Jeremi 46:5 - Maktub gə́ To gə Kəmee

⁵ See ɗi ɓa m’oo nee wa! Deḛ ɓəl, deḛ rəm gogo, Njéba̰je lə dee dum dɔ dəwje lə dee Gə́ njésiŋgamoŋje lé, Deḛ d’aḭ lal kɔm rəd ... Ɓəl-boo taa looje pəl-pəl. Njesigənea̰ ɓa pa bèe.

Jeremi 46:5 Iomraidhean Croise

Gḭ-Néje 19:17

Loo gə́ d’ar dee teḛ raga mba̰ ndá yeḛ gə́ kára mbuna dee’g pa pana: Aḭ gə mba kaji rɔi ɓó ɔm rəd gə́ gooi’g el ləm, aar naŋg dan ndag-mbo’g el ləm tɔ. Aḭ par gə́ dɔ mbal’g nà i a tuji ya.

Esai 13:8

Siŋgasa wa dee ləm, Rɔko̰ gə́ ndaŋg dəw paḭ gə rɔtoo ra dee ləm, Deḛ tuma̰ rɔ dee To gə́ dené gə́ ndóo rəa bèe ləm, Deḛ d’aa kəm na̰ kɔbərɔ-kɔbərɔ ləma, Kəm dee ti bo̰-bo̰ ləm tɔ.

Esai 19:16

Mee ndəa’g neelé Ejiptəje d’a to kasəna gə denéje, d’a kunda bala ləm, d’a ɓəl ləm tɔ loo gə́ d’oo ji Njesigənea̰ gə́ njeboo-néje gə́ ula gə́ dɔ dee’g ləm, loo gə́ yeḛ un jia gə́ tar rɔ ne sə dee ləm tɔ.

Esai 42:17

Deḛ gə́ d’ɔm meḛ dee dɔ magəje gə́ tɔl gə ji dee lé Deḛ gə́ d’ula magəje gə́ léḛ dee pana: Seḭ toje Ala lə neḛje lé Ndá d’a rəm gə goo dee ləm, Rɔkul a dəb dɔ dee’g ləm tɔ!

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Jeremi 20:10

Mbata m’oo ta lə dəwje bula Gə́ pata gə́ majel dɔm’g ləm, Ɓəl-boo aḭ dɔm sub ləm tɔ. Deḛ pana: Maji kar sí j’ilaje ta dəa’g Ndá j’a kilaje ta dəa’g ya. Deḛ lai gə́ m’isi sə dee lɔm kara Tənəm gə mba koo see M’a kunda ndolé wa. Deḛ pana: Banelə d’a kiŋga ta tam’g, Yen ɓa d’a dum ne dɔm ləm, D’a dal ne ba̰ dɔm’g ləm tɔ!

Jeremi 46:15

See gelee ban ɓa d’aw Gə njésiŋgamoŋje ləi lé wa. Deḛ d’aar kɔgərɔ el Mbata Njesigənea̰ ar dee toso.

Jeremi 46:21

Njérɔje taa ne larje ləa D’isi ne mbuna dee’g Asəna gə ŋgan maŋgje Gə́ d’ər ndɔl-ndɔl, Deḛ nja kara tel gir dee D’ila d’aḭ ɓó d’ar kɔgərɔ el, Mbata ndɔ némeeko̰ lə dee Teḛ dɔ dee’g, To kàr kar bo̰ néra dee ɔs ta dee’g.

Jeremi 49:29

D’a taa kəi-kubuje lə dee Gə koso-nékulje lə dee ləm, D’a tɔr pal-kubuje lə dee ləm, Gə néje lə deḛ lai ləma, Gə jambalje lə deḛ lai ləm tɔ, D’a lul dee gə loo lai pana: Ɓəl-boo un dee lad-lad.

Jeremi 49:5

Aa ooje, m’ar ɓəl-boo aw gə́ dɔ sí’g, Mbaidɔmbaije gə́ Njesigənea̰ gə́ njeboo-néje ɓa pa bèe. Ɓəl-boo lé a kḭ gə looje lai Gə́ gugu dɔ sí sub ləm, D’a tuba sí kára-kára lai kar nana kara A kaḭ kəmee gə́ kédé-kédé ləma, Dəw kára kara gə́ njekwa njékaḭje Dɔ na̰’d a godo ləm tɔ.

Jeremi 6:25

Awje mee ndɔje’g el ləm, Awje rəwje’g el ləm tɔ Mbata lé neelé kiambas lə njeba̰ lə sí To keneŋ ləm, Ɓəl-boo aḭ dɔ sí sub ləm tɔ.

Ejekel 32:10

N’a kar koso-dəwje bula d’wa dɔ dee jiim mbata ləi ləm, ɓəl-boo a kunda mbaije lə dee badə gaŋg dee mbata ləi ləm tɔ loo gə́ n’a tɔji dee kiambas lə neḛ, gə kàrje lai lé deḛ d’a kunda bala tigi-tigi keneŋ mbata kəmə lə dee, nana kara a kunda bala mbata kəmə ləa-ləa ndɔ tuji’g ləi.

Ejekel 39:18

Seḭ a sɔje dakasrɔ bao-rɔje ləm, seḭ a kaije məs mbaije gə́ njékaa dɔ dəb ɓeeko̰je gə́ dɔ naŋg nee ləm tɔ asəna gə ka̰ bàl badje, gə ŋgan badje, gə bàl bya̰je, gə bɔ maŋgje gə́ Basan gə́ d’ər ndɔl-ndɔl bèe.

Nahum 2:8

Deḛ ra né mba̰, Deḛ tɔr né rəa’g d’ya̰ kudee dum d’wa d’aw səa ləm, Kuraje ləa gə́ dené tuma̰ ŋgururu-ŋgururu to gə́ dərje bèe ləma Kunda ne kaar dee ləm tɔ.

Nahum 2:9

Ninibə lé kédé to asəna gə duu-mán gə́ mán aar keneŋ bèe Nɛ aa oo, manje d’yi tə-tə. Deḛ pana: Aarje naŋg, aarje naŋg! ... Nɛ dəw kára kara ɔm rəd el.

Soponi 1:14

Ndɔ gə́ boo lə Mbaidɔmbaije to dəb, To dəb ya, a teḛ kalaŋ ba ya, Ndu gə́ wɔji dɔ ndɔ lə Njesigənea̰ lé ɓar Ndá bao-rɔje kara no̰ wəl gə kəm ɓəl.