Jeremi 47:7 - Maktub gə́ To gə Kəmee

⁷ See i a kwa rɔi to gə́ ban wa. Njesigənea̰ aree ndukunje ləa, Mba karee aw Askalo̰ gə mbɔr baa-boo-kad’g Lée neelé ɓa yeḛ ndigi karee aw’g.

Jeremi 47:7 Iomraidhean Croise

Esai 10:6

M’ula dee mba kar dee rɔ Gə ginkoji dəwje gə́ njéra né kori-korije ləm, Ma m’ar dee d’aw gə mba rɔ Gə koso-dəwje gə́ d’ar oŋg ḭ səm dɔ dee’g ləm tɔ, Gə mba kar dee d’unda dee banrɔ Taa ne nékiŋgaje lə dee ləm, Gə mba kar dee mbɔḭ dee naŋg to gə́ bɔrɔ Gə́ to kila-rəwje’g bèe ləm tɔ.

Esai 13:3

Ma m’un ndum m’ar koso-dəwje ləm Gə́ m’unda dee gə kəmee, Ma m’ɓar bao-rɔje, Deḛ gə́ d’al rɔ dee dɔ riɓar’g ləm Gə mba kar dee riba dɔ oŋg ləm pərəg lé.

Esai 37:26

See néje gə́ teḛ lé I oo to gə́ neḛ ɓa n’wa dɔ gɔl dee ləw ba ləm, N’wɔji mee neḛ’g njaŋg kédé gə́ ləw lé ləm tɔ el wa. Ɓasinè n’ar dee d’aw lée’g béréré, Yee gə́ bèe ɓa n’ya̰ loo n’ari Ar ɓee-booje gə́ siŋga dee to lé Tel to d’asəna gə néje gə́ d’wa dee kugu dɔ na̰’d bèe.

Jeremi 48:10

Ndɔl wa dɔ yeḛ gə́ ra kula Le Njesigənea̰ orè gə ndam ləm, Ndɔl wa dɔ yeḛ gə́ ɔg kiambas ləa Ndum dəwje mburug-mburug ləm tɔ.

Ejekel 14:17

Esé ɓó lé neḛ n’ree gə kiambas n’wɔji ne dɔ ɓee neelé ləm, lé m’pana: Maji kar kiambas ta̰ mbuna ɓee neelé ləma, ɓó lé neḛ n’tuji dəwje gə daje mee ɓee’g neelé pugudu-pugudu ləm tɔ

Ejekel 21:14

I ŋgon-dəw lé gə́ tegginta pana: Njesigənea̰ pa togə́bè pana: Kiambas! Kiambas! D’ɔl d’aree adə làm-làm ləm, D’usu d’aree ndɔḭ lèd-lèd ləm tɔ.

Ejekel 21:30

Ŋga i njekaa dɔ dəb ɓeeko̰ gə́ Israɛl gə́ to njekila ndɔl dɔ loo’g gə njemeeyèr lé kàree gə́ wɔji dɔi teḛ mba̰ kar rudu néra kori-kori ləi un ɗiao ŋga!

Ejekel 21:9

To gə́ neḛ ndigi kar njéra nédanaje gə njémeeyèrje d’udu guduru mbuna sí’g ndá n’a kɔr kiambas lə neḛ sɔlee’g mba tɔl ne dəwje lai un kudee par gə́ dɔkɔl saar teḛ par gə́ dɔgel.

Ejekel 25:16

gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, n’a kula ji neḛ ndiŋ dɔ Pilistije’g ndá n’a tuji Keretje ləm, ges deḛ gə́ nai ta baa-boo-kad’g lé kara n’a tuji dee pugudu ya ləm tɔ.

Amɔs 3:6

See d’a kim to̰to̰ karee ɓar mee ɓee-boo’g Lal kar dəwje d’unda bala wa. See nékəmndoo a teḛ dɔ ɓee-boo’g Lal kar Njesigənea̰ to njegelee wa.

Misee 6:9

Ndu Njesigənea̰ ɓar dan ɓee-boo’g, Yeḛ gə́ to njekəmkàr ndá a ɓəl ria. Maji kar sí ooje ta lə ndəi ləm, gə yeḛ gə́ njekunda sí ləm tɔ.

1 Samel 15:3

Ɓasinè, ɔd aw tɔl Amalekje tɔɓəi tuji néje lai gə́ to ka̰ dee lé pugudu-pugudu. I a kya̰ dee kəmba el nɛ i a tɔl diŋgamje gə denéje ləm, gə ŋganje gə́ tɔg gə deḛ gə́ ta mbà’g ləma, gə maŋgje, gə badje, gə jambalje, gə mulayḛ̀je-je ləm tɔ.