Jeremi 48:11 - Maktub gə́ To gə Kəmee

¹¹ Ɓee gə́ Moab lé un kudee gə basee ba ya Aw yururu asəna gə mán-nduú Gə́ toso ɗəḭ-ɗəḭ dɔ gwɔiyee’g Ɓó dəw unee mbélee mee jo gə́ raŋg’d el ləm, D’aw səa ɓee-ɓər’g el ləm tɔ. Yee ɓa lel ləa ɔr ne el ləm, Baḭyee tel ə̰də ne ɓəd el ləm tɔ.

Jeremi 48:11 Iomraidhean Croise

Pakɔsje 123:4

Lul-kogo lə njébeeleje ləm, Gə kḛji bəḭ-bəḭ lə njékəstaje ləm tɔ lé As sí nag-nag ya tɔ.

Pakɔsje 55:19

Loo gə́ deḛ rəm pər gə́ rɔm’g lé Ndá yeḛ nja a taa dɔm Kam m’isi gə meelɔm, Mbata deḛ gə́ d’ḭ səm bula yaa̰ ya.

Gosota-Kəmkàrje 1:32

Mbata kɔs ta rəw lə njégərnéelje lé Tɔl dee ya ləm, Jɔg-rɔ el lə mbəje lé Tuji dee ya ləm tɔ.

Esai 16:6

Jeḛ j’ooje sor beelé lə Moabje gə́ to beelé gə́ ur dɔ loo ləm, Gə kəsta, gə beelé, gə ti rɔ lə dee, Gə tapa deeje gə́ gə mḭdé-mḭdé ba ləm tɔ.

Esai 24:3

Ɓee a tel to dɔ nduba gə́ d’undá banrɔ, Mbata Njesigənea̰ wɔji togə́bè mba̰.

Esai 25:6

Njesigənea̰ gə́ njeboo-néje gɔl muru-gad Gə́ wɔji dɔ nésɔje gə́ lel ləm, Gə mán-nduú gə́ àr ŋgad-ŋgad ləm tɔ Dɔ mbal’g neelé mbata koso-dəwje lai, To nésɔje gə́ lel gə́ to ubu yaa̰ ləm, Gə mán-nduú gə́ kuree əw Gə́ àr ŋgad-ŋgad ləm tɔ.

Jeremi 22:21

Ma m’ula sí ta Loo gə́ seḭ síje dan maji’g, Nɛ seḭ pajena: A kooje ta el. Yee ɓa gə́ néra sí gə́ un kudee gə kas sí ba lé Seḭ unje ne mbi sí rəw dɔ ta’g lə neḛ.

Jeremi 48:12

Gelee gə́ nee ɓa Njesigənea̰ pa ne pana: Aa ooje, ndɔje gə́ a gə ree lé m’a kula dəwje rəa’g kar dee ree d’unee mbélee mee jo gə́ raŋg’d. D’a kar mee joo ləa to kari ba ləm, d’a kar ku-jo ləa ndubu kum-kum ləm tɔ.

Jeremi 48:29

Jeḛ n’gərje beelé lə Moab Gə́ majidum lé gao, Gə beelé ləa gə́ dum dɔ loo ləm, Gə ti-rɔ ləa ləm, Gə kəsta ləa ləma, Gə takə̰ji ti-rɔ ləm tɔ.

Jeremi 51:34

Nebukadnesar, mbai gə́ Babilɔn Sɔ sí rɔg-rɔg ləm, Tuji sí pugudu-pugudu ləm tɔ, Yeḛ ar sí n’tel n’toje jo gə́ mée to wəl, Yeḛ uru sí mée’g magə To gə́ da-kɔb uru ne né bèe ləm, Yeḛ ar néje lə sí gə́ mbərḛ mbə̰ Rusu mée tub ləm tɔ, Yeḛ tuba sí.

Nahum 2:10

Maji kar sí undaje larnda gə larlɔr gə́ nébanrɔ! Mbata nébaoje gə́ ɔs dɔ maree-maree to keneŋ ləm, Nébaoje gə́ ra gə néje gə́ gad dee to yaa̰ Gə gel dee gel dee lé to keneŋ ləm tɔ.

Nahum 2:2

Njetujiloo aw gə mba koma̰ sə sí. Maji kar sí aaje dɔ kəi-kaar-kɔgərɔ lə sí kər-kər! Ɔmje mina̰ wur sí’g go̰je ne loo soo-soo ooje! Waje rɔ sí kɔgərɔ.

Soponi 1:12

Mee ndəa’g neelé n’a tən loo mee ɓee gə́ Jerusalem soo-soo gə pərndɔje lə neḛ ləm, Dəwje gə́ d’isi lɔm to gə́ ɓi mán-nduú gə́ oso gelee’g bèe Gə́ pa meḛ dee’g pana: Njesigənea̰ lé ra né gə́ maji əsé né gə́ majel bèe el lé N’a kar bo̰ néra dee ɔs ta dee’g ləm tɔ.

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.