Jeremi 48:44 - Maktub gə́ To gə Kəmee

⁴⁴ Yeḛ gə́ a kaḭ no̰ ɓəl-boo’g lé A koso mee bwa-da’g ləm, Yeḛ gə́ ḭ mee bwa’g teḛ lé A koso wul ba̰də’g ləm tɔ, Mbata m’a gə kar ləb bo̰ néra Moabje teḛ ɔs ta dee’g. Njesigənea̰ ɓa pa bèe.

Jeremi 48:44 Iomraidhean Croise

1 Mbaije 19:17

Bèe ɓa gə mba kar deḛ gə́ d’a teḛ ta kiambas’g lə Ajael lé Jehu a tɔl dee ya, tɔɓəi deḛ gə́ teḛ ta kiambas’g lə Jehu ndá Elije ɓa a tɔl dee tɔ.

1 Mbaije 20:30

Ges deeje d’aḭ d’aw mee ɓee-boo gə́ Apek ndá ndògo-bɔrɔ təd unda dee-deḛ dəwje gə́ tɔl-dɔg-loo rɔ-jo-gir-dee-siri (27.000) gə́ naḭ lé tɔl dee. Ben-Adad aḭ iya rəa mee ɓee-boo’g ndá yeḛ lɔm rəa gə mee kəi-kəi.

Esai 10:3

See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Esai 24:17

Ɓəl-boo ləm, gə bwa ləma, gə gum ləm tɔ To no̰ sí-seḭ gə́ síje mee ɓee’g neelé.

Esai 24:18

Yeḛ gə́ aḭ no̰ kaa ɓəl-boo’g neelé ndá Oso mee bwa’g. Yeḛ gə́ unda loo mee bwa’g teḛ ndá Oso gum’g tɔ, Mbata kəm dara ɔr wuyum gə mán ləm, Gel naŋg nee yə ɓugu-ɓugu ləm tɔ.

Jeremi 10:15

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 11:23

Dəw kára kara mbuna dee’g a nai el, mbata m’a kar némeeko̰ oso dɔ dəwje gə́ Anatot mee ləb gə́ m’a gə kar bo̰ néra dee ɔs ta dee’g lé.

Jeremi 16:16

Njesigənea̰ pana: Aa ooje, m’ula gə njḛ́do̰-ka̰jije bula ndá d’a kwa dee. Gée’g gogo m’a kula gə njḛ́do̰-daje bula ndá d’a korə dee dɔ mbalje’g lai ləm, gə dɔdərlooje’g lai ləma, gə mbuna mbalje gə́ ta̰ ləm tɔ.

Jeremi 23:12

Gelee gə́ nee ɓa Rəw-kaw dee a kaḭgəm ləm, A ndul ndiŋ-ndiŋ ləm tɔ. D’a tɔs dee tila dee, Mbata n’a kar némeeko̰ teḛ dɔ dee’g Mee ləb gə́ n’a kar bo̰ néra dee Ɔs ta dee’g keneŋ lé. Njesigənea̰ ɓa pa bèe.

Jeremi 46:21

Njérɔje taa ne larje ləa D’isi ne mbuna dee’g Asəna gə ŋgan maŋgje Gə́ d’ər ndɔl-ndɔl, Deḛ nja kara tel gir dee D’ila d’aḭ ɓó d’ar kɔgərɔ el, Mbata ndɔ némeeko̰ lə dee Teḛ dɔ dee’g, To kàr kar bo̰ néra dee ɔs ta dee’g.

Jeremi 49:8

Seḭ gə́ síje Dedan, Maji kar sí telje gir sí aḭje saaje rɔ sí Awje mee bolè mbalje’g! Mbata m’ar némeeko̰ Ree gə́ dɔ ŋgaka Esawu’g, To kàr kar bo̰ néra dee ɔs ta dee’g ŋga.

Jeremi 50:24

Seḭ njé gə́ Babilɔn lé M’iya gum no̰ sí’g m’ar sí osoje keneŋ Nɛ seḭ gərje el, M’teḛ dɔ sí’g wai m’uba sí m’wa sí Mbata seḭ ɔsje ta lə Njesigənea̰ rəw.

Jeremi 50:27

Maji kar sí tɔlje bɔ maŋgje lə deḛ lai, Awje sə dee loo-tḭja-gwɔs dee’g. Meeko̰ oso dɔ dee’g Mbata ndɔ lə dee teḛ mba̰, To kàr kar bo̰ néra dee ɔs ta dee’g.

Jeremi 51:18

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 8:12

D’a si gə rɔkul mbata deḛ ra néje gə́ mina̰, Rɔkul ra dee el ləm, sɔḭ wa kəm dee el ləm tɔ. Gelee gə́ nee ɓa d’a koso na̰’d Gə deḛ gə́ d’oso lé ləm, N’a tɔs dee tila dee Loo gə́ n’a kar bo̰ néra dee ɔs ta dee’g ləm tɔ. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 3:47

Ɓəl ləm, gə bwa-yoo ləm, Gə néurti ləma, gə tuji ləm tɔ Ɓa to néje gə́ wɔji dɔ sí.

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Amɔs 5:19

Seḭ a toje asəna gə dəw gə́ aḭ no̰ toboḭ’g bèe Ndá da-urs ɓa iŋgá, Esé yeḛ andə mee kəi’g ləa Ndá ila jia kaar bɔrɔ’g ar li tea̰ lé tɔ.

Misee 7:4

Dəw gə́ maji ur dɔ dee’g mbuna dee’g lé To asəna gə kun pɔrɔrɔ bèe ləm, Dəw gə́ danasur ur dɔ dee’g lé Majel ur dɔ kun’g ləm tɔ. Ndɔ gə́ bo̰ néra sí a kɔs ta sí’g Gə́ njéteggintaje lə sí d’ila mberee lé nai dəb ba ŋga. Yee gə́ bèe ɓa seḭ lai meḛ sí to ne kəgəgə mba̰.