Jeremi 44:16 - Maktub gə́ To gə Kəmee

¹⁶ Jeḛ j’a kila koji dɔ ta kára kara gə́ i ula sí gə ri Njesigənea̰ lé el.

Jeremi 44:16 Iomraidhean Croise

Pakɔsje 2:3

Deḛ pana: Maji kar sí n’gaŋgje kúla lə dee rɔ sí’g ləm, Ar sí n’tije kúla lar lə dee gə́ d’wa sí ne lé ləm tɔ.

Teḛ-Raga 5:2

Parao̰ ila dee keneŋ pana: See Njesigənea̰ to gə́ na̰ ɓa m’a kila ŋgonkoji dɔ tapea’g mba kya̰ ne Israɛlje kar dee d’aw wa. Njesigənea̰ lé ma m’gəree el ləm, m’a kya̰ Israɛlje kar dee d’aw bèe el ləm tɔ.

Gosota-Kəmkàrje 1:24

Mbata ma m’ɓar sí Nɛ seḭ mbad reeje ləm, Ma m’ula jim ndiŋ Nɛ dəw kára kara oo gə́ né el ləm,

Esai 3:9

Kəm dee-deḛ ya ɔr ta ila dɔ dee’g ləm, Néra majelje lə dee lé d’ila mberee wəl-wəl To gə́ ka̰ njé gə́ Sɔdɔm Ɓó d’iya dəa el ləm tɔ. Meeko̰ a koso dɔ dee’g Mbata deḛ d’wa dɔ gɔl néje gə́ majel Gə́ a gə tel koso dɔ dee-deḛ’g ya.

Jeremi 11:10

Deḛ tel d’uru dan néraje gə́ kori-kori’g lə bɔ deeje-je gə́ dɔtar gə́ mbad koo taje ləm lé ləm, deḛ ndolè goo magəje gə́ dɔ ɓee’g ɓa pole dee ləm tɔ. Gel-bɔje lə Israɛl gə gel-bɔje lə Juda d’uba goo ta manrɔ lə neḛ gə́ n’ar bɔ deeje-je lé d’ya̰ ya.

Jeremi 11:8

Nɛ deḛ d’un mbi dee rəw dɔ ta’g neelé ləm, deḛ d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ. Yen ɓa taje lai gə́ mee manrɔ’g neelé gə́ neḛ n’un ndu neḛ dɔ’g mba kar dee d’aa dəa nɛ deḛ ra née el lé n’aree aw ne lée’g béréré dɔ dee’g gə mbəa,

Jeremi 13:10

Koso-dəwje nee gə́ to njémeeyèrje gə́ mbad koo taje lə neḛ ləm, gə́ ndolè goo takə̰jije gə́ meḛ dee’g ləma, gə ndolè goo magəje gə mba pole dee kunda ne barmba dəb kəm dee naŋg no̰ dee’g ləm tɔ lé maji kar dee tel to d’asəna gə ndar neelé gə́ to kəm ra ne né kára el ŋga lé tɔ.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 38:4

Bèe ɓa ŋgan-mbaije d’ula mbai pana: Dəw neelé kəm karee wəi mbata yeḛ ila mber togə́bè ar meḛ dəwje gə́ njérɔje gə́ nai mee ɓee-boo’g neelé ləm, gə koso-dəwje lai ləm tɔ ila kas bilim. Dəw neelé saŋg maji lə koso-dəwje el nɛ meeko̰ lə dee ɓa.

Jeremi 42:13

Nɛ ɓó lé seḭ ilaje ŋgonkoji dɔ ta’g lə Njesigənea̰, Ala lə sí el,

Jeremi 43:2

ndá Ajaria, ŋgolə Hosee gə Jokana, ŋgolə Karea gə dəwje nee lai gə́ to njébeeleje lé d’ula Jeremi pana: I pata ŋgɔm. Ala lə sí gə́ Njesigənea̰ ulai mba kari ula sí pana: Maji kar sí j’aw j’isije Ejiptə el lé bèe godo.

Jeremi 44:24

Jeremi tel ula koso-dəwje lai gə denéje lai tɔɓəi pana: Ooje ta lə Njesigənea̰, seḭ dəwje lai gə́ Juda gə́ síje mee ɓee gə́ Ejiptə lé!

Jeremi 44:25

Njesigənea̰ gə́ njeboo-néje gə́ to Ala lə Israɛlje lé pa togə́bè pana: Seḭ gə denéje lə sí, seḭ paje ta gə ta sí ləm, seḭ raje né gə́ seḭ paje taree gə ta sí lé ləm tɔ pajena: Seḭ ndigije raje né gə́ seḭ unje ndu sí gə mba ra, mba tuu né gə́ ə̰də sululu kar mbai gə́ dené gə́ pən dara’g ləm, gə kun nékar gə́ ka̰ saga naŋg karee ləm tɔ. Ɓasinè to gə́ seḭ arje tapa sí aw lée’g béréré mba̰ ləm, né gə́ seḭ unje ndu sí dɔ’g lé seḭ raje mba̰ ya ləm tɔ

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Jeremi 8:12

D’a si gə rɔkul mbata deḛ ra néje gə́ mina̰, Rɔkul ra dee el ləm, sɔḭ wa kəm dee el ləm tɔ. Gelee gə́ nee ɓa d’a koso na̰’d Gə deḛ gə́ d’oso lé ləm, N’a tɔs dee tila dee Loo gə́ n’a kar bo̰ néra dee ɔs ta dee’g ləm tɔ. Njesigənea̰ ɓa pa bèe.

Jeremi 8:6

Neḛ n’isi gèŋ N’ur mbi neḛ gə mba koo ndu dee, Deḛ pata gə́ kəm kar dee pa lé el, Nɛ dəw kára kara wa ndòo rəa Dɔ meeyèr’g ləa el ləm, Dəji pana: See ɗi ɓa m’a ra wa kara bèe el ləm tɔ. Deḛ lai tel d’un rəw néra dee gogo To gə́ kunda gə́ aiŋgwɔd gə́ loo-rɔ’g bèe.

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Lugu 19:14

Nɛ njéɓeeje ləa d’ə̰jee bəḭ-bəḭ ndá d’ula njékaḭkulaje gée’g mba kar dee pana: Jeḛ ndigi kar dəw neelé o̰ ɓee dɔ sí’g el.

Lugu 19:27

Ges ta gə́ nai ɓa nee: Njéba̰je ləm gə́ ndigi karm m’o̰ ɓee dɔ dee’g el lé wa deeje gə́ nee amje ndá tɔl deeje kəm’g nee ya.

1 Samel 8:19

Koso-dəwje d’ɔs mbi dee jigi d’udu dɔ ta’g lə Samel. Deḛ pana: Wai! Lé riri kara mbai a si dɔ sí’g ya.