Jeremi 48:9 - Maktub gə́ To gə Kəmee

⁹ Arje Moabje d’iŋga bag dee Mba kar dee d’aw ne əw! Ɓee-booje ləa d’a tel to dɔ nduba ləm, Dəw kára kara a si keneŋ el ləm tɔ.

Jeremi 48:9 Iomraidhean Croise

Pakɔsje 11:1

Pa lə Dabid gə́ ar bao-pa mba karee ɔs sə dee lé. Ma lé njo̰loo-kula-dɔm to rɔ Njesigənea̰’g ya, Ŋga see gelee ban ɓa seḭ ulamje pajena: Maji kam m’aḭ gə́ dɔ mbalje’g lé to gə́ yel bèe wa.

Pakɔsje 55:6

M’ɓəl məəm’g m’ndəb ne pəd-pəd ləm, M’dḭgà sə-sə ləm tɔ.

Esai 16:2

To gə́ yelje d’aḭ sanéna̰ pə ləm, Ŋgan yelje ɓəl mee kəi dee’g ləm tɔ lé Denéje gə́ Moab kara D’a to togə́bè loo-gaŋg-baa gə́ Arno̰ tɔ.

Jeremi 44:22

Njesigənea̰ askəm kila mée gə́ kédé-kédé el mbata néra meeyèrje lə sí ləm, gə mbata néraje gə́ mina̰ gə́ seḭ raje lé ləm tɔ. Yee ɓa ɓee lə sí tuji ne pugudu ləm, tel to ne dɔ nduba ləma, tel to ne nékila ndɔl dɔ’g ləm tɔ, to gə́ dəwje lai d’oo ne ɓogənè lé.

Jeremi 46:19

Waje dɔgɔl rɔ sí Mba kaw ɓee-ɓər’g, Seḭ gə́ síje Ejiptə Gə́ toje asjena gə ŋgama̰dje bèe lé. Mbata Nop a tel dɔdilaloo ləm, A tuji pugudu-pugudu ləma, Dəw kára kara a kisi keneŋ el ŋga ləm tɔ.

Jeremi 48:28

Ubaje ɓee-booje ya̰je Aw síje mbuna mbalje’g, Seḭ gə́ síje Moab lé! Maji kar sí toje asəna gə dərje Gə́ d’ula kəi lə dee kaar bolè mbalje’g.

Soponi 2:9

Gelee gə́ nee ɓa Njesigənea̰ gə́ njeboo-néje, Ala lə Israɛlje lé pa ne bèe pana: Neḛ n’to njesikəmba ya! Moab a tel to kasəna gə Sɔdɔm ləm, Amo̰je kara d’a tel to kasəna gə Gɔmɔr ləm tɔ. D’a to loo gə́ kun-pɔrɔrɔje d’a taa loo keneŋ pəl-pəl ləm, D’a to kasəna gə puna kad ləma, D’a to dɔdilaloo ya saar gə no̰ ləm tɔ. Ges koso-dəwje lə neḛ D’a taa néje lə dee ləm, Ges ginkoji dəwje lə neḛ kara D’a kiŋga ɓee lə dee gə́ né ka̰ dee-deḛ ya ləm tɔ.

Loo gə́ killa rea kəm Ja̰’g 12:14

Deḛ d’ar dené lé bag magəra gə́ joo gə mba karee ḭ aw ne dɔdilaloo’g par gə́ loo’g ləa ndá deḛ ŋgəm keneŋ as mbuna-loo kára, gə mbuna-looje gə́ raŋg, gə ges mbuna-loo kára tɔ. Dené lé a si ŋgərəŋ ɓó gə mba kar kəm li lé oso dəa’g el.