Jeremi 46:11 - Maktub gə́ To gə Kəmee

¹¹ Aw mee ɓee gə́ Galaad Taa no̰-kag gə́ ra gə kuma̰, I Ejiptə gə́ to asəna gə ŋgoma̰də bèe. I taa kuma̰je bula gə́ kédé-kédé kari ba Ɓó a kaji ne rɔi el.

Jeremi 46:11 Iomraidhean Croise

Gḭ-Néje 37:25

Gée gə́ gogo ndá deḛ d’isi naŋg mba sɔ né. Loo gə́ d’un kəm dee gə́ tar ndá d’oo Ismaelje gə́ d’ḭ Galaad. Deḛ d’ɔm kuma̰je gə́ ə̰də sululu ləm, gə no̰ kagje ləma, gə ubu timbá ləm tɔ dɔ jambalje’g lə dee d’isi d’aw ne Ejiptə.

Gḭ-Néje 43:11

Bɔ deeje gə́ Israɛl lé ula dee pana: Ɓó lé to togə́bè ndá né gə́ kəm ra ɓa to nee: Odoje némajije gə́ d’ur dɔ mareeje’g mee ɓee’g lə sí ɔm deeje mee ɓɔlje’g lə sí awje ne arje dəw neelé gə́ né-lapia ya: Odoje no̰ kag lam ləm, ubu tə̰ji lam ləm, kuma̰ gə́ ə̰də sululu ləm, ubu timbá ləm, pistasje ləma, gə ama̰dəje ləm tɔ.

Esai 47:1

Gə́ rəm si naŋg dan babur’g I ɓee gə́ Babilɔn Gə́ kédé to asəna gə ŋgoma̰də bèe! Gə́ rəm si dɔ naŋg’d lal kalimbai, I ɓee gə́ Kalde Gə́ to asəna gə ŋgon dené lé tɔ. D’a kooi asəna gə ŋgoma̰də Gə́ ma̰də yaa̰ gə njekərkəmloo el ŋga.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 31:21

Seḭ Israɛlje gə́ toje asəna gə ŋgoma̰də lé Maji kar sí telje Undaje nétɔji kuru loo lə sí ləm, Urje kag-tɔji rəwje lə sí ləm tɔ, Undaje kəmkàr dɔ rəw’d Gə́ to kila-rəwkaw sí’g Telje reeje mee ɓee-booje’d Gə́ neelé gə́ to ka̰ sí!

Jeremi 31:4

M’a tel gɔl sí gogo ndá Seḭ a kaarje njaŋg, Seḭ Israɛlje gə́ toje asəna gə ŋgoma̰də Gə́ gər ŋgaw el! Seḭ a teḛje gə mbarèje lə sí Ndamje ne gə rɔlel gə njéboa-ndamje lə sí.

Jeremi 51:8

Kalaŋ bèe ya ndá Babilɔn oso guru rug-rug! Tuma̰je ŋgururu-ŋgururu gə mbəa, Ɔmje no̰-kag gə́ ra gə kuma̰ ta doo’g ləa, Banelə yee a kər kəmsə.

Jeremi 8:22

See kuma̰ godo Galaad’g wa. See njekuma̰-kaji godo wa. See gelee ban ɓa koso-dəwje ləm d’aji el wa.

Ejekel 27:17

Judaje gə Israɛlje lé seḭ sə deeje toje njéndogo gə na̰ néje. Deḛ to njé ree gə kó-wa gə́ Minit ləm, gə nésɔ gə́ lel ləm, gə ubu tə̰ji ləm, gə ubu ləma, gə no̰ kag ləm tɔ mbél ne səi néndogoje ləi.

Misee 1:9

Mbata doo ləa lé to doo gə́ too yaa̰ Aw gə́ kédé-kédé saar teḛ Juda ləm, Aw saar teḛ tarəwkɔg’d lə koso-dəwje ləm ləma, Aw saar teḛ Jerusalem ləm tɔ.

Nahum 3:19

Kuma̰ gə́ a kar ta doo ləi ər kəmsə lé godo, Doo ləi to doo gə́ as yoo. Deḛ lai gə́ d’a koo ta ləi D’a kunda ji dee rag-rag dɔi’g, Mbata see na̰ ɓa némeeyèr ləi lal kɔrɔ rəa wa.

Matiyo 5:26

Ma m’ulai təsərə, lée neelé i a nai keneŋ saar njena a kuga gira ɓaŋgee ŋgər-ŋgər karee godo.