Jeremi 43:6 - Maktub gə́ To gə Kəmee

⁶ diŋgamje, gə denéje, gə ŋganje, gə ŋganje gə́ dené gə́ to ŋgalə mbai ləm, gə dəwje lai gə́ Nebujaradan, mbai dɔ njéŋgəmlooje ya̰ dee ji Gedalia’g, ŋgolə Ahikam gə́ to ŋgolə Sapan ləma, gə Jeremi, njetegginta, gə Baruk, ŋgolə Nerija ləm tɔ lé d’aw sə dee.

Jeremi 43:6 Iomraidhean Croise

Jeremi 38:22

D’a kaw gə denéje lai gə́ nai mee kəi’g lə mbai gə́ Juda kar ŋgan-mbaije lə mbai gə́ Babilɔn, ndá denéje neelé d’a pa pana: Deḛ gə́ d’ila mber meekulɔm d’ari lé Deḛ su kəmi dum ne dɔi, Nɛ loo gə́ i ula gɔli bɔrɔ-dubu’g Ndá deḛ sa rɔ dee.

Jeremi 39:10

Nɛ Nebujaradan, mbai dɔ njéŋgəmlooje ya̰ njéndooje gə́ na̰je gə́ ndòo d’unda mar deeje mbuna koso-dəwje’g ləm, gə deḛ gə́ né kára kara godo ji dee’g ləm tɔ mee ɓee gə́ Juda ndá yeḛ ar dee ndɔ nduúje ləm, gə ndɔje ləm tɔ.

Jeremi 40:11

Judaje lai gə́ d’isi mee ɓee gə́ Moab, mbuna Amo̰je’g ləm, gə mee ɓee gə́ Edɔm ləm, gə mee ɓeeje’g lai ləm tɔ lé d’oo to gə́ mbai gə́ Babilɔn ya̰ ges dəwje mee ɓee gə́ Juda ləm, ar dee Gedalia, ŋgolə Ahikam gə́ to ŋgolə Sapan gə́ njeguburuɓee keneŋ ləm tɔ.

Jeremi 40:7

Loo gə́ mbai dɔ kudu-njérɔje lai gə́ d’isi walá, deḛ gə dəwje lə dee d’oo to gə́ mbai gə́ Babilɔn unda Gedalia, ŋgolə Ahikam gə́ njeguburuɓee ləm, gə ɔm diŋgamje, gə denéje, gə ŋganje ləm, gə njéndooje gə́ mee ɓee’d gə́ d’aw sə dee ɓee-ɓər’g Babilɔn el ləm tɔ lé jia’g ndá

Jeremi 41:10

Dəwje lai gə́ nai Mispa lé Ismael wa dee daŋgai, ŋgalə mbai gə́ ma̰də ləm, gə njé gə́ mbuna koso-dəwje lai gə́ nai mee ɓee gə́ Mispa, deḛ gə́ Nebujaradan, mbai dɔ njéŋgəmlooje ɔm dee ji Gedalia’g, ŋgolə Ahikam ləm tɔ. Ismael, ŋgolə Netania wa dee ɓər aw sə dee mba dəs ne mee ɓee’g lə Amo̰je.

Jeremi 43:3

Nɛ to Baruk, ŋgolə Nerija ɓa ɔsi ɓɔḭ-ɓɔḭ dɔ sí’g mba kari ɔm sí ji Kaldeje’g mba kar dee tɔl sí əsé d’wa sí ɓər d’aw sə sí Babilɔn.

Jeremi 45:1

Ta gə́ Jeremi, njetegginta ula Baruk, ŋgolə Nerija loo gə́ si ndaŋg ne taje nee mee maktub’g gə goo ta gə́ Jeremi ndaji aree mee ləb ko̰ɓee’g lə Jojakim, ŋgolə Jojias, mbai gə́ Juda gə́ njekɔm’g sɔ lé. Yeḛ pana:

Jeremi 52:10

Mbai gə́ Babilɔn ar dee tḭja gwɔb ŋgalə Sedesias kəmee’g. Tɔɓəi yeḛ ar dee tḭja gwɔb mbaije gə́ Juda lai mee ɓee-boo gə́ Ribla tɔ.

Nɔ̰-ndôo gə́ wɔji dɔ Jerusalem 3:1

Ma lé m’to dəw gə́ m’oo ko̰-né Loo gə́ yeḛ undam gə ndəi-kɔb gə́ ka̰ meekḭ pu ləa.

Tagə́maji gə́ Ja̰ ndang 21:18

Ma m’ulai təsərə, loo gə́ i nai basa ɓəi lé i wa dɔ kubu ləi gə ndar aw ne loo to gə́ məəi ndigi. Nɛ loo gə́ i a ɓuga mba̰ ndá i a tura jii par ndá dəw gə́ raŋg ɓa a kwa ndar dɔ kubu ləi tɔ ndá a kɔd kundai kaw səi loo gə́ məəi ndigi’g el ŋga.