Jeremi 48:35 - Maktub gə́ To gə Kəmee

³⁵ Njesigənea̰ a pana: Dəw gə́ Moab gə́ njekuba dɔdərlooje kaw tar kaw tuu né gə́ ə̰də sululu keneŋ kar magə ləa lé m’a karee godo ŋga.

Jeremi 48:35 Iomraidhean Croise

Esai 15:2

D’aw mee kəi-pole-magə gə́ to Dibo̰ Dɔ looje gə́ ndəw’g gə mba no̰ keneŋ, Moabje no̰ tuma̰ ŋgururu-ŋgururu Mbata lə ɓee gə́ Nebo ləm, Gə mbata lə ɓee gə́ Médeba ləm tɔ, Deḛ ndisa dɔ deḛ lai ŋgori-ŋgori ləm, Deḛ tḭja mbaita dee bur-bur ləm tɔ.

Esai 16:12

D’oo Moabje gə́ d’aar jɔg rɔ dee dɔ looje gə́ ndəw’g, Deḛ d’andə loo’g lə deḛ gə́ to gə kəmee Gə mba ra tamaji nɛ Deḛ d’askəm kiŋga né kára kara keneŋ el.

Jeremi 11:13

Seḭje gə́ Juda, magəje lə sí bula asəna gə ɓee-booje lə sí ləm, loo-nékinjanéməsje gə́ seḭ raje arje magəje gə́ to loo-nékinjanéməsje gə́ ka̰ tuu né gə́ ə̰də sululu dɔ’g kar Baal lé deḛ bula yaa̰ to gə́ mba̰-rəwje gə́ Jerusalem bèe ləm tɔ.

Jeremi 48:7

Mbata i ɔm məəi dɔ kula raije’g ləm, Gə dɔ nébaoje’g ləi ləm tɔ lé Ndá i kara d’a dum dɔi tɔ. Ala ləi gə́ ria lə Kemos lé A kaw ɓee-ɓər’g Gə njékinjanéməsje gə mbaije ləa na̰’d.

Jeremi 7:9

Ɗi togə́bè wa, ɓogo, tɔl dəw, ndal mɔdkaiya, gə kubu rɔ gə taŋgɔm, roo néje gə́ ə̰də sululu kar magə-Baal ləm, gə kaw goo magəje gə́ seḭ gər deeje el ləm tɔ!

Bula lə Israɛlje 28:14

Nékar gə́ ka̰ tər naŋg lé d’a to mán-nduú gə́ mḭ as litər munda mbata lə bɔ maŋg kára-kára ləm, litər joo mbata lə bàl badə kára-kára ləma, litər kára gə gesee mbata lə ŋgan badje kára-kára ləm tɔ. Yee ɓa to nékinjaməs gə́ ka̰ roo loo gə́ naḭ teḛ sigi ləm, mbata lə naḭje kára-kára ləma, mbata lə naḭje lai mee ləb’g ləm tɔ.