Jeremi 48:27 - Maktub gə́ To gə Kəmee

²⁷ See i lé unda Israɛlje gə́ nékula sul dɔ’g ləi el wa. See i teḛ dəa’g wai mbuna njéɓogoje’g ɓa i pata ləa tuga ne dɔi jəgm-jəgm bèe wa.

Jeremi 48:27 Iomraidhean Croise

Maktub gə́ wɔji dɔ Jɔb 16:4

Ɓó lé seḭ ɓa síje torm’g bèe kara M’a kaskəm pata dɔ sí’g to gə́ seḭ bèe ya tɔ, M’a tɔ dɔ sí gə taje ləm, M’a biri dɔm widi-widi dɔ sí’g ləm tɔ.

Pakɔsje 44:13

I ndogo dəwje ləi gə lar gə́ əḭ el ləm, I oo dee gə́ néje gə́ d’əḭ kəmi’g el ləm tɔ.

Pakɔsje 64:8

Ala nja ḭ tur kandə ɓandaŋgje ləa dɔ dee’g, Né gə́ wa dee lé teḛ dɔ dee’g wai:

Pakɔsje 79:4

Jeḛ n’tel n’toje nérɔkul kəm njéboataɓeeje lə sí ləm, N’toje nékunda-kogo gə nédəjindu lə dee-deḛ Gə́ gugu dɔ sí sub neelé ləm tɔ.

Jeremi 18:16

Deḛ d’ar ɓee lə dee tel dɔ nduba, Ar dəwje d’ula sul dɔ’d gə́ kédé-kédé, Deḛ lai gə́ dəs lée’g neelé D’wa ta dee sud ləm, Biri dɔ dee widi-widi ləm tɔ.

Jeremi 2:26

To gə́ njeɓogo gə́ dəw teḛ dəa’g wai ar rəa kul lé Gel-bɔje lə Israɛl kara Rɔ dee a kul togə́bè tɔ, Deḛ ləm, gə mbaije lə dee Gə ŋgan-mbaije lə dee ləm, Gə njékinjanéməsje lə dee Gə njéteggintaje lə dee ləm tɔ.

Nɔ̰-ndôo gə́ wɔji dɔ Jerusalem 1:12

Seḭ lai gə́ dəsje rəw’g neelé Ma m’ndigi kula sí ta. Maji kar sí aaje loo ooje To gə́ némeeko̰ gə́ ram lé garee godo ləm To rɔ sí-seḛ el ləm tɔ. Njesigənea̰ nja ɓa ḭ səm Ula ne kəm ndòo ndɔ gə́ oŋg-boo ḭ səa lé!

Nɔ̰-ndôo gə́ wɔji dɔ Jerusalem 1:7

Loo gə́ njé gə́ Jerusalem D’aw d’ila mbir-mbir ləm, Gə d’isi dan kəmtondoo’g ləm tɔ lé Meḛ dee olé dɔ maji gə́ d’isi danee’g kédé gə́ ləw Ɓa d’oso ji njékula kəm dee ndooje’g ɓəi Ar dəw kára bèe gə́ njela sə dee godo, Njéba̰je lə dee d’oo dee ndá deḛ kogo dee Mbata néurti gə́ teḛ dɔ dee’g lé tɔ.

Ejekel 25:8

Mbaidɔmbaije gə́ Njesigənea̰ pa togə́bè pana: To gə́ Moabje gə Seirje pa pana: Gel-bɔje lə Juda to d’asəna gə ginkoji dəwje gə raŋg lai ya lé,

Ejekel 35:15

Rɔlel gə́ seḭ raje loo gə́ gel-bɔje lə Israɛl tuji pugudu-pugudu lé yee ɓa n’a ra sə sí togə́bè ya tɔ, seḭ gə́ síje dɔ mbal gə́ Seir lé n’a kar sí tel toje dɔ nduba gə́ wa ŋgɔ njag-njag, seḭ gə dəwje gə́ Edɔm lai ya. Bèe ɓa d’a gər ne to gə́ neḛ n’to Njesigənea̰ ya.

Ejekel 36:2

Mbaidɔmbaije gə́ Njesigənea̰ pa togə́bè pana: Mbata njeba̰ pata dɔ sí’g pana: Bèe ya ɓa, bèe ya ɓa! Dɔdərlooje gə́ Israɛl gə́ ləw lé tel to ka̰ neḛje!

Ejekel 36:4

ndá seḭ mbalje gə́ Israɛl lé ooje ta lə Mbaidɔmbaije gə́ Njesigənea̰! Mbaidɔmbaije gə́ Njesigənea̰ pata togə́bè ar mbalje, gə dɔdərlooje, gə kəm-rəw-manje, gə wəl-looje, gə looje gə́ tuji gə́ tel to dɔdilaloo, gə ɓee-booje gə́ d’uba dee d’ya̰ dee gə́ tel to gə́ nékwa gə nékunda-kogo lə ginkoji dəwje gə raŋg gə́ gugu dɔ dee lé.

Soponi 2:10

Néje neelé a teḛ dɔ dee’g Mbata beelé lə dee, Mbata dee d’ula sul dɔ koso-dəwje’g lə Njesigənea̰ gə́ njeboo-néje lé D’unda ne dɔ dee tar.

Soponi 2:8

Neḛ n’oo ta tajikilje lə Moabje ləm, Gə nérɔkulje lə Amo̰je ləm tɔ Loo gə́ dee d’ula ne sul dɔ koso-dəwje’g lə neḛ ləm, D’unda ne dɔ dee tar gə kəsta Naji ne sə dee rəw-nimje ləm tɔ.

Matiyo 26:55

Yen ŋga Jeju ula boo-dəwje neelé pana: See teḛje gə kiambasje gə ɗuguru-kagje ji sí’g kel-kel mba kwamje ne asəna gə gayim-ɓogo bèe wa. Gə ndɔm-ndɔm m’isi mbuna sí’g m’ndoo sí né mee kəi-Ala’g lə sí, nɛ seḭ wamje keneŋ peb el.

Matiyo 27:38

Mee kàree’g neelé deḛ ɗar gayim-ɓogoje joo səa na̰’d, yeḛ gə́ kára dɔ jikɔlee’g ləm, yeḛ gə́ kára dɔ jigelee’g ləm tɔ.

Matiyo 7:2

Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ.