Jeremi 48:38 - Maktub gə́ To gə Kəmee

³⁸ Dɔ kəije gə́ Moab lai gə mee ndaa-looje’g ləa lé ndu no̰ sii mbigi-mbigi ya kára ba ɓar keneŋ mbata ma m’tɔ Moab pɔs-pɔs to gə́ dəw tɔ ne jo gə́ yeḛ ndigi el bèe. Njesigənea̰ ɓa pa bèe.

Jeremi 48:38 Iomraidhean Croise

Pakɔsje 2:9

M’a təd dee rém-rém gə kag-lar ləm, M’a tɔ dee pɔs-pɔs to gə́ tɔ ne jo lə njékubajoje bèe ləm tɔ.

Esai 15:3

Kila-rəwje ləa lai lé d’ula kubu-kwa-ndòo rɔ dee’g ɓa d’aw ne keneŋ, Nana kara no̰ tuma̰ ŋgururu-ŋgururu Gə mán-no̰ kəmee’g Dɔ kəije’g ləm, gə ndaa-looje’g ləm tɔ.

Esai 22:1

Ndərta gə́ wɔji dɔ wəl-loo koo némḭdije. See ɗi rai ɓa dəwje ləi lai d’al ne dɔ kəije gə́ tar lé wa.

Esai 30:14

Ndògo-bɔrɔ neelé d’a tɔ pɔs-pɔs To gə́ tɔ ne jo lə njekubajo Gə́ deḛ tɔ d’ar gailá nai el ləm, Esé a kiŋga əb keneŋ Gə mba kun ne pər mee pil’g el ləma, Esé d’a kɔr ne mán ɓul-mán’g bèe el ləm tɔ.

Jeremi 19:10

Gée gə́ gogo ndá m’a tɔ jo lé kəm dəwje’g lai gə́ d’aw səm na̰’d lé.

Jeremi 19:11

Ndá m’a kula dee ne pana: Njesigənea̰ gə́ njeboo-néje pa togə́bè pana: To gə́ dəw tɔ ne jo lə njekubajo aree askəm gɔlee gogo el lé neḛ kara n’a gə tuji koso-dəwje nee gə ɓee-boo neelé togə́bè ya tɔ. Togə́bè ɓa d’a dubu ne nin dəwje Topet mbata loo-dubu-dəwje lé godo loo gə́ raŋg’d.

Jeremi 22:28

See Jekonia to jo gə́ tɔ gə́ d’ə̰jee bəḭ-bəḭ wa. See yeḛ to né gə́ dəw kára kara oo gə́ né el ɓəi wa. See gelee ban ɓa d’unee-yeḛ gə ŋgakeaje d’aw d’ɔm dee dɔ ɓee’d gə́ deḛ gər el lé wa.

Jeremi 25:34

Seḭ njékul dəwje, Ɔrje ndu sí gə́ tar no̰je ne! Seḭ njékɔrno̰ koso-dəwje, Rogoje dan buu’g! Mbata ndɔje gə́ ka̰ kar dee Gaŋ gwɔb sí teḛ mba̰. N’a tɔ sí pɔs-pɔs asəna gə jo-gɔr bèe.

Ojee 8:8

Israɛlje d’udu guduru! Ɓasinè deḛ d’isi mbuna ginkoji dəwje gə raŋg’g Asəna gə jo-har bèe.

Matiyo 10:27

Ta gə́ m’ula sí dan loo’g ndá paje dan kàrá, ta gə́ m’pa wédé-wédé mbi sí’g ndá ubaje ne dɔ kəije ilaje ne mber.

Loo gə́ killa rea kəm Ja̰’g 2:27

Yeḛ a kon dee gə kag-lar to gə́ dəw tɔ ne jo a̰jije pɔs-pɔs bèe to gə́ ma kara Bɔm un ndia am gə mba ra togə́bè ya tɔ.