Jeremi 48:34 - Maktub gə́ To gə Kəmee

³⁴ Ndu kiije gə́ Esbon ɓar saar teḛ Eləalé ləm, ndu dee ɓar saar teḛ Jahas ləm, un kudee Soar saar teḛ Koronayim ləma, saar teḛ Eglat-Selisija ləm tɔ mbata manje gə́ Nimrim kara d’yi tə-tə tɔ.

Jeremi 48:34 Iomraidhean Croise

Gḭ-Néje 13:10

Lɔt un kəmee gə́ tar ndá yeḛ oo loo gə́ təb mee ndag-loo gə́ Jurdɛ̰ lai gə́ mu idi keneŋ lururu. Kédé gə́ Ala tuji Sɔdɔm gə Gɔmɔr el ɓəi lé, un kudee lé gə́ neelé saar teḛ Soar lé to asəna gə loo-ndɔ lə Njesigənea̰, asəna gə ɓee gə́ Ejiptə bèe.

Gḭ-Néje 14:2

ndá deḛ d’aw gə mba rɔ gə Bera, mbai gə́ Sɔdɔm ləm, gə Birsa, mbai gə́ Gɔmɔr ləm, gə Sineyab, mbai gə́ Adma ləm, gə Semeeber, mbai gə́ Seboyim ləma, gə Soar, mbai gə́ Bela ləm tɔ.

Jeremi 48:21

Ta wa dɔ ɓee gə́ ndag-loo’g ləm, Gə dɔ Holo̰ ləm, gə dɔ Jahas ləm, Gə dɔ Mepaat ləm,

Jeremi 48:5

Dəwje tuga loo gə́ tar D’aw dɔ mbal gə́ Luhit Gə mán-no̰ kəm dee’g, Loo gə́ risi gə́ naŋg gə́ Koronayim lé Ndu no̰ gə́ wɔji dɔ tuji-boo Ɓar wəl-wəl to keneŋ.

Bula lə Israɛlje 32:3

Atarot, gə Dibo̰, gə Jajer, gə Nimra, gə Esbon, gə Eləalé gə Sebam, gə Nebo, gə Beo̰ tɔ,

Tel tura Godndu 34:3

gə loo gə́ dɔkɔl ləm, gə looje gə́ gugu dɔ Jurdɛ̰ ləm, gə wəl-loo gə́ Jeriko ləma, gə ɓee-boo gə́ kag-tumburje to keneŋ, saar teḛ ne Soar ləm tɔ.

Jujé 13:18

gə Bamot-Baal, gə Bet-Baal-Meo̰, gə Jahas, gə Kedemot, gə Mepaat,