Jeremi 48:33 - Maktub gə́ To gə Kəmee

³³ Rɔlel gə kalrɔ sané pá Mee loo-ndɔ kagje’g ləm, Gə mee ɓee gə́ Moab ləm tɔ, Ma m’ar mán-nduú Yi mee dura-mbula’g tə-tə, Dəwje mbula nduú gə ndu pa rɔlel Loo-mbula’g el ŋga, Ndu kó-rɔ ɓa ɓar ɓó ndu rɔlel ɓar el.

Jeremi 48:33 Iomraidhean Croise

Esai 5:10

Ŋgan ndɔ-nduú dɔg ndá manee a kas litər rɔ-mi el ləm, Kandə kó gə́ ka̰ dubu as nékwɔji kwɔi-lə-né tɔl (100) Ndá a kandə gə ka̰dee as nékwɔji kwɔi-lə-né dɔg ba ləm tɔ.

Esai 7:23

Mee ndəa’g neelé Looje lai gə́ kag-nduú a to keneŋ tɔl-dɔg (1.000) Gə́ gad dee as larnda tɔl-dɔg (1.000) lé D’a kya̰ kar kunje gə ŋgarje tur dɔ dee.

Esai 9:3

Mbata néməməna̰ gə́ wɔi gwɔs dee’g ləm, Gə kag-tɔs gə́ d’unda ne bargir dee ləma, Gə ndəi gə́ d’ula ne kəm dee ndòo ləm tɔ lé I təd dee ne rém-rém to gə́ mee ndəa’g lə Madianje bèe.

Joɛl 1:16

Nésɔje ɓa tuji kəm sí’g nee ləm, Rɔlel gə kalrɔ sané pá mee kəi’g lə Ala lə sí ləm tɔ.

Joɛl 1:5

Seḭ njéra ɓər lə kidoje lé Teḛje kəm sí no̰je gə mán-no̰ kəm sí’g! Seḭ bao-kaikidoje gə́ mḭ lé No̰je pénéné-pénéné Mbata mán-nduú gə́ kul lé lal ta sí mba̰!

Amɔs 5:17

Loo-ndɔ-nduúje lai lé D’a no̰ yoo keneŋ Loo gə́ n’a gə dəs mbuna sí’g ya, Njesigənea̰ ɓa pa bèe.

Ajee 2:16

Mee ndəa’g neelé ɓó lé dəw aw loo gə́ d’ɔm kó dɔ na̰’d as kəm nékwɔjee rɔ-joo ndá kó neelé nai keneŋ mee né dɔg ba. Ɓó lé dəw aw ta dura gə́ d’ɔm mán-nduú keneŋ mba kɔr kulum rɔ-mi ndá nai keneŋ as rɔ-joo ba ya.