Jeremi 44:15 - Maktub gə́ To gə Kəmee

¹⁵ Diŋgamje lai gə́ d’oo to gə́ denéje lə dee d’aw roo né gə́ ə̰də sululu d’ar magəje ləm, gə denéje lai gə́ d’aar lée’g nee gə bula dee lé ləma, gə koso-dəwje lai gə́ d’isi mee ɓee gə́ Ejiptə mee ɓee-boo gə́ Patros ləm tɔ lé d’ila Jeremi keneŋ pana:

Jeremi 44:15 Iomraidhean Croise

Gḭ-Néje 19:4

Deḛ to naŋg el ya ɓəi ndá dəwje gə́ mee ɓee-boo’d gə́ to dəwje gə́ Sɔdɔm lé ree gugu dɔ kəi sub, un kudee dɔ ŋganje’g saar teḛ ne dɔ ɓugaje’g ya. Koso-dəwje lai lé d’aḭ ree keneŋ ar dəw kára kara naḭ el tɔ.

Nehemi 13:26

See yee gə́ bèe ɓa gə́ kaiya ra Salomo̰, mbai lə Israɛlje el wa. Mbai gə́ to tana səa mbuna ginkoji dəwje gə raŋg gə́ bula digi-digi gə́ Ala ləa ndigee to gə́ yeḛ bèe lé godo ndá Ala ɓa undá gə́ mbai dɔ Israɛlje’g lai. Lé bèe kara denéje gə́ dɔɓeje’g ɓa ndɔree d’ilá dan kaiya’g.

Gosota-Kəmkàrje 11:21

Tɔgərɔ ya, njemeeyèr lé Si lal kar bo̰ nérea ɔs təa’g el, Nɛ ŋgaka njémeekarabasurje lé D’a kɔr ta dɔ dee’g.

Esai 1:5

Loo gə́ kɔs ta rəw lə sí ḭ dɔ maree’d gə́ kédé-kédé lé See bo̰ néra sí gə́ sigi Gə́ ra ɓa kəm karee ɔs ta sí’g wa. Rɔko̰ ta dɔ sí bura pəl-pəl ləm, Meḛ sí bura kara tila ŋgaḭla-ŋgaḭla ləm tɔ.

Esai 48:5

Yee ɓa ma m’ula sí ne ta néje neelé kédé Ɓad ɓa né teḛ ɓəi ləm, Kédé ɓa kar dee ree ɓəi kara Ma m’ar sí ooje ləm tɔ Gə mba kar sí pajena: To gə́ magəje lə sí ɓa ra dee To néndajije lə sí gə́ tɔl dee əsé gə́ léḛ dee Ɓa d’un ndu dee a paje bèe el.

Jeremi 44:1

Ta gə́ oso mbi Jeremi’g wɔji dɔ Judaje lai gə́ d’isi mee ɓee gə́ Ejiptə, mee ɓee-booje gə́ Migdɔl, gə Tapanɛs, gə Nop, gə mee ɓee gə́ Patros ləm tɔ lé ɓa nee:

Jeremi 44:19

Ta gə́ raŋg ya ɓəi, loo gə́ jeḛ n’tuuje né gə́ ə̰də sululu j’arje mbai gə́ dené gə́ pən dara’g ləm, gə j’unje nékarje gə́ ka̰ saga naŋg j’areeje ləm tɔ lé see jeḛ n’raje mbəje j’ula ne rɔnduba dəa’g ləm, j’unje ne nékarje gə́ ka̰ saga naŋg j’areeje ləm tɔ lal kar ŋgaw síje ndigi sə sí dɔ’g wa.

Jeremi 44:24

Jeremi tel ula koso-dəwje lai gə denéje lai tɔɓəi pana: Ooje ta lə Njesigənea̰, seḭ dəwje lai gə́ Juda gə́ síje mee ɓee gə́ Ejiptə lé!

Ejekel 29:14

N’a tel gə Ejiptəje gə́ d’aw sə dee ɓee-ɓər’g lé ree sə dee ndá n’a ree sə dee mee ɓee gə́ Patros gə́ to ɓee gə́ gin dee ḭ keneŋ tɔɓəi lé neelé ɓa d’a tum gin ɓeeko̰ gə́ kul kwɔji-kwɔji keneŋ tɔ.

Ejekel 30:14

N’a kar Patros tel to dɔ nduba ləm, n’a kila pər dɔ Soa̰’g ləma, n’a gaŋgta dɔ No’g ləm tɔ.

Matiyo 7:13

Tarəw gə́ njo̰ ɓa a̰dje keneŋ. Mbata rəw gə́ aḭ gə́ loo-tuji’g lé tad yaa̰ ləm, tarəw kara to tag bə̰dəŋ ləm tɔ ar dəwje bula d’aw keneŋ budu-budu.

Tel tura Godndu 13:7

Ɓó lé ŋgoko̰ sí gə́ to ŋgolə ko̰ síje əsé ŋgon sí gə́ diŋgam əsé yeḛ gə́ dené əsé dené lə sí gə́ gəd əsé baokura lə sí gə́ seḭ ndigeeje to gə́ darɔ sí bèe ɓa ɔs sí gə goo ŋgəḭ ula sí pana: Ar sí j’aw m’poleje magəje gə́ seḭ əsé bɔ síje-je gər deeje el