Jeremi 43:3 - Maktub gə́ To gə Kəmee

³ Nɛ to Baruk, ŋgolə Nerija ɓa ɔsi ɓɔḭ-ɓɔḭ dɔ sí’g mba kari ɔm sí ji Kaldeje’g mba kar dee tɔl sí əsé d’wa sí ɓər d’aw sə sí Babilɔn.

Jeremi 43:3 Iomraidhean Croise

Pakɔsje 109:4

Ma lé m’unda dee dan kəm’g Nɛ deḛ ndá tel to gə́ njékoma̰ səmje. Nɛ ma lé tamaji ɓa m’ra ya.

Jeremi 32:12

M’aw gə maktub ndogo loo-ndɔ lé m’ar Baruk, ŋgolə Nerija, ŋgolə Mahséja kəm Hananeel’d gə́ to ŋgolə bɔm lé ləm, gə kəm njékoo géeje gə́ d’unda ji dee dɔ maktub ndogee’g lé ləma, gə kəm Judaje’g lai gə́ d’isi mee gad kəi-daŋgai’g lé ləm tɔ.

Jeremi 36:10

Bèe ɓa Baruk tura taje lə Jeremi gə́ to mee maktub gə́ kə́ na̰’d lé no̰ koso-dəwje’g mee kəi’g lə Njesigənea̰. Ŋgon kəi gə́ yeḛ tura taree keneŋ lé to ka̰ Gemaria, ŋgolə Sapan, gə́ to njendaji-maktub gə́ to mee gadloo gə́ boo gə́ to mbɔr takəi’g lə Njesigənea̰ gə́ ria lə Takəi gə́ Sigi lé.

Jeremi 36:26

Mbai lé un ndia ar Jerameel, ŋgolə mbai ləm, gə Seraja, ŋgolə Asriel ləma, gə Selemia, ŋgolə Abdeel ləm tɔ mba kar dee d’wa Baruk, njendaji-maktub lə Jeremi gə Jeremi njetegginta lé. Nɛ Njesigənea̰ iya dee kág.

Jeremi 36:4

Jeremi ɓar Baruk, ŋgolə Nerija ndá Baruk ndaŋg taje lai gə́ Njesigənea̰ ula Jeremi lé mee maktub’g gə goo ndaji gə́ Jeremi ndaji taree aree lé.

Jeremi 38:4

Bèe ɓa ŋgan-mbaije d’ula mbai pana: Dəw neelé kəm karee wəi mbata yeḛ ila mber togə́bè ar meḛ dəwje gə́ njérɔje gə́ nai mee ɓee-boo’g neelé ləm, gə koso-dəwje lai ləm tɔ ila kas bilim. Dəw neelé saŋg maji lə koso-dəwje el nɛ meeko̰ lə dee ɓa.

Jeremi 41:18

deḛ ɓəl mbata Ismael, ŋgolə Netania tɔl Gedalia, ŋgolə Ahikam gə́ mbai gə́ Babilɔn undá gə́ njeguburuɓee lé.

Jeremi 43:6

diŋgamje, gə denéje, gə ŋganje, gə ŋganje gə́ dené gə́ to ŋgalə mbai ləm, gə dəwje lai gə́ Nebujaradan, mbai dɔ njéŋgəmlooje ya̰ dee ji Gedalia’g, ŋgolə Ahikam gə́ to ŋgolə Sapan ləma, gə Jeremi, njetegginta, gə Baruk, ŋgolə Nerija ləm tɔ lé d’aw sə dee.

Lugu 6:26

Seḭ gə́ dəwje lai d’ɔr ta lə sí maji lé meeko̰ a koso dɔ sí’g mbata ka deeje lé to gə́ njéra né togəbèje gə njéteggintaje gə́ ŋgɔm lé bèe tɔ.