Jeremi 43:12 - Maktub gə́ To gə Kəmee

¹² M’a tula pər kəi-magəje gə́ Ejiptə. Nebukadnesar a roo dee ləm, a kaw gə magəje ɓee-ɓər’g ləma, yeḛ a ɓiri rəa gə ɓee gə́ Ejiptə to gə́ njekulbadje ɓiri rəa gə kubu ləa bèe ləm tɔ, ndá yeḛ a teḛ lée’g neelé kaw gə meekulɔm.

Jeremi 43:12 Iomraidhean Croise

2 Samel 5:21

Lée neelé deḛ d’ya̰ magə-poleje lə dee naŋg ndá Dabid gə njé’g ləa d’odo d’aw ne.

Este 6:9

maji kar dee d’ar dəw gə́ boo kára mbuna ŋgan-mbaije’g lə mbai kubu neelé gə kunda neelé mba karee ula kubu neelé rɔ dəw gə́ mbai ndigi kula rɔnduba dəa’g lé ləm, maji karee njaa gə kunda unda ne ndaa-loo gə́ mee ɓee-boo’g dana gaŋg ləma, kar dee d’ila mber nea̰’g ləm tɔ pana: Yee ɓa gə́ né gə́ deḛ ra gə dəw gə́ mbai ndigi kula rɔnduba dəa’g lé.

Maktub gə́ wɔji dɔ Jɔb 40:10

Maji kari ɗɔi rɔi gə boo-nérɔnduba gə némajije gə́ bə̰dərə bə̰ ləm, Maji kari ula rɔnduba gə riɓar rɔi’g to gə́ kubu bèe ləm tɔ.

Pakɔsje 104:2

Lookàr gə́ ɔr jol-jol lé Yeḛ ula rəa’g to gə́ kubu gə́ ŋgal yududu bèe ləm, Yeḛ naji dara to gə́ lab ne mbogo bèe ləm tɔ.

Pakɔsje 132:16

N’a kula kaji rɔ njékinjanéməsje’g ləa asəna gə kubu bèe ləm, Majikojije ləa lé d’a ra né wəl-wəl gə rɔlel ya ləm tɔ.

Pakɔsje 132:18

N’a kar rɔkul dəb dɔ njéba̰je’g ləa rigim ləm tɔ, Nɛ dəa-yeḛ lé dɔgugu ləa a ndogó keneŋ kɔr jol-jol.

Teḛ-Raga 12:12

Mee til’g neelé n’a njaa mee ɓee gə́ Ejiptə ndá n’a kila tuji dɔ ŋgandərje lai gə́ mee ɓee gə́ Ejiptə’g, un kudee dɔ ŋgandər dəwje’g saar teḛ ne dɔ ŋgandər daje’g ləm, n’a gaŋgta dɔ magəje’g lai gə́ to Ejiptə lé ləm tɔ. Neḛ n’to Njesigənea̰.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 21:9

Bèe ɓa aa oo, njérɔ gə kundaje Gə́ d’wa na̰ joo-joo lé d’isi ree! Deḛ d’un ta pa tɔɓəi pana: Babilɔn oso, yee oso ya. Ndá ndil néje gə́ to magəje ləa lé Toso naŋg təd njigi-njigi!

Esai 46:1

Magə-Bel gə magə-Nebo toso, D’odo néndajije gə́ wɔji dɔ dee d’ɔm dɔ da-kulje’g Ar dee tel to nékodo gə́ wɔi Dɔ da-kulje’g neelé ar dee dao ne!

Esai 46:2

Magəje neelé siŋga dee as el ar dee toso, Deḛ d’askəm kaa dɔ néndajije gə́ wɔji dɔ dee lé el Ndá deḛ nja kara d’aw sə dee na̰’d ɓee-ɓər’g tɔ.

Esai 49:18

Unje kəm sí ooje ne loo gə́ gugu dɔ sí! Deḛ lai mbo̰ dɔ na̰ ree gə́ rɔ sí’g. Njesigənea̰ pana: Ma m’to njesikəmba. Seḭ a kɔm deeje rɔ sí’g Asəna gə néra ma̰dje ləm, Seḭ a tɔ deeje reŋ sí’g To gə́ njeŋgao-sigi tɔ ne néra ma̰dje rḛgee’g bèe ləm tɔ.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Esai 59:17

Yeḛ dolè rəa gə meekarabasur To gə́ kubu-rɔ gə́ ula kaaree’g bèe ləm, Yeḛ ula dɔgugu-kaji dəa’g ləm tɔ, Yeḛ un dalba̰ ula rəa’g To gə́ kubu bèe ləm, Kaḭ bada ləa gə́ dɔ dee’g To asəna gə kubu gə́ boi yul bèe ləm tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 61:5

Dəw-dɔ-ɓeeje gə́ keneŋ lé D’a to njékul koso-nékulje lə sí ləm, Dəw-dɔ-ɓeeje lé D’a to kura-kwɔsje lə sí ləm, Gə njéŋgəm ndɔ-nduúje lə sí ləm tɔ.

Jeremi 10:11

Seḭ a kula deeje togə́bè pajena: Magəje gə́ ra dara əsé naŋg nee el lé D’a sané pá dɔ naŋg nee ləm, Gə gin dara’g ləm tɔ.

