Jeremi 48:7 - Maktub gə́ To gə Kəmee

⁷ Mbata i ɔm məəi dɔ kula raije’g ləm, Gə dɔ nébaoje’g ləi ləm tɔ lé Ndá i kara d’a dum dɔi tɔ. Ala ləi gə́ ria lə Kemos lé A kaw ɓee-ɓər’g Gə njékinjanéməsje gə mbaije ləa na̰’d.

Jeremi 48:7 Iomraidhean Croise

2 Samel 5:21

Lée neelé deḛ d’ya̰ magə-poleje lə dee naŋg ndá Dabid gə njé’g ləa d’odo d’aw ne.

1 Mbaije 11:33

A to togə́bè mbata deḛ d’ubam d’ya̰m d’aw d’unda barmba no̰ Astarte gə́ to magə lə Sido̰je ləm, gə no̰ Kemos gə́ to magə lə Moabje ləm, gə no̰ Milkɔm gə́ to magə lə Amo̰je ləm tɔ mbata deḛ njaa gə goo torndumje el ləm, deḛ ra néje gə́ gə dɔ najee kəm’g gə mba kaa ne dɔ godnduje gə ndukunje ləm tɔ gə́ Dabid bɔ Salomo̰je bèe lé el ləm tɔ.

1 Mbaije 11:7

Yen ŋga Salomo̰ ra loo gə́ ndəw dɔ mbal gə́ to no̰ Jerusalem’g mbata lə magə-Kemos gə́ ar Moabje mina̰ lé ləm, yeḛ ra togə́bè mbata lə magə-Molok gə́ ar Amo̰je mina̰ lé ləm tɔ.

Pakɔsje 40:4

Yeḛ ula pa gə́ sigi tam’g Am m’pidi ne Ala lə sí ya, Dəwje bula d’a koo ndá d’a ɓəl ləm, D’a kɔm meḛ dee dɔ Njesigənea̰’g ləm tɔ.

Pakɔsje 52:7

Gelee gə́ nee ɓa Ala a kari udu bo̰, Yeḛ a kwai kɔri mee kəi-kubu’g ləi ya, Yeḛ a kɔri gə ŋgirai naŋg ɓugudu Mbuna dəwje gə́ d’aw kəmba’g lé ya tɔ.

Jeremi 13:25

Njesigənea̰ pana: Aa ooje, yee ɓa gə́ nédɔji ləi Gə né gə́ wɔji dɔi Mbata i ar məəi wəi dɔ neḛ’g ləm, Taŋgɔm ɓa i ɔm məəi dɔ’g ləm tɔ.

Jeremi 43:12

M’a tula pər kəi-magəje gə́ Ejiptə. Nebukadnesar a roo dee ləm, a kaw gə magəje ɓee-ɓər’g ləma, yeḛ a ɓiri rəa gə ɓee gə́ Ejiptə to gə́ njekulbadje ɓiri rəa gə kubu ləa bèe ləm tɔ, ndá yeḛ a teḛ lée’g neelé kaw gə meekulɔm.

Jeremi 48:13

Rɔ Moabje a kul dɔ magə’d lə dee gə́ ria lə Kemos, to gə́ rɔ gel-bɔje lə Israɛl kul ne dɔ Betel gə́ to nékunda-mee-yel dɔ’g lə dee bèe.

Jeremi 48:46

Meeko̰ oso dɔi-i Moab’g! Koso-dəwje lə magə-Kemos tuji! Mbata d’aw gə ŋganije gə́ diŋgam Gə njé gə́ dené ɓee-ɓər’g.

Jeremi 49:3

Seḭ njéɓeeje gə́ Esbon, Maji kar sí tuma̰je ŋgururu-ŋgururu, Mbata Ai tuji pugudu! Ŋganje gə́ dené gə́ Raba, Maji kar sí raje né wəl-wəl ləm, Tɔje kubu-kwa-ndòo ɓər sí’g ləma, No̰je gə mán-no̰ kəm sí’g Ilaje ne rima-rima kaar ndògo-bɔrɔje’g ləm tɔ Mbata d’aw gə magə-Malkɔm gə́ ɓee-ɓər’g Gə njékinjanéməsje ləa gə mbaije ləa na̰’d.

Jeremi 49:4

See gelee ban ɓa Seḭ ɔsje gaji rɔ sí dɔ kəm wəl-looje’g lə sí wa. Kəm wəl-loo lə sí aw tuji, Seḭ gə́ toje asəna gə ŋgama̰dje gə́ njédumje Gə́ ɔmje meḛ sí dɔ nébaoje’g lə sí pajena: See na̰ ɓa a ree rɔ sə sí wa.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Ojee 10:13

Seḭ ndɔje kandə néra gə́ majel ləm, Seḭ injaje néra gə́ kori-korije ləma, Seḭ sɔje kandə néŋgɔmje ləm tɔ. Mbata seḭ ɔmje meḛ sí dɔ rəw-kaw síje’g ləm, Gə dɔ bao-rɔje’g lə sí gə́ bula digi-digi ləm tɔ.

Bula lə Israɛlje 21:29

Meeko̰ a koso dɔi’g, i ɓee gə́ Moab! Seḭ dəwje gə́ Kemos, seḭ saḭje mba̰! Yeḛ ar ŋganeeje gə́ diŋgam tel to njékaḭ no̰ njéba̰je’g lə dee ləm, Ya̰ ŋganeeje gə́ dené ar dee tel to ɓərje Le Siho̰, mbai lə Amɔrje ləm tɔ.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

Loo gə́ killa rea kəm Ja̰’g 18:7

Kɔs gə́ yeḛ ɔs gaji rəa ɓa uru ne dan némajije gə́ d’al dɔ loo sula ɓəi lé areeje uga gə néurti gə kəmndooyoo togə́bè tɔ. Mbata yeḛ ə̰ji ta mée’g pana: N’isi n’to mbai gə́ dené ləm, neḛ n’to gə́ dené nduba el ləm, kəmndooyoo a teḛ dɔ neḛ’g el ŋga ləm tɔ.

Njéga̰g-Rəwtaje 11:24

Né gə́ magə ləi gə́ to Kemos ari mba karee to kaḭ lé see i iŋga el wa. Ŋga néje lai gə́ Ala lə sí gə́ Njesigənea̰ unda no̰ sí’d gə́ ka̰ síjeḛ lé see j’a taaje el wa.