Jeremi 44:3 - Maktub gə́ To gə Kəmee

³ mbata néra majel lə dee gə́ deḛ ra d’aw roo ne néje gə́ ə̰də sululu d’ar magəje ləm, deḛ pole magəje gə́ deḛ əsé seḭ əsé bɔ síje-je gər deeje el lé ləm tɔ d’ar məəm ḭ ne səm pu dɔ dee’g lé.

Jeremi 44:3 Iomraidhean Croise

Nehemi 9:33

I to njera né gə dɔ najee dɔ néje lai gə́ teḛ dɔ sí’g ya I ra néje lai gə goo rəbee Nɛ jeḛ ɓa jeḛ n’raje majel.

Esai 3:8

Njé gə́ Jerusalem ləŋg ləm, Njé gə́ Juda kara d’unda naŋg rəb ləm tɔ Mbata tapa dee gə néra dee ɔs ta lə Njesigənea̰ rəw ləm Deḛ d’ɔs boo-ronduba ləa rəw ləm tɔ.

Jeremi 11:17

Njesigənea̰ gə́ njeboo-néje gə́ man sí lé ɓar némeeko̰ gə́ dɔ sí’g. Mbata meeyèr lə gel-bɔje lə Israɛl ləm, gə ka̰ Judaje ləm tɔ, deḛ ɓa ra né d’ar mee neḛ ḭ ne sə neḛ pu, loo gə́ deḛ tuu ne né gə́ ə̰də sululu d’ar Baal lé.

Jeremi 16:10

Loo gə́ m’a gə kila mber ta néje lai neelé kar koso-dəwje nee d’oo ndá d’a dəjim pana: See gelee ban ɓa Njesigənea̰ wɔji-kwɔji kar boo-nékəmndooje neelé teḛ dɔ dee’g wa. See ɗi ɓa gə́ néra kori-kori lə dee wa. See kaiya gə́ ra ɓa deḛ ra d’ɔs ne ta lə Njesigənea̰, Ala lə dee rəw wa.

Jeremi 22:9

Ndá d’a kila dee keneŋ pana: Mbata deḛ d’uba ta manrɔ lə Njesigənea̰ d’ya̰ ləm, deḛ d’unda barmba dəb kəm dee naŋg no̰ magəje’g pole dee ne ləm tɔ.

Jeremi 29:19

mbata deḛ d’un mbi dee rəw dɔ taje’g ləm ləm, deḛ gə́ m’a m’ula kuraje ləm gə́ to njéteggintaje rɔ dee’g un kudee gə ndɔ rad nɛ deḛ d’un mbi dee rəw dɔ’g lé. Njesigənea̰ ɓa pa bèe.

Jeremi 32:30

Mbata Israɛlje gə Judaje lé un kudee gə basa dee ya, né gə́ majel ɓa deḛ ra kəm’g, Israɛlje lé d’ar məəm ḭ səm pu gə né gə́ ji dee ɓa ra. Njesigənea̰ ɓa pa bèe.

Jeremi 44:23

Mbata seḭ tuuje né gə́ ə̰də sululu raje ne kaiya ɔsje ne ta lə Njesigənea̰ rəw ləm, mbata seḭ unje mbi sí rəw dɔ ta’g lə Njesigənea̰ ləma, seḭ aaje dɔ godndiaje, gə ndukunje ləa, gə torndiaje el ləm tɔ, gelee gə́ nee ɓa némeekonje nee teḛ ne dɔ sí’g to gə́ d’oo ne ɓogənè lé tɔ.

Jeremi 44:8

See gelee ban ɓa seḭ arje məəm ḭ səm jugugu gə néje gə́ seḭ raje gə ji sí, tuuje ne né gə́ ə̰də sululu arje magəje gə́ mee ɓee gə́ Ejiptə gə́ seḭ ree síje keneŋ lé gə mba kam m’ar sí uduje ne guduru ləm, gə kar sí toje ne nékila ndɔl dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg’g lai dɔ naŋg nee bèe wa.

Jeremi 5:19

Ɓó lé seḭ paje pana: See gelee ban ɓa Njesigənea̰, Ala lə sí ra sə sí né gə́ togə́bè wa. Ndá m’a tel kila sí keneŋ pana: To gə́ seḭ ubamje ya̰’mje mba ra né kar magəje gə́ dɔ ɓeeje’g mee ɓee’g lə sí lé togə́bè ɓa seḭ a raje né kar dəw-dɔ-ɓeeje mee ɓee gə́ to ka̰ sí el tɔ.