Jeremi 10:15

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 25:19

M’ar Parao̰, mbai gə́ Ejiptə ləm, gə kuraje ləa ləm, gə ŋgan-mbaije ləa ləma, gə koso-dəwje ləa lai ləm tɔ d’ai.

Jeremi 43:13

Yeḛ a təd néndajije gə́ Bet-Semes mee ɓee gə́ Ejiptə’g ləm, yeḛ a roo kəije lə magəje gə́ Ejiptə ləm tɔ.

Jeremi 46:25

Njesigənea̰ gə́ njeboo-néje gə́ to Ala lə Israɛlje lé pana: Aa ooje, m’a ra né gə́ kədərə gə Amo̰, magə gə́ No ləm, gə Parao̰, gə Ejiptə, gə magəje ləa, gə mbaije ləa ləma, gə Parao̰ gə deḛ lai gə́ d’ɔm meḛ dee dəa’g lé ləm tɔ.

Jeremi 48:7

Mbata i ɔm məəi dɔ kula raije’g ləm, Gə dɔ nébaoje’g ləi ləm tɔ lé Ndá i kara d’a dum dɔi tɔ. Ala ləi gə́ ria lə Kemos lé A kaw ɓee-ɓər’g Gə njékinjanéməsje gə mbaije ləa na̰’d.

Jeremi 49:27

M’a kila pər mee ɓee-boo gə́ Damas karee roo kəi-mbaije lə Ben-Adad dula-dula.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Jeremi 51:44

M’a kar bo̰ néra mag-Bel Ɔs təa’g mee ɓee gə́ Babilɔn ləm, M’a kwa né gə́ yee uru lé təa’g kɔr Ndá ginkoji dəwje gə raŋg D’a kaw budu-budu gə́ rəa’g el ŋga. Ndògo-bɔrɔ gə́ Babilɔn kara Təd oso ya tɔ.

Ejekel 29:11

Dəw kára kara a kila gɔlee keneŋ el ləm, da kára kara a kila gɔlee keneŋ el ləm tɔ. A to bèe ya lal kar dəw si keneŋ as ləb rɔ-sɔ.

Ejekel 29:19

Gelee gə́ nee ɓa Mbaidɔmbaije gə́ Njesigənea̰ pa ne ta togə́bè pana: Aa oo, neḛ n’ar Nebukadnesar, mbai gə́ Babilɔn ɓee gə́ Ejiptə. Yeḛ a taa nébaoje gə́ keneŋ ləm, yeḛ a kunda dee banrɔ ləma, yeḛ a kodo nébanrɔje gə́ keneŋ ləm tɔ, yee ɓa a to nékoga-dɔ-ji njérɔje ləa ya.

Ejekel 30:13

Mbaidɔmbaije gə́ Njesigənea̰ pa togə́bè pana: N’a tuji magə-poleje ləm, n’a tɔr néndajije gə́ gə mḭdé ba mee ɓee gə́ Nop rɔd-rɔd ləm tɔ. Mbai gə́ njekaa dɔ dəb ɓeeko̰ gə́ Ejiptə a godo ləm, n’a kɔm ɓəl-boo dɔ ɓee gə́ Ejiptə’g ləm tɔ.

Loo gə́ killa rea kəm Daniel’g 11:8

Yeḛ a kodo magəje lə dee ləm, gə néndajije lə dee gə́ léḛ gə larndul ləma, gə némajije lə dee gə́ ra gə larnda gə larlɔr ləm tɔ ndá a kaw ne sə dee Ejiptə gə́ nébanrɔ. Tɔɓəi mee ləbje gə́ na̰je yeḛ a si əw gə mbai gə́ dɔgel lé.

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.

Njé gə́ Rɔmə 13:12

Loondul si sané ar ta lookàr nai dəb ŋga. Bèe ndá ar sí n’juraje néraje lə loondul lé rɔ sí’g gə́ gogo, j’ya̰je j’odoje néraje lə lookàr j’ɔmje rɔ sí’g tɔ.

Njé gə́ Epesə 4:24

mba kar dəw gə́ sigi gə́ ɔr rɔ Ala ɓa seḭ ulaje rɔ sí’g ləm tɔ, yee ɓa wɔji dɔ meekarabasur gə meenda gə́ kankəmta ɓa oji dee.

Njé gə́ Epesə 6:11

Odoje nérɔje lə Ala bura ɔmje rɔ sí’g gə mba koma̰ ne gə njekurai dum ne négosɔje ləa.

Njé gə́ Kolosə 3:12

Bèe ndá to gə́ seḭ toje dəwje gə́ to gə kəmee gə́ m’unda sí dan kəm’g ləm, Ala lé nja ɔr sí gə kəmee ləm tɔ ndá maji kar sí arje meekoso lemsé ləm, gə meemaji ləm, gə kosokul ləm, gə kaw yururu ləma, gə meekila ləm tɔ lé to ne néje gə́ seḭ dolèje ne rɔ sí yul-yul ya.

Njé gə́ Kolosə 3:14

Né gə́ ur dɔ néje’g lai lé ulaje rɔ sí dan meenoji’g, yee ɓa to kúla gə́ tuga sí na̰’d keg-keg.