Jeremi 47:5 - Maktub gə́ To gə Kəmee

⁵ Njé gə́ Gaja ndisa dɔ dee ŋgori-ŋgori ləm, Njé gə́ Askalo̰ lé d’isi ta dee mundu ləma, Gə ges ndag-loo lə dee na̰’d bèe ya ləm tɔ. See saar ndɔ gə́ ra ɓa seḭ a kundaje ŋgaŋ kinja rɔ sí pədərə-pədərə bèe ɓəi wa.

Jeremi 47:5 Iomraidhean Croise

1 Mbaije 18:28

Tɔɓəi deḛ ra né gə ndu dee wəl ndá gə goo néjiɓee lə dee lé deḛ tḭja rɔ dee gə kiambasje ləm, tɔs rɔ dee gə niŋgaje ləm tɔ saar d’ar məs dee aḭ rɔ dee’g yao-yao.

Esai 15:2

D’aw mee kəi-pole-magə gə́ to Dibo̰ Dɔ looje gə́ ndəw’g gə mba no̰ keneŋ, Moabje no̰ tuma̰ ŋgururu-ŋgururu Mbata lə ɓee gə́ Nebo ləm, Gə mbata lə ɓee gə́ Médeba ləm tɔ, Deḛ ndisa dɔ deḛ lai ŋgori-ŋgori ləm, Deḛ tḭja mbaita dee bur-bur ləm tɔ.

Jeremi 16:1

Njesigənea̰ ulam ta gə rɔtaje nee pana:

Jeremi 16:6

Dəwje gə́ boo-boo gə dəwje gə́ gɔ-gɔ d’a kwəi mee ɓee’g neelé. D’a dubu dee el ləm, d’a no̰ dee el ləm, d’a tḭja rɔ dee pədərə-pədərə mbata lə dee el ləma, d’a ndisa dɔ dee ŋgori-ŋgori gə mbata lə dee el ləm tɔ.

Jeremi 25:20

M’ar Arabi bura ləm, gə mbaije lai gə́ ɓee gə́ Uts ləma, gə mbaije lə Pilistije lai gə́ d’isi Askalo̰ gə Gaja gə Ekro̰ gə ges loo gə́ Asdod gə́ nai ləm tɔ lé d’ai.

Jeremi 41:5

dəwje rɔ-jinaijoo gə́ d’ḭ Sikem, gə Silo, gə Samari ree, deḛ neelé ndisa mbaita dee ləm, kubuje lə dee ŋgisi ləma, deḛ tḭja rɔ dee pədərə-pədərə ləm tɔ. Deḛ ree gə nékarje gə néje gə́ ə̰də sululu mba kaw ne mee kəi’g lə Njesigənea̰.

Jeremi 47:1

Ta gə́ Njesigənea̰ ula Jeremi, njetegginta wɔji ne dɔ Pilistije kédé ɓad ɓa Parao̰ aw rɔ gə njé gə́ Gaja ɓəi.

Jeremi 47:4

Mbata ndɔ gə́ Pilistije lai D’a tuji pugudu lé teḛ mba̰ ləm, Deḛ lai gə́ d’aw la gə Tir gə Sido̰ lé D’a kudu bo̰ ləm tɔ, Mbata Njesigənea̰ a tuji Pilistije pugudu ləm, Gə ges deḛ gə́ d’isi dɔgoré-loo gə́ Kaptɔr ləm tɔ.

Jeremi 48:37

Mbata deḛ lai ndisa dɔ dee ŋgori-ŋgori ləm, d’inja mbaita deeje bur-bur ləm tɔ, deḛ lai tḭja ji dee pədərə-pədərə ləm, d’ula kubu-kwa-ndòo rɔ dee’g ləm tɔ.

Ejekel 25:16

gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, n’a kula ji neḛ ndiŋ dɔ Pilistije’g ndá n’a tuji Keretje ləm, ges deḛ gə́ nai ta baa-boo-kad’g lé kara n’a tuji dee pugudu ya ləm tɔ.

Ejekel 7:18

D’a kula kubu-kwa-ndòo ləm, Ɓəl-boo a dəb dɔ dee’g ləm, Rɔkul a kwa kəm deḛ lai ləma, Dɔ deeje lai lé d’a ndisa ŋgori-ŋgori ləm tɔ.

Ləbije 19:28

Seḭ a tḭjaje ndaji rɔsi’g kwaje ne ndòo yoo el ləm, seḭ a tḭjaje liba rɔ sí’g el ləm tɔ. Ma m’to Njesigənea̰.

Ləbije 21:5

Njékinjanéməsje d’a ndisa dəb dɔ dee el ləm, d’a ndisa kil mbai ta dee el ləma, d’a tḭja ndaji rɔ dee’g kwa ne ndòo yoo el ləm tɔ.

Misee 1:16

Maji kar sí ndisaje dɔ sí ŋgori-ŋgori. Mbata lə ŋgan síje gə́ seḭ unda deeje dan kəm sí’g! Ndisaje dɔ sí ŋgori-ŋgori Areeje to asəna gə́ dɔ malje bèe Mbata d’isi d’aw sə dee gə́ ɓee-ɓər’d gə́ əw.

Mark 5:5

Dan kàrá gə loondul lé yeḛ si mbuna bwa-doɓarje’g gə dɔ mbalje’g ləm, yeḛ ra né wəl-wəl usu ne rəa kaar mbalje’g aree tḭja pədərə-pədərə ləm tɔ.

Tel tura Godndu 14:1

Seḭ toje ŋgalə Ala lə sí gə́ Njesigənea̰. Seḭ a tḭjaje rɔ sí pədərə-pədərə əsé a ndisaje dɔ sí ŋgori-ŋgori gə mbata lə kəmndooyoo el.

Njéga̰g-Rəwtaje 1:18

Judaje taa Gaja gə dɔ naŋgje ləa ləm, gə Askalo̰ gə dɔ naŋgje ləa ləma, gə Ekro̰ gə dɔ naŋgje ləa ləm tɔ.