Jeremi 48:36 - Maktub gə́ To gə Kəmee

³⁶ Ɓə̰gərəm ɓar dulug-dulug dɔ Moabje’g to gə́ dalè bèe ləm, ɓəŋgərəm ɓar dulug-dulug dɔ dəwje gə́ Kir-Herɛs to gə́ dalè bèe ləm tɔ. Mbata némajije lai gə́ deḛ mbo̰ lé sané pá.

Jeremi 48:36 Iomraidhean Croise

2 Mbaije 3:25

Deḛ tɔ ɓee-booje pɔs-pɔs, nana kara tila kɔri-mbal ləa mee ndɔje gə́ maji’g d’ar dee taa loo keneŋ pəl-pəl ləm, deḛ d’udu kəm-rəw-manje lai jigi-jigi ləma, deḛ tuga kag sɔje lai ləm tɔ. Njérɔ gə yɔroŋ-dooje gugu dɔ ɓee gə́ Kir-Hareset sub tujee pugudu-pugudu d’ar kɔr mbalje ɓa nai.

Gosota-Kəmkàrje 11:4

Ndɔ meekḭ jugugu lé Nébao a tel to né gə́ kari ba, Nɛ néra gə́ gə dɔ najee ɓa Ɔr dəw ta yoo’g.

Gosota-Kəmkàrje 13:22

Dəw gə́ njemeemaji lé Nénduba ləa to mbata ŋgan meḛ ŋganeeje, Nɛ nébaoje lə njekaiya lé D’unda kul mbata lə njemeekarabasur.

Gosota-Kəmkàrje 18:11

Nébao lə bao lé To asəna gə ɓee-boo ləa gə́ siŋgá tɔ, Gə goo takə̰ji ləa lé Yeḛ ée asəna gə ndògo-bɔrɔ gə́ ḭ gə́ tar yaa̰ bèe.

Esai 15:5

M’tuma̰ məəm’g ŋgururu-ŋgururu mbata lə Moabje, Mbata njéteḛ-ta rɔ’g pəd-pədje d’ḭ keneŋ D’aw njal teḛ Soar ləm, Saar teḛ Eglat-Selisija ləm tɔ, Mbata deḛ no̰ ta-ta d’un rəw Gə́ ḭ dən gə́ Luhit ləm, D’ɔr ndu dee no̰ wəl gə nékəmndoo Rəw gə́ aw Koronayim ləm tɔ.

Esai 15:7

Gelee gə́ nee ɓa deḛ mbo̰ ne ges néje lə dee gə́ nai ləm, D’odo ne némajije lə dee d’aw ne kel tura-baa gə́ nu Loo gə́ kag-tuŋguje d’uba ta’g ləm tɔ.

Esai 16:11

Gelee gə́ nee ɓa m’ra né məəm’g ŋgururu-ŋgururu Mbata Moab to gə́ kṵdu-ko̰dè bèe ləm, M’tuma̰ məəm’g ŋgururu-ŋgururu Mbata Kir-Harɛs ləm tɔ.

Esai 63:15

I gə́ si mee dara’g tar Mee loo-sii gə́ to gə kəmee gə́ to loo-ronduba lé Maji kari aa loo oo, See mal ra né ləi gə siŋgamoŋ ləi ɓa to ra wa. Meekaw taḭ-taḭ ləi gə koo kəmtondoo ləi Gə́ wɔji dɔm lé m’oo ɓasinè el.

Jeremi 17:11

Dəw gə́ mbo̰ nékiŋgaje Gə́ gə goo rəbee el gə́ dɔ na̰’d-na̰’d lé To asəna gə kɛrɛ gə́ to dɔ kaw’d gə́ to kea̰ el, Loo gə́ ndɔje ləa nai kédé ya ɓəi ndá Yeḛ a kuba dee kya̰ dee ndá Rudu ndɔ ləa lé yeḛ tel to mbə-dəw.

Jeremi 4:19

Wurm ɓòo! Wurm ɓòo! Dɔ ɓəŋgərəm ndiri njigi-njigi, Dɔ ɓəŋgərəm unda bala, Loo kam m’isi lɔm godo. Mbata ma m’oo ndu to̰to̰ ləm, Gə ndu kò-rɔ ləm tɔ.

Jeremi 48:31

Gelee gə́ nee ɓa m’no̰ ne no̰-yoo Mbata lə Moab ləm, M’no̰ mbata lə Moabje lai ləm tɔ, Dəwje tuma̰ ŋgururu-ŋgururu Mbata njé gə́ Kir-Herɛs.