Jeremi 5:29

Njesigənea̰ pana: Néraje gə́ togə́bè lé see m’a kar bo̰ néra dee Ɔs ne ta dee’g el wa. Ginkoji dəwje gə́ togə́bè lé See m’a dal ba̰ ləm dɔ dee’g el wa.

Jeremi 7:19

See to ma ya ɓa gə́ d’ar meḛ dee ḭ sə dee pu dɔm’g wa. Njesigənea̰ dəji ta bèe. See to deḛ nja ɓa meḛ dee ḭ sə dee pu dɔ rɔ dee’g ar boo-rɔkul wa ne kəm dee el wa.

Nɔ̰-ndôo gə́ wɔji dɔ Jerusalem 1:8

Njé gə́ Jerusalem lé d’ar kaiya ra dee Ḭ dɔ maree’d gə́ kédé-kédé, Gelee gə́ nee ɓa deḛ tel to ne néje gə́ to kḛji ya. Deḛ lai gə́ to njékula rɔnduba dɔ dee’gje lé D’ə̰ji dee bəḭ-bəḭ loo gə́ deḛ d’oo dee Loo-kaw-kudu-dum’g lə dee. Ndá deḛ kara tuma̰ ne ŋgururu-ŋgururu ləm, Tel ne kəm dee par gə́ raŋg ləm tɔ.

Nɔ̰-ndôo gə́ wɔji dɔ Jerusalem 4:13

Gelee wɔji ne dɔ kaiya ra njéteggintaje ləa ləm, Gə néra kori-kori lə njékinjanéməsje ləa Gə́ d’ila məs njémeekarabasurje naŋg Kari ba lé ləm tɔ.

Ejekel 9:9

Yeḛ tel ilam keneŋ pana: Néra kori-kori lə gel-bɔje lə Israɛl gə Juda al dɔ loo sula. Kila məs taa mee ɓee pəl-pəl ləm, néra gə́ lal najee rusu ɓee-boo tub-tub ləm tɔ. Mbata deḛ pana: Njesigənea̰ uba ɓee ya̰ ləm, Njesigənea̰ oo né kára kara keneŋ el ləm tɔ.

Loo gə́ killa rea kəm Daniel’g 9:5

Jeḛ n’raje kaiya ləm, jeḛ n’raje néraje gə́ kori-kori ləm, jeḛ n’toje njémeeyèrje gə njékaltaje ləma, godnduije gə tornduije lé j’uba dee j’ya̰ dee ləm tɔ.

Tel tura Godndu 13:6

Njetegginta əsé njeni neelé d’a tɔlee gə́ tɔl ya mbata yeḛ pata mba kar sí ɔsje ne Ala lə sí gə́ Njesigənea̰ rəw, yeḛ gə́ ar sí undaje loo mee ɓee gə́ Ejiptə teḛje ɔr sí ne kəi-kula-ɓər’g tɔɓəi rəw gə́ Ala lə sí gə́ Njesigənea̰ un ndia gə mba kar sí njaaje keneŋ lé debee neelé ndigi kar sí ubaje ya̰je. Togə́bè ɓa seḭ a kɔrje ne né gə́ majel mbuna sí’g tɔ.

Tel tura Godndu 29:25

To mbata deḛ d’aw pole magəje ləm, d’unda barmba no̰ dee’g ləm tɔ, to magəje gə́ deḛ gər dee el ləm, Njesigənea̰ ar dee gə́ néka̰ dee el ləm tɔ.

Tel tura Godndu 29:26

Gelee gə́ nee ɓa boo-oŋg lə Njesigənea̰ gə́ o̰ to gə́ pər bèe lé teḛ ne dɔ ɓee’g neelé ləm, yeḛ ar ndɔlje lai gə́ ndaŋg taree mee maktub’g neelé teḛ ne dəa’g ləm tɔ.

Tel tura Godndu 32:17

Deḛ d’inja néməs d’ar magəje gə́ to Ala el ləm Deḛ d’ar magəje gə́ deḛ gər dee el ləma Deḛ gə́ sigi gə́ ree ɓasinè ɓəi Gə́ bɔ síje-je ɓəl dee el ləm tɔ.

Ǝbrəje 3:16

See na̰je ɓa to njékaltaje loo gə́ deḛ d’oo ndia mba̰ lé wa. See to deḛ gə́ d’ḭ Ejiptə gə́ Moyis ɔr no̰ dee lé el wa.