Jeremi 44:13 - Maktub gə́ To gə Kəmee

¹³ M’a kar bo̰ néra deḛ gə́ d’isi mee ɓee gə́ Ejiptə lé ɔs ta dee’g to gə́ m’ar bo̰ néra njé gə́ Jerusalem ɔs ta dee’g gə kiambas, gə ɓoo-boo gə yoo-koso bèe lé tɔ.

Jeremi 44:13 Iomraidhean Croise

Jeremi 11:22

Gelee gə́ nee ɓa Njesigənea̰ gə́ njeboo-néje lé pa ne pana: Aa oo, m’a gə kar bo̰ néra dee ɔs ta dee’g ya. Basaje d’a kwəi yoo-kiambas ləm, ŋgan deeje gə́ diŋgam gə njé gə́ dené d’a kwəi yoo ɓoo-boo ləm tɔ.

Jeremi 21:9

Yeḛ gə́ a nai mee ɓee-boo’g neelé ndá a kwəi yoo-kiambas, gə ɓoo-boo əsé yoo-koso. Nɛ yeḛ gə́ a teḛ kaw rɔ Kaldeje gə́ d’aḭ dɔ sí sub gə rɔ lé ndá a si kəmba ləm, si kəmba ləa ɓa a to nébanrɔ ləa ləm tɔ.

Jeremi 24:10

M’a kula gə kiambas gə ɓoo-boo gə yoo-koso mbuna dee’g saar kar dee godo mee ɓee gə́ m’ar dee-deḛ gə bɔ deeje-je lé.

Jeremi 24:9

M’a kar dee to néɓəl gə némeeko̰ mbata lə ɓeeko̰je lai gə́ dɔ naŋg nee ləm, m’a kar dee to nékula sul dɔ’g ləm, gə nékunda kogo ləm, gə nékɔr sor ndam ləma, gə nékila ndɔl dɔ’g ləm tɔ mee looje lai gə́ m’a gə tuba dee keneŋ lé.

Jeremi 42:15

ndá maji kar sí ooje ta lə Njesigənea̰, seḭ ges Judaje gə́ naije! Njesigənea̰ gə́ njeboo-néje, Ala lə Israɛlje pa togə́bè pana: Ɓó lé seḭ aarje njaŋg Dɔ kaw Ejiptə’g ləm, Ɓó lé seḭ aw síje keneŋ ləm tɔ ndá

Jeremi 42:16

Kia-rɔ gə́ seḭ ɓəleeje lé A kinja sí mee ɓee gə́ Ejiptə ləm, Ɓoo-boo gə́ seḭ ɓəleeje lé A ree goo sí’g mee ɓee gə́ Ejiptə neelé ləm tɔ Ndá seḭ a kwəije keneŋ.

Jeremi 42:17

Deḛ lai gə́ d’a kaar njaŋg Dɔ kaw Ejiptə’g kaw kisi keneŋ lé D’a kwəi yoo-kiambas ləm, Gə yoo-ɓoo-boo ləma, Gə yoo-koso ləm tɔ Ɓó dəw kára kara a nai el ləm, Dəw kára kara a kaḭ No̰ némeekonje gə́ m’a kar dee ree Dɔ dee’g lé el ləm tɔ.

Jeremi 42:18

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: To gə́ oŋg gə meekḭ jugugu ləm ɔm dɔ dəwje gə́ Jerusalem’g lé ɓó lé seḭ awje Ejiptə ndá meekḭ jugugu ləm a kɔm dɔ sí’g togə́bè tɔ, seḭ a toje né kun kunda yoo dɔ’g lə dəwje ləm, gə néɓəl ləm, gə nékila ndɔl dɔ’g ləma, gə nékila rɔkul-boo dɔ’g ləm tɔ. Ndá seḭ a kooje loo neelé gogo el.

Jeremi 43:11

Yeḛ a ree rɔ ɓee gə́ Ejiptə. Deḛ gə́ d’wɔji dɔ kwəi ndá kwəi ya d’a kwəi ləm, deḛ gə́ d’wɔji dɔ kaw ɓər ndá ɓər ya d’a kaw ləma, deḛ gə́ d’wɔji dɔ kiambas ndá kiambas ya d’a kwəi ne ləm tɔ.

Ojee 9:6

Mbata aa ooje, deḛ d’aḭ mbata tuji-boo gə́ oso dɔ dee’g. Ejiptəje d’a kwa dee gə́ rɔ dee’g ləm, Mopje d’a kar dee bwa-doɓarje ləm tɔ, Néje lə dee gə́ gad dee to yaa̰ ləm, Gə larndaje lə dee ləm tɔ lé Kun-pɔrɔrɔje d’a turu dɔ dee pubug ləm, Kunje d’a kuba mee kəi-kubuje’g lə dee ləm tɔ.