Jeremi 44:1 - Maktub gə́ To gə Kəmee

¹ Ta gə́ oso mbi Jeremi’g wɔji dɔ Judaje lai gə́ d’isi mee ɓee gə́ Ejiptə, mee ɓee-booje gə́ Migdɔl, gə Tapanɛs, gə Nop, gə mee ɓee gə́ Patros ləm tɔ lé ɓa nee:

Jeremi 44:1 Iomraidhean Croise

Gḭ-Néje 10:14

gə Patrusje, gə Kasluje gə́ Pilistije gə Kaptɔrje d’ḭ keneŋ tɔ.

Teḛ-Raga 14:2

Maji kari ula Israɛlje ar dee d’ɔs tel d’un rəw gə́ raŋg mba kisi gir Pi-Hahirot’d gə́ to mbuna Migdɔl’g gə baa-boo gə́ wɔji dɔ Baal-Sepo̰ njoroŋ lé, loo neelé seḭ a síje keneŋ kwaje rɔ sí mbɔr baa-boo’g.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 19:13

Dəwje gə́ boo gə́ Soa̰ to mbəje ləm, Dəwje gə́ boo gə́ Nop lé D’ɔm meḛ dee dɔ nésukəmloo’g ləma, Mbaije lə ginkoji dəwje gə raŋg lé Deḛ su kəm Ejiptəje d’ar dee ndəm ləm tɔ.

Jeremi 2:16

Ŋgalə Nop gə Tapanɛs kara D’a tɔ ka dɔ sí rɔb-rɔb ya.

Jeremi 24:8

M’a kar Sedesias, mbai gə́ Juda ləm, gə ŋgan-mbaije ləa ləm, gə ges dəwje gə́ Jerusalem ləm, gə njé gə́ nai mee ɓee’g nee ləma, gə njé gə́ d’isi mee ɓee gə́ Ejiptə ləm tɔ lé tel to d’asəna gə kandə kodéje gə́ majel gə́ kəm sɔ el mbata majel lə dee lé bèe. Njesigənea̰ ɓa pa bèe.

Jeremi 43:13

Yeḛ a təd néndajije gə́ Bet-Semes mee ɓee gə́ Ejiptə’g ləm, yeḛ a roo kəije lə magəje gə́ Ejiptə ləm tɔ.

Jeremi 44:15

Diŋgamje lai gə́ d’oo to gə́ denéje lə dee d’aw roo né gə́ ə̰də sululu d’ar magəje ləm, gə denéje lai gə́ d’aar lée’g nee gə bula dee lé ləma, gə koso-dəwje lai gə́ d’isi mee ɓee gə́ Ejiptə mee ɓee-boo gə́ Patros ləm tɔ lé d’ila Jeremi keneŋ pana:

Jeremi 46:14

Ilaje mberee mee ɓee gə́ Ejiptə ləm, Ar deeje d’oo taree loo gə́ Migdɔl ləma, Ar deeje d’oo taree mee ɓee-boo Gə́ Nop gə Tapanɛs ləm tɔ Pajena: Ḭta wa dɔ gɔl rɔi, Mbata kiambas sɔ né gugu dɔi sub!

Jeremi 46:19

Waje dɔgɔl rɔ sí Mba kaw ɓee-ɓər’g, Seḭ gə́ síje Ejiptə Gə́ toje asjena gə ŋgama̰dje bèe lé. Mbata Nop a tel dɔdilaloo ləm, A tuji pugudu-pugudu ləma, Dəw kára kara a kisi keneŋ el ŋga ləm tɔ.

Ejekel 29:10

Gelee gə́ nee ɓa aa oo, neḛ n’aw səi-i gə baa-boo ləi gə ta tɔɓəi n’a kar ɓee gə́ Ejiptə tel to dɔdilaloo gə́ wa ŋgɔ njag-njag un kudee Migdɔl saar teḛ Sienə ləm, gə saar teḛ rəw-nimje gə́ Etiopi ləm tɔ.

Ejekel 29:14

N’a tel gə Ejiptəje gə́ d’aw sə dee ɓee-ɓər’g lé ree sə dee ndá n’a ree sə dee mee ɓee gə́ Patros gə́ to ɓee gə́ gin dee ḭ keneŋ tɔɓəi lé neelé ɓa d’a tum gin ɓeeko̰ gə́ kul kwɔji-kwɔji keneŋ tɔ.

Ejekel 30:13

Mbaidɔmbaije gə́ Njesigənea̰ pa togə́bè pana: N’a tuji magə-poleje ləm, n’a tɔr néndajije gə́ gə mḭdé ba mee ɓee gə́ Nop rɔd-rɔd ləm tɔ. Mbai gə́ njekaa dɔ dəb ɓeeko̰ gə́ Ejiptə a godo ləm, n’a kɔm ɓəl-boo dɔ ɓee gə́ Ejiptə’g ləm tɔ.

Ejekel 30:14

N’a kar Patros tel to dɔ nduba ləm, n’a kila pər dɔ Soa̰’g ləma, n’a gaŋgta dɔ No’g ləm tɔ.

Ejekel 30:16

N’a kila pər dɔ ɓee gə́ Ejiptə’g, néɓəŋgərəti a ra njé gə́ Sḭ ləm, kəm ndògo-bɔrɔ gə́ ta̰ lé a kar No to raga ndəgəsə ləma, tɔɓəi njéba̰je lə Nop lé d’a dum dəa dan kàrá ləm tɔ.

Ejekel 30:18

Loo gə́ n’a təd néməməna̰ lə Ejiptə kar siŋgamoŋ ləa gə́ yee aw beelé ne lé unda ŋgaŋgee ndá lookàr a tel loondul mee ɓee gə́ Tapanɛs’g. Mum a dəb dɔ Tapanɛs’g ləm, d’a kwa ŋganeeje gə́ dené kaw sə dee ɓee-ɓər’g ləm tɔ.

Ojee 9:6

Mbata aa ooje, deḛ d’aḭ mbata tuji-boo gə́ oso dɔ dee’g. Ejiptəje d’a kwa dee gə́ rɔ dee’g ləm, Mopje d’a kar dee bwa-doɓarje ləm tɔ, Néje lə dee gə́ gad dee to yaa̰ ləm, Gə larndaje lə dee ləm tɔ lé Kun-pɔrɔrɔje d’a turu dɔ dee pubug ləm, Kunje d’a kuba mee kəi-kubuje’g lə dee ləm tɔ.