Jeremi 48:17 - Maktub gə́ To gə Kəmee

¹⁷ Seḭ lai gə́ guguje dəa sub lé ləm, Gə seḭ lai gə́ gərje ria ləm tɔ lé, Maji kar sí nea̰je siije mbigi-mbigi pajena: Kag-mbai siŋgamoŋ nee Gə́ majidum lé see təd to gə́ ban wa.

Jeremi 48:17 Iomraidhean Croise

Pakɔsje 110:2

Njesigənea̰ a kar kag-mbai siŋgamoŋ ləi Ḭ ɓee gə́ Sio̰ aw əw! Maji kari dum ne dɔ njéba̰je ləi gə́ gugu dɔi sub ya.

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 14:6

Yeḛ gə́ oŋg ḭ səa jugugu Aree kunda ginkoji dəwje gə raŋg Gə́ kédé-kédé lal kəw rəa ləm, Yeḛ gə́ oŋg ḭ səa Aree dum dɔ ginkoji dəwje gə raŋg ləm tɔ lé D’ula kəmee ndòo lal kunda ŋgaŋgee.

Esai 16:8

Mbata loo-ndɔje gə́ Esbon tudu kurum-kurum, Mbai dɔ ginkoji dəwje gə raŋg tuji kag-nduúje gə́ to Sibma Gə́ d’aw saar teḛ Jajer ləm, Gə d’aw yo gə́ nee mee dɔdilaloo’g ləm tɔ. Barkəmeeje d’alé saar teḛ kel tura-baa-boo-kad’g nu.

Esai 9:4

Mbata markob-rɔje lai gə́ d’aw ne loo-rɔ’g ləm, Gə kubu-rɔje lai gə́ rogo dan məs’g ləm tɔ lé D’a kɔm dee pər’d Kar dee roo dula-dula ya.

Jeremi 48:39

See tuji gə́ ban ɓa bèe wa. Maji kar sí tuma̰je ŋgururu-ŋgururu! See tel gə́ Moabje tel gir dee d’ila gə rɔkul bèe lé gelee ban wa. Moab lé tel to nékula sul dɔ’g ləm, gə néɓəl ləm tɔ kəm deḛ lai gə́ gugu dəa sub lé.