Jeremi 49:1 - Maktub gə́ To gə Kəmee

¹ Ta gə́ wɔji dɔ Amo̰je. Njesigənea̰ pa togə́bè pana: See Israɛl lé see ŋgonee gə́ diŋgam godo wa. See njekwa nénduba ləa godo wa. See gelee ban ɓa magə-Malkɔm Taa ɓee gə́ Gad gə́ kea̰ ləm, Ar koso-dəwje ləa d’isi Mee ɓee-booje gə́ keneŋ ləm tɔ wa.

Jeremi 49:1 Iomraidhean Croise

Gḭ-Néje 19:38

Yeḛ gə́ ndɔḭ kara oji ŋgon gə́ diŋgam ya tɔ ndá yeḛ unda ria lə Ben-Ami, yeḛ lé to njekunda gin Amo̰je saar teḛ ɓogənè lé tɔ.

2 Mbaije 10:33

Un kudee baa gə́ Jurdɛ̰ par gə́ bər lé yeḛ rɔ ɓeeje lai gə́ Galaad gə́ to ka̰ Gadje, gə Rubḛje, gə Manasəje ləm, un kudee Aroer gə́ to mbɔr kəm-rəw-mán gə́ Arno̰ saar teḛ ne Galaad gə Basan ləm tɔ.

2 Mbaije 24:2

Yen ŋga Njesigənea̰ ula kudu njérɔje gə́ Kalde, gə kudu njérɔje gə́ Siri, gə kudu njérɔje gə́ Moab, gə kudu njérɔje gə́ Amo̰ mba kar dee rɔ gə Jojakim lé, yeḛ ula dee ar dee rɔ gə Judaje mba tuji dee gə goo ta gə́ Njesigənea̰ pa gə ndu kuraje ləa gə́ to njéteggintaje lé.

2 Sôrta Gḭka Israɛlje 20:1

Goo néje’g neelé Moabje gə Amo̰je gə Maonje sə dee na̰’d d’ɔr rɔ d’aw rɔ gə Josapat.

2 Sôrta Gḭka Israɛlje 20:23

Amo̰je gə́ Moabje d’ḭ d’ur dɔ njé gə́ dɔ mbal gə́ Seir tuji dee pugudu-pugudu. Tɔɓəi loo gə́ deḛ d’unda ŋgaŋ tɔl njé gə́ Seir lé mba̰ ndá deḛ ya tel tɔl na̰ gə́ yo gə́ nee tɔ.

Nehemi 2:19

Sanbalat, dəw gə́ Hɔro̰ ləm, gə Tobija, njeboakula ləa gə́ to dəw gə́ Amo̰ ləma, gə Gesem gə́ to Arabə ləm tɔ lé d’oo taree ndá deḛ kogo sí ləm, d’ə̰ji sí bəḭ-bəḭ ləm tɔ pana: See ɗi ɓa aw raje bèe wa. See seḭ ḭje mba kɔsje mbai lé rəw wa.

Nehemi 4:7

Gelee gə́ nee ɓa m’unda njérɔje gə goo gel-bɔje lə dee lə dee mee looje gə́ oso naŋg gir ndògo-bɔrɔ’g ləm, gə dɔ naŋg gə́ tudu kurum-kurum’g ləm tɔ ndá deḛ lai d’wa kiambasje əsé niŋga-ndəije əsé ɓandaŋgje lə dee ji dee’g ji dee’g.

Pakɔsje 83:7

Deḛ gə́ d’isi mee kəi-kubuje’g lə Edɔmje, gə Ismaelje ləm, Gə Moabje, gə Hagareje ləm,

Pakɔsje 9:6

I ar bo̰ néra ginkoji dəwje gə raŋg ɔs ta dee’g ləm, I tuji njémeeyèrje pugudu ləma, I tuji ri dee pugudu-pugudu saar gə no̰ ləm tɔ.

Jeremi 12:14

Njesigənea̰ pata togə́bè wɔji ne dɔ njéboataɓeeje ləm gə́ to njémeeyèrje pana: Deḛ tuji nédɔji gə́ n’ar dəwje lə neḛ gə́ Israɛl. Aa ooje, n’a kɔr dee mee ɓee’g lə dee ləm, n’a kɔr gel-bɔje lə Juda kara mbuna dee’g ləm tɔ.

Jeremi 25:21

M’ar Edɔmje gə Moabje gə Amo̰je d’ai.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 27:3

Ula ne ar mbai gə́ Edɔm ləm, gə mbai gə́ Moab ləm, gə mbai lə Amo̰je ləm, gə mbai gə́ Tir ləma, gə mbai gə́ Sido̰ ləm tɔ, gə ndu njékaḭkulaje gə́ ree Jerusalem rɔ Sedesias, mbai gə́ Juda lé.

Jeremi 48:1

Ta gə́ wɔji dɔ Moabje. Njesigənea̰ gə́ njeboo-néje gə́ to Ala lə Israɛlje pa togə́bè pana: Meeko̰ oso dɔ njé gə́ Nebo Mbata ɓee-boo lə dee tuji! Njé gə́ Kirjatayim d’isi gə rɔkul Mbata deḛ taa ɓee-boo lə dee ləm, Njé gə́ Misgab kara d’isi gə rɔkul Mbata deḛ tuji ɓee-boo lə dee Pugudu-pugudu ləm tɔ.

Jeremi 49:23

Ta gə́ wɔji dɔ njé gə́ Damas. Deḛ gə́ d’isi ɓee-booje Gə́ Amat gə Arpad lé D’isi gə rɔkul, Mbata deḛ d’oo sorta gə́ majel ndá Deḛ d’unda bala, To asəna gə baa-boo-kad Gə́ turu tuma̰-tuma̰ Gə́ askəm tel to ndiŋ el bèe.

Jeremi 49:28

Ta gə́ wɔji dɔ njé gə́ Kedar ləm, gə ɓeeko̰je gə́ Asɔr gə́ Nebukadnesar, mbai gə́ Babilɔn dum dɔ dee ləm tɔ. Njesigənea̰ pa togə́bè pana: Ḭje tar aw rɔje gə njé gə́ Kedar Ndá tujije ŋgalə njé gə́ Bər.

Jeremi 49:7

Ta gə́ wɔji dɔ Edɔmje. Njesigənea̰ gə́ njeboo-néje ɓa pa togə́bè pana: See kəmkàr godo Teman’g wa. See kunda kəmkàr dɔ rɔ’g Godo rɔ njégosonégərje’g ŋga wa. See kəmkàr lə dee sané pá ŋga wa.

Ejekel 21:25

A ndaji rəw kára gə mba kar kiambas teḛ ne Rabat, ɓee-boo’g lə Amo̰je ləm, yee gə́ raŋg karee teḛ Juda mee ɓee-boo gə́ Jerusalem gə́ d’ila ndògo-bɔrɔ gugu ne dəa sub lé ləm tɔ.

Ejekel 25:1

Njesigənea̰ ulam ta gə rɔtaje nee pana:

Soponi 1:5

N’a tuji deḛ gə́ d’unda barmba dɔ kəije’d gə́ tar no̰ boo-néje gə́ dara’g ləm, Gə deḛ gə́ d’unda barmba d’ubu ne rɔ dee gə ri Njesigənea̰ Esé gə ri mbai lə dee ləm tɔ lé

Bula lə Israɛlje 1:24

Deḛ ndaŋg ri ŋgalə Gad, gə goo gel-bɔje lə dee ləm, gə goo njémeekəije lə bɔ deeje-je ləm tɔ, tura ne diŋgamje kára-kára lai, un kudee dɔ deḛ gə́ ra ləb rɔ-joo’g gə́ tar, gə́ d’askəm kaw loo rɔ’g lé to:

Tel tura Godndu 2:19

seḭ a kawje pər gə́ rɔ Amo̰je’g. Nɛ maji kar sí saŋgje sə dee ta el ləm, a rɔje sə dee el ləm tɔ, mbata m’a kar sí né gə́ to ka̰ sí mee ɓee’g lə ŋgalə Amo̰ el nɛ ŋgalə Lɔt ɓa ma m’ar dee kédé mba̰ ya.

Tel tura Godndu 23:3

Yeḛ gə́ to gə́ bɔkoré lé a kandə loo-mbo̰-dɔ-na̰’g lə koso-dəwje lə Njesigənea̰ el, lé ŋgakeaje d’ɔs goo na̰ saar ŋgakadɔgeeje gə́ dɔg kara d’a kandə loo-mbo̰-dɔ-na̰’g lə Njesigənea̰ el ya saar.

Tel tura Godndu 23:4

Deḛ gə́ to Amo̰je gə Moabje lé d’a kandə loo mbo̰ dɔ na̰’g lə dəwje lə Njesigənea̰ el, lé to ŋgakadɔg deeje gə́ njékɔm’g dɔg ya kara d’a kandə keneŋ el ya saar gə no̰