’g gin baa-boo-kad’g kara Lée neelé ɓa n’a kun ndu neḛ kar li to̰ dee keneŋ ya ləm tɔ.

Abdias 1:6

Ai-i, seḭ ŋgaka Esawuje lé deḛ jagla mee kəije lə sí jagla-jagla ləm, Nébaoje lə sí gə́ to loo-kiya’g kara Deḛ teḛ dɔ’g ya ləm tɔ.

Abdias 1:9

Ǝi Teman, njérɔje ləi lé ɓəl a kunda dee badə gaŋg dee Mbata deḛ lai gə́ dɔ mbal’g lə Edɔm lé D’a kwəi yoo-məs ya mburug-mburug.

Njé gə́ Rɔmə 9:13

Ta gə́ ndaŋg mee maktub gə́ to gə kəmee kara pa togə́bè to pana: Neḛ n’unda Jakob dan kəm neḛ’g, Nɛ n’ə̰ji Esawu bəḭ-bəḭ.