Jeremi 46:16 - Maktub gə́ To gə Kəmee

¹⁶ Deḛ gə́ yeḛ ar dee d’unda ndolè lé Bula yaa̰, Deḛ tɔr toso dɔ na̰’d gə́ yo gə́ nee Ndá deḛ pana: Ar sí n’telje gə́ rɔ koso-dəwje’g lə sí Gə́ mee ɓee-koji sí’g Gə́ to əw gə kiambas gə́ njetujiloo lé.

Jeremi 46:16 Iomraidhean Croise

Jeremi 46:21

Njérɔje taa ne larje ləa D’isi ne mbuna dee’g Asəna gə ŋgan maŋgje Gə́ d’ər ndɔl-ndɔl, Deḛ nja kara tel gir dee D’ila d’aḭ ɓó d’ar kɔgərɔ el, Mbata ndɔ némeeko̰ lə dee Teḛ dɔ dee’g, To kàr kar bo̰ néra dee ɔs ta dee’g.

Jeremi 46:6

Maji kar njerɔkwɔilɔ unda mareeje lé Aḭ taa ne rəa el ləm, Maji kar bao-rɔ unda mareeje teḛ ta’g el ləm tɔ! Loo gə́ dɔgel, dɔ koŋgo baa-boo gə́ Epratə lé Deḛ d’unda ndolè keneŋ ləm, Deḛ tɔr toso ləm tɔ.

Jeremi 50:16

Maji kar sí tujije yeḛ gə́ njedubu né pugudu Mee ɓee gə́ Babilɔn ləm, Gə yeḛ gə́ njera gama kinja kó Gə marm naḭ kinja kó’g ləm tɔ! Maji kar nana kara Tel gə́ rɔ koso-dəwje’g ləa ləm, Maji kar nana kara Aḭ gə́ mee ɓee’g ləa ləm tɔ No̰ kiambas’g lə njetujiloo lé.

Jeremi 51:9

Jeḛ ndigi kar Babilɔn aji nɛ yeḛ aji el. Ar sí j’ubáje j’yá̰je ndá j’awje J’ar nana kara aw mee ɓee’g ləa-ləa, Mbata ta gə́ gaŋg dəa’g lé Aw njal teḛ mee dara’g ləm, Aw njal teḛ loo-pelé’g-lə-ndi ləm tɔ.