Jeremi 42:5 - Maktub gə́ To gə Kəmee

⁵ Deḛ d’ula Jeremi pana: Ɓó lé jeḛ n’raje néje lai gə́ Ala ləi gə́ Njesigənea̰ a kulai kari ula sí el ndá maji kar Njesigənea̰ to kankəm njekɔrgoota gə́ gə goo rəbee mba kila ne ta dɔ sí’g ya.

Jeremi 42:5 Iomraidhean Croise

Gḭ-Néje 31:50

Ɓó lé i ula kəm ŋganəmje gə́ dené ndòo əsé i taa denéje gə́ raŋg ɔm dɔ dee’g ndá to dəw ɓa si oo goo sí el. Məəi dɔ rɔi’g mbata to Ala nja gə́ njekɔrkəmta mbuna síjeḛ səi’g ya.

Teḛ-Raga 20:19

Deḛ d’ula Moyis pana: I nja ula sí ta ndá j’a kooje ya, nɛ maji kar Ala ɓa ula sí el nà banelə j’a kwəije.

Teḛ-Raga 20:7

Ala ləi gə́ Njesigənea̰ lé maji kari ɓar ria pəd-pəd as ne loo el, mbata dəw gə́ ɓar ri Njesigənea̰ pəd-pəd as né loo lé yeḛ a lal kar bo̰ nérea ɔs təa’g el.

Jeremi 42:20

Seḭ nja seḭ suje kəm rɔ sí mbata seḭ ulamje rɔ Njesigənea̰, Ala’g lə sí mba pa pana: M’ra ndòo rɔ Njesigənea̰ Ala’g lə sí mbata lə sí ləm, m’ula sí taje lai gə́ Njesigənea̰, Ala lə sí pa lé ləm tɔ ndá seḭ a raje née ya.

Jeremi 43:2

ndá Ajaria, ŋgolə Hosee gə Jokana, ŋgolə Karea gə dəwje nee lai gə́ to njébeeleje lé d’ula Jeremi pana: I pata ŋgɔm. Ala lə sí gə́ Njesigənea̰ ulai mba kari ula sí pana: Maji kar sí j’aw j’isije Ejiptə el lé bèe godo.

Jeremi 43:4

Yen ŋga Jokana, ŋgolə Karea ləm, gə ɓée kudu-njérɔje lai ləm, gə koso-dəwje lai ləm tɔ lé d’ila koji dɔ ta’g lə Njesigənea̰ gə́ un ndia ar dee mba kar dee nai mee ɓee gə́ Juda’g lé el.

Jeremi 5:2

Ɓó lé deḛ pa pana: Njesigənea̰ si kəmba kara To taŋgɔm ɓa deḛ pa Ndo̰ ne naji d’ubu ne rɔ dee.

Misee 1:2

Seḭ koso-dəwje lai lé ooje ta nee! Naŋg gə dəwje lai gə́ d’isi keneŋ lé Urje mbi sí gèŋ! Maji kar Njesigənea̰ Mbaidɔmbaije ɔr ta ila dɔ sí’g Mbaidɔmbaije, yeḛ gə́ si mee kəi-mbai’g ləa Gə́ to gə kəmee lé!

Malasi 2:14

Tɔɓəi seḭ pajena: See ban wa. Mbata Njesigənea̰ lé to njekoo goo ta mbuna sí-seḭ’g gə dené ji síje gə́ seḭ taa deeje gə basa sí ba lé. Deḛ lé to gə́ njela sə síje ləm, to denéje gə́ seḭ manje rɔ sí ar deeje ləm tɔ nɛ seḭ telje uba deeje ya̰ deeje ya.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Njé gə́ Rɔmə 1:9

Ala gə́ m’wa məəm’g gə ndiləm bura lé m’ila ne mber Tagə́maji lə Ŋgonee lé yeḛ nja to gə́ njekɔrkəmta ləm gə́ gəd mbata yeḛ oom to gə́ m’ɓar ri sí loo gə́ m’ra tamaji ləm ta-ta ləm,

Loo gə́ killa rea kəm Ja̰’g 1:5

gə ka̰ Jeju Kristi Njekɔrgoota gə́ to Majikoji gə́ unda loo teḛ dan njé gə́ d’wəi’g doŋgɔr lé yeḛ to Mbai dɔ mbaije gə́ dɔ naŋg nee ləm tɔ. Yeḛ nja unda sí dan kəmee’g, togo ne kaiya lə sí gə məsee ləm,

Loo gə́ killa rea kəm Ja̰’g 3:14

Maji kam m’ndaŋg maktub nee m’ar kura lə Eglisə gə́ Laodise pana: Aa oo, yeḛ gə́ njepa ta Amen gə́ to njekɔrgoota gə́ to majikoji gə njepa kankəmta lé ləm, yeḛ gə́ to gə́ njegin nékundaje lə Ala ləm tɔ lé yeḛ nja pana:

Njéga̰g-Rəwtaje 11:10

Ŋgatɔgje gə́ Galaad lé d’ula Jepte pana: Ɓó lé jeḛ n’raje né gə́ i ula sí lé el ndá maji kar Njesigənea̰ oo ləm, maji karee gaŋg rəwta dɔ sí’g ləm tɔ.

1 Samel 12:5

Yeḛ tel ula dee tɔɓəi pana: Njesigənea̰ to njekoo goo ta lə sí ləm, yeḛ gə́ yeḛ wa dəa gə ubu lé kara to njekoo goo ta lə sí ɓogənè ləm tɔ, to gə́ seḭ iŋgaje né kára kara jim’g el. Deḛ d’ilá keneŋ pana: Bèe ya, deḛ to njékoo géeje ya.

1 Samel 20:42

Jonatan ula Dabid pana: Aw gə meekulɔm. Ɓasinè jeḛ manje rɔ sí j’ar na̰ gə ri Njesigənea̰ m’pajena: Maji kar Njesigənea̰ nai mbuna sí-jeḛ səi’g ləm, gə mbuna ŋgakamje-je’g gə ŋgakaije-je’g ləm tɔ saar gə no̰ ya